გიორგი ახვლედიანი - ბიძინა ივანიშვილის შვილის ძმაკაცობის გამო ადამიანები ხდებიან ქვეყნის პრემიერ-მინისტრები
„დემოკრატიული მოძრაობის“ პოლიტსაბჭოს წევრი გიორგი ახვლედიანი აცხადებს, რომ ქვეყანა კიდევ უარესი კატასტროფისკენ მიდის, როდესაც მამუკა ბახტაძეზე კვალიფიციურ კადრს ქვეყნის პრემიერ-მინისტრის პოსტზე ვერ განიხილავს.

„ქვეყანაში ვითარება იმდენად მძიმეა, იმდენად არაადეკვატური პოლიტიკის მომსწრენი ვართ, ისეთი უცოდინრების გუნდი მართავს დღეს ქვეყანას, რომ საქმე იქამდე მივიდა, ბიძინა ივანიშვილის შვილის ძმაკაცობის გამო ადამიანები ხდებიან ქვეყნის პრემიერ-მინისტრები.

მამუკა ბახტაძეს არანაირი პოლიტიკური, ეკონომიკური, სოციალური დამსახურება არ აქვს, რომ მას ამხელა ნდობა გამოუცხადოს ქვეყანამ. ერთადერთი კრიტერიუმი, რის გამოც ის გახდა ჯერ ფინანსთა მინისტრი და ახლა მიართვეს პრემიერის პოსტი და თან ეს არის ადამიანი, რომელიც 2012 წელს „ნაციონალური მოძრაობის“ შემომწირველი და აქტიური მხარდამჭერი იყო. ეს ადამიანი 6 წელიწადში ხდება ივანიშვილის მთავრობის ბოსი. ამაზე მეტი კატასტროფა, კიდევ რა უნდა გვჭირდეს?!“, - აცხადებს გიორგი ახვლედიანი.
FaceBook Twitter Google
კალენდარი
«« სექტემბერი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30