ნინო ბურჯანაძე „რუსთავი 2“-ის გადაცემა „პოსტკრიპტუმს“ გამოეხმაურა
ეს არის საშიში საბოტაჟი და პროვოკაცია ჩვენი სახელმწიფოს წინააღმდეგ, - ასე გამოეხმაურა სოციალურ ქსელში „ერთიანი საქართველო დემოკრატიული მოძრაობის“ ლიდერი ნინო ბურჯანაძე „რუსთავი 2“-ის გადაცემა „პოსტკრიპტუმს“.

მისი თქმით, მსგავსი პრეცედენტი, რაც დღეს გიორგი გაბუნიამ გააკეთა, მსოფლიო პოლიტიკისა და ჟურნალისტიკის ისტორიაში არ არსებობს. ამასთან, ნინო ბურჯანაძე ხელისუფლებას გამოძიების სასწრაფო ჩატარებას და შესაბამისი ზომების გატარებას სთხოვს.

„დღეს „რუსთავი 2“-ზე, გიორგი გაბუნიამ გააკეთა განცხადება, რომლის მსგავსი პრეცედენტი მსოფლიო პოლიტიკისა და ჟურნალისტიკის ისტორიაში არ არსებობს.

ეს განცხადება არ არის არც ემოცია და არც მხოლოდ უზრდელობა. ეს არის საშიში საბოტაჟი და პროვოკაცია ჩვენი სახელმწიფოს წინააღმდეგ.

კატეგორიულად მოვითხოვ ხელისუფლებისგან სასწრაფო გამოძიების ჩატარებას და სახელმწიფოს ინტერებისგან გამომდინარე. ადექვატური ზომების მიღებას!", - წერს ნინო ბურჯანაძე სოციალურ ქსელში.

შეგახსენებთ, გადაცემა „პოსტსკრიპტუმის“ წამყვანმა გიორგი გაბუნიამ რუსეთის პრეზიდენტის ვლადიმერ პუტინის მიმართ რუსულ ენაზე არაეთიკური განცხადებები გააკეთა.
FaceBook Twitter Google