იურიდიულ საკითხთა კომიტეტის თავმჯდომარის, ეკა ბესელიას მიერ ერთ–ერთი ტელევიზიისთვის მიცემული კომენტარი აღიარებითი ჩვენებაა, ამის შესახებ საგანგებოდ გამართულ ბრიფინგზე, „დემოკრატიული მოძრაობა–თავისუფალი საქართველოს“ თბილისის მერობის კანდიდატმა კახა კუკავამ განაცხადა.
ოპოზიციური პარტიები ამომრჩევლებს საარჩევნო უბანზე მისვლისკენ მოუწოდებენ. როგორც სასტუმრო ”თბილისი მარიოტში” გამართულ ბრიფინგზე ”დემოკრატიული მოძრაობის” ლიდერმა ნინო ბურჯანაძემ განაცხადა, ოპოზიციური პარტიების ერთადერთი მიზანი არჩევნების შედეგების და ხმების დაცვაა.
პირველყოვლისა მინდა მოვუწოდო ამომრჩეველს აუცილებლად მივიდნენ არჩევნებზე, რა თქმა უნდა ჩვენი ამომრჩევლის იმედი მაქვს, მაგრამ დღეს ძალიან მნიშვნელოვანია აბსოლუტურად ყველა ადამიანი მოვიდეს არჩევნებზე და დააფიქსირონ საკუთარი პოზიცია,"- ასეთი კომენტარი გააკეთა ნინო ბურჯანაძე საარჩევნო უბანზე საკუთარი პოზიციის დაფიქსირების შემდეგ.
„დემოკრატიული მოძრაობა-თავისუფალი საქართველოს“ საკრებულოს თავმჯდომარეობის კანდიდატმა დიმიტრი ლორთქიფანიძემ თავისი არჩევანი უკვე გააკეთა და მოსახლეობას მოუწოდა, ყველამ გააკეთოს თავისი არჩევანი.
დიმიტრი ლორთქიფანიძის განცხადებით, მან ხმა მისცა სისტემური ოკუპაციისა და ლიბერალური ფაშიზმის წინააღმდეგ ეროვნულ ინტერესს, ოჯახურ კეთილდღეობასა და თბილისის ისტორიული მისიის აღდგენას!

ხმა მივეცი ამ ქალაქში ცვლილებებს, ხმა მივეცი იმას, რომ 25 წლიანი პაუზის შემდეგ ეროვნული ძალები დაბრუნდნენ ხელისუფლებაში,"- ასეთი კომენტარი გააკეთა კახა კუკავამ მას შემდეგ რაც საარჩევნო უბანზე დააფიქსირა საკუთარი არჩევანი.
ისნის საარჩევნო ოლქის 49–ე უბნის წარმომადგენლის, ნინო ჭეიშვილის განცხადებით, საარჩევნო პროცესის დაწყებისას ხარვეზი გამოვლინდა.
„ისნის საარჩევნო ოლქის 49–ე უბანზე საკონტროლო ფურცელი უბანზე არარეგისტრირებულ ამომრჩეველს შეავსებინეს. თუმცა, აღნიშნული ფურცლის ყუთში ჩაგდება ვერ მოასწრეს და ამიტომ, აქტის შედგენისა და საჩივრის დაწერის შემდეგ საარჩევნო პროცესი აღდგა“, – განაცხადა ჭეიშვილმა.