კახა კუკავამ და დიმიტრი ლორთქიფანიძემ აღმაშენებლის გამზირზე არაბულენოვან სარეკლამო აბრას ქართულენოვანი შესატყვისები დააწერეს
„დემოკრატიული მოძრაობა - თავისუფალი საქართველოს“ თბილისის მერობის კანდიდატმა კახა კუკავამ და საკრებულოს თავმჯდომარეობის კანდიდატმა დიმიტრი ლორთქიფანიძემ აღმაშენებლის გამზირზე ყველა არაბულენოვან სარეკლამო აბრას ქართულენოვანი შესატყვისები დააწერეს, - ამის შესახებ „ინტერპრესნიუსს“ „დემოკრატიული მოძრაობა - თავისუფალი საქართველოდან“ აცნობეს.
„მიუხედავად კანონმდებლობის მოთხოვნისა, თბილისის პრაქტიკულად ყველა უბანში სარეკლამო აბრები დარღვევით, მხოლოდ ინგლისურ ან მხოლოდ არაბულ ენაზეა განთავსებული, ხოლო მერიის ზედამხედველობის სამსახური, რომლის კომპეტენციასაც წარმოადგენს ამ საკითხის მონიტორინგი, არაფერს მოქმედებს კანონის მოთხოვნათა აღსრულებისთვის“, - ნათქვამია პარტიის მიერ გავრცელებულ ინფორმაციაში.
FaceBook Twitter Google