ახალი ამბები
ნინო ბურჯანაძე: ეს პარლამეტი გახლავთ ორი პოლიტიკური ძალის გარიგებისა და დანაშაულებრივი კოჰაბიტაციის შედეგი
16:22 / 25.05.2017
ნინო ბურჯანაძე: ეს პარლამეტი გახლავთ ორი პოლიტიკური ძალის გარიგებისა და დანაშაულებრივი კოჰაბიტაციის შედეგი
„ჩვენ შევიტანეთ სარჩელი სტრასბურგის სასამართლოში. სარჩელი ეხებოდა ხელისუფლების მხრიდან არჩევნებით მანიპულაციას, ხელისუფლების უზურპაციასა და არჩევნების ფალსიფიკაციას იმისთვის, რომ ბიძინა ივანიშვილსა და „ქართულ ოცნებას“ ნებისმიერი გზით მოეპოვებინა საკონსტიტუციო უმრავლესობა, რათა შემდეგ საქართველოს მოსახელობისათვის თავზე დაეხიათ კონსტიტუცია. იმისთვის, რომ საქართველოს მოსახლეობისათვის წაერთმიათ ელემენტარული უფლება ეკონტროლებინა ხელისუფლება, რათა საქართველო ბიძინა ივანიშვილმა ჩაიდოს ჯიბეში და აკონტროლოს ისე, როგორც მას და მის უახლოეს გარემოცვას უნდა,“-განაცხადა ნინო ბურჯანაძემ საგანგებოდ გამართულ ბრიფინგზე.
ნინო ბურჯანაძის განცხადებით: „ეს არჩევნები ვერ ჩაითვლება დემოკრატიულად. ვერც ეს პარლამენტი იქნება ლეგიტიმური და ხალხის ნების გამომხატველი,“
16:16 / 25.05.2017
ნინო ბურჯანაძის განცხადებით: „ეს არჩევნები ვერ ჩაითვლება დემოკრატიულად. ვერც ეს პარლამენტი იქნება ლეგიტიმური და ხალხის ნების გამომხატველი,“
„მე და ჩემი თანაგუნდელები ვაცხადებთ, გამომდინარე იქიდან, რომ წინაასაარჩევნოდ ჩვენ წაგვართვეს უფასო სატელევიზიო დრო, არ ხდებოდა ჩვენი გაშუქება მედია სივრცეში „ქართული ოცნებისა“ და ნაციონალური მოძრაობისგან“ განსხვავებით. ასევე საარჩევნო გარემო არ იყო თანაბარი ეს არჩევნები ვერ ჩაითვლება დემოკრატიულად. ვერც ეს პარლამენტი იქნება ლეგიტიმური და ხალხის ნების გამომხატველი,“-განაცხადა ნინო ბურჯანაძემ.
ნინო ბურჯანაძე : მე და ჩემი გუნდი ყველაფერს გავაკეთებთ იმისთვის რომ საქართველოს ტერიტორიული მთლიანობა აღდგეს
15:24 / 24.05.2017
ნინო ბურჯანაძე : მე და ჩემი გუნდი ყველაფერს გავაკეთებთ იმისთვის რომ საქართველოს ტერიტორიული მთლიანობა აღდგეს
„დღეს პატრიარქის ლოცვა-კურთხევით არის ჩვენთვის ძალიან მნიშვნელოვანი აფხაზეთის დღე. ჩვენ გვჯერა, რომ აუცილებლად მოვა დრო, როდესაც საქართველოს მოქალაქეებს მიეცემათ შესაძლებლობა, სურვილისამებრ მოინახულონ სიმონ ქანანელის საფლავი ახალ ათონში,“ - ასეთი კომენტარი გააკეთა ნინო ბურჯანაძემ აფხაზეთის დღესთან მიმართებაში, რომელთან დაკავშირებითაც „დემოკრატიულმა მოძრაობამ“ საქართველოს ერთიანობისათვის დაღუპულ გმირთა მემორიალი გვირგვინით შეამკო.
ნინო ბურჯანაძე : მე და ჩემი გუნდი ყველაფერს გავაკეთებთ იმისთვის რომ საქართველოს ტერიტორიული მთლიანობა აღდგეს
15:21 / 24.05.2017
ნინო ბურჯანაძე : მე და ჩემი გუნდი ყველაფერს გავაკეთებთ იმისთვის რომ საქართველოს ტერიტორიული მთლიანობა აღდგეს
ნინო ბურჯანაძე : ხელისუფლებასა და საზოგადოების ნაწილს არ ესმის, თუ რა არის ქვეყნის ძირითადი პრიორიტეტი.

„არ აქვს მნიშვნელობა ვის დანიშნავენ ელჩად, თვითონ ფაქტი, რომ აფხაზეთსა და სამაჩაბლოში საელჩოებია გახსნილი ჩემთვის აბსოლუტურად მიუღებელია,“ - ასე გამოეხმაურა ნინო ბურჯანაძე სამაჩაბლოში მარატ კულახმეტოვის ელჩად დანიშვნის ფაქტს.
ნინო ბურჯანაძე : დასაგმობია, რომ ასეთ ფორუმებს საქართველოს ხელისუფლება არ იყენებს რუსეთის მაღალჩინოსნებთან დასალაპარაკებლად და ჩვენი პრობლემის მოსაგვარებლად
15:18 / 24.05.2017
ნინო ბურჯანაძე : დასაგმობია, რომ ასეთ ფორუმებს საქართველოს ხელისუფლება არ იყენებს რუსეთის მაღალჩინოსნებთან დასალაპარაკებლად და ჩვენი პრობლემის მოსაგვარებლად
„ძალიან სამწუხარო და სამარცხვინოა ის ისტერიკა, რომელიც ატყდა იმასთან დაკავშირებით რომ ქუმსიშვილი მედვედევის გვერდით იდგა.“ -
ასე გამოეხმაურა ნინო ბურჯანაძე საქართველოს ვიცე პრემიერისა და დიმიტრი მედვედევის გვერდიგვერდ დგომასთან ატეხილ აჟიოტაჟს.
„ან საერთაშორისო პროტოკოლი არ წაგიკითხავთ, ან საერთაშორისო შეხვედრებსა ან ფორუმებში არ მიგიღიათ მონაწილეობა?! რა უნდა ეთქვა ქუმსიშვილს?! არ დავდგები მედვედევის გვერდითო?! ძალიან ცუდი ის არის, რომ მან არ გამოიყენა შესაძლებლობა დალაპარაკებოდა იმ ქვეყნის ერთ-ერთ ლიდერს, რომელთანაც ჩვენ ყველაზე დიდი პრობლემები გვაქვს,“- განაცხადა ნინო ბურჯანაძემ.
„დემოკრატიული მოძრაობა“ ღრმა მწუხარებას გამოთქვამს მანჩესტერში მომხდარი ტერაქტის გამო
15:13 / 23.05.2017
„დემოკრატიული მოძრაობა“ ღრმა მწუხარებას გამოთქვამს მანჩესტერში მომხდარი ტერაქტის გამო
„დემოკრატიული მოძრაობა“ სამძიმარს უცხადებს ბრიტანეთის მთავრობას, ინგლისელ ხალხს, გარდაცლილთა ოჯახის წევრებსა და ახლობლებს. მანჩესტერში განხორციელებულმა ტერაქტმა კიდევ ერთხელ დაგვანახა, თუ რა დიდ საფრთხეს წარმოადგენს ტერორიზმი ცივილიზებული მსოფლიოსთვის. აუცილებელია XXI საუკუნის ამ უდიდესი გამოწვევის წინაშე ყველა ერთმანეთის გვერდზე უნდა დავდგეთ და საერთო ძალებით უფრო აქტიურად ვებრძოლოთ მას.
ფაქტია, რომ ის რასაც ცივილიზებული სამყარო ამ საშინელი შავი ჭირის შესაჩერებლად აკეთებს საკმარისი არ არის. ის მძვინვარებს და უფრო და უფრო მეტი მშვიდობიანი ადამიანის სიცოცხლეს იწირავს.
ანონსი - 5/23/2017
12:25 / 23.05.2017
ანონსი - 5/23/2017
18:00 საათზე, ტელეკომპანია მაესტროს გადაცემაში "კონტაქტი 6-ზე" სტუმრად "დემოკრატიული მოძრაობა, ერთიანი საქართველოს" ლიდერი ნინო ბურჯანაძე

21:50 საათზე, ტელეკომპანია "მაესტროს" გადაცემაში "ცეცხლის ხაზი" სტუმრად "დემოკრატიული მოძრაობა, ერთიანი საქართველოს" წევრები გუბაზ სანიკიძე და დიმიტრი ლორთქიფანიძე


ძლიერი თვითმმართველობა ეს არის ქვეყნის ინტერესი, რომელიც არ შეიძლება შეეწიროს ერთი პოლიტიკური პარტიის და ერთი ბიძინა ივანიშვილის ინტერესს
16:43 / 18.05.2017
ძლიერი თვითმმართველობა ეს არის ქვეყნის ინტერესი, რომელიც არ შეიძლება შეეწიროს ერთი პოლიტიკური პარტიის და ერთი ბიძინა ივანიშვილის ინტერესს
შვიდი თვითმმართველი ქალაქის, ისევ სათემო მუნიციპალიტეტებთან გაერთიანება და მათთვის თვითმმართველი ქალაქების სტატუსის წარმევა კატეგორიულად მიუღებელია ‘’დემოკრატიული მოძრაობისთვის’’. პარტია ამ საკითხთან დაკავშირებით განცხადებას ავრცელებს, რომელშიც ხელისუფლების ქმედებებს, თვითმმართველობის განვითარების შეჩერებად და ქვეყნისთვის უკან გადადგმულ ნაბიჯად მიიჩნევს.
იმის მაგივრად, რომ 2014 წელს დაწყებული თვითმმართველობის რეფორმა გაგრძელებულიყო და კიდევ უფრო მეტ ქალაქს საქართველოში, მიეღო თვითმმართველი ქალაქის სტატუსი, ხელისუფლება ქვეყანას წარსულში აბრუნებს და იმ მცირე პოზიტივსაც კი, რომელიც რეფორმამ მოუტანა ქვეყანას, წყალში ყრის.
‘’დემოკრატიული მოძრაობა,’’ ხელისუფლების ინიციატივას, აღარ გადასცეს პირდაპირ ეთერში, კონსტიტუციის საჯარო განხილვის პოცესი, საკუთარი მოსახლეობისგან დამალვის მცდელობად აფასებს.
16:15 / 18.05.2017
‘’დემოკრატიული მოძრაობა,’’ ხელისუფლების ინიციატივას, აღარ გადასცეს პირდაპირ ეთერში, კონსტიტუციის საჯარო განხილვის პოცესი, საკუთარი მოსახლეობისგან დამალვის მცდელობად აფასებს.

ხელისუფლება, რომელმაც გადაწყვიტა თბილისელებს დაემალოს და ფილარმონიაში ჩაშლილი საკონსტიტუციო განხილვის შემდეგ, პროცესი კვლავ რეგიონებში დააბრუნოს, ამჯერად უკვე, მთელ მოსახლეობას ემალება და სხდომების პირდაპირ ეთერში ტრანსლაციას წყვეტს. ‘’დემოკრატიული მოძრაობა’’, ხელისუფლების ამ ქმედებაში ხედავს შიშს საკუთარი მოსახლეობის მიმართ. განსხვავებული აზრის მიუღებლობას და უსუსურ მცდელობას დაემალოს საზოგადოებას, რომლისთვისაც მიუღებელია ის საკონსტიტუციო ცვლილებები, რომელსაც ‘’ქართული ოცნება’’ გვახვევს თავს.

ნინო ბურჯანაძე: „მიწის საკუთრების საკითხს რეფერენდუმზე გავიტანთ“
15:10 / 16.05.2017
ნინო ბურჯანაძე: „მიწის საკუთრების საკითხს რეფერენდუმზე გავიტანთ“
შემთხვევითი არ არის, რომ საკონსტიტუციო კომისიაში ჩვენმა პარტიამ პრინციპულად დააყენა მიწის საკუთრების დაცვის საკითხი. სწორედ, დემოკრატიულმა მოძრაობამ მოითხოვა კონსტიტუციაში საგანგებო მუხლის შეტანა, რომლითაც აიკრძალებოდა ქართული მიწის უცოელებზე გაყიდვა. მე მოხარული ვარ, რომ დღეს ოპოზიციური სპექტრი და საზოგადოების ძალიან დიდი ნაწილი ამ ჩვენს ინიციატივას აქტიურად უჭერს მხარს.
დღეს ქართული მიწა იყიდება უკონტროლოდ. ამ საკითხთან დაკავშირებით, ერთი თვის წინ იუსტიციის სამინისტროდან საჯარო ინფორმაცია მოვითხოვეთ, თუმცა იუსტიციის სამინისტრომ პასუხი არ მოგვცა. იმიტომ, რომ ქართული მიწა იყიდება ყოველგვარი კონტროლის გარეშე. როგორც ჩანს ეს არის ძალიან თანმიმდევრული პროცესი, ვიღაცის ინტერესში შედის, რომ რაც შეიძლება სწრაფად გაიყიდოს მიწის დიდი ნაწილი და ამიტომაც ეწინააღმდეგება ხელისუფლება იმ ცვლილებას, რომელიც ითვალისწინებს მინიმუმ ქვეყნის ტერიტორიული მთლიანობის აღდგენამდე მიწების გაყიდვის აკრძალვას.