განცხადებები
ნინო ბურჯანაძე: ლარის კურსის შენარჩუნება წინა საარჩევნოდ იყო აბსოლუტურად ხელოვნური პროცესი
16:26 / 14.11.2016
ნინო ბურჯანაძე: ლარის კურსის შენარჩუნება  წინა საარჩევნოდ იყო აბსოლუტურად ხელოვნური პროცესი

დღეს, ნინო ბურჯანაძემ საგანგებოდ გამრთულ ბრიფინგზე ლარის კურსის ვარდნაზე ისაუბრა. მან ხაზი გავუსვა იმას, რომ ქვეყანაში ნამდვილად ძალიან სახიფათო ტენდენციები შეინიშნება, რომელზეც იგი არჩევნებამდეც საუბრობდა.
„ ლარის კურსის შენარჩუნება წინა საარჩევნოდ იყო აბსოლუტურად ხელოვნური პროცესი. ხელისუფლება ლარის ხელოვნური გამყარებით უბრალოდ ატყუებდა მოსახლეობას, იმისათვის, რომ მეტი ხმა მიეღო არჩევნებში და სინამდვილეში კი კიდევ უფრო ართულებდა ლართან დაკავშირებულ პრობლემას.“
მისი თქმით, ლარის კურსი არის უტყუარი ინდიკატორი ეკონომიკის განვითარებისა.

ნინო ბურჯანაძემ გუბაზ სანიკიძესთან კონსულტაციების მიმდინარეობა დაადასტურა
17:28 / 11.11.2016
ნინო ბურჯანაძემ გუბაზ სანიკიძესთან კონსულტაციების მიმდინარეობა დაადასტურა

დღეს, ნინო ბურჯანაძემ ჯურნალისტებთან საუბრისას განაცხადა, რომ მისთვის გუბაზ სანიკიძესთან კონსულტაციები და თანამშრომლობა სასიამოვნო იქნება. მან დაადასტურა სანიკიძესთან კონსულტაციების მიმდინარეობა, თუმცა რაიმე კონკრეტული გადაწყვეტილების შესახებ ლაპარაკი ნაადრევად მიიჩნია.

„კონსულტაციები, ალბათ, უფრო გარღმავდება. რა ფორმას მიიღებს ის, მომავალში შევხედოთ, თუმცა მე გიდასტურებთ, რომ ჩემთვის გუბაზ სანიკიძესთან კონსულტაციები და თანამშრომლობა სასიამოვნოა. ნუ გავუსწრებთ მოვლენებს წინ, გადაწყვეტილება თავად სანიკიძემ უნდა მიიღოს, რა ფორმით და ვისთან ითანამშრომლოს. ჩვენ ახლო ურთიერთობა გვაქვს ადამიანური, ოჯახებით ძალიან ახლოს ვართ, მაგრამ რაც ძალიან მნიშვნელოვანია ამ ეტაპზე, ეს არის ის, რომ ჩვენ გვაქვს ერთნაირი ხედვა ქვეყნის დღევანდელი პრობლების თაობაზე, ასევე სამომავლო განვითარების თაობაზე. რა ფორმას მიიღებს ეს თანამშრმლობა, ამაზე თავად გუბაზ სანიკიძე გიპასუხებთ“, - განაცხადა ნინო ბურჯანაძემ.

 

ნინო ბურჯანაძე ამერიკის შეერთებულ შტატებში ჩატარებულ არჩევნებს გამოეხმაურა
16:52 / 09.11.2016
ნინო ბურჯანაძე ამერიკის შეერთებულ შტატებში ჩატარებულ არჩევნებს გამოეხმაურა

„ნინო ბურჯანაძე - დემოკრატიული მოძრაობის“ ლიდერმა კომენტარი გააკეთა ამერიკის შეერთებულ შტატებში ჩატარებულ არჩევნებზე, და განაცხადა რომ დონალდ ტრამპის პრეზიდენტობა ერთმნიშვნელოვნად შეცვლის მსოფლიოს.

„ამერიკის შეერთებული შტატების პრეზიდენტად დონალდ ტრამპის არჩევა ერთმნიშვნელოვნად ნიშნავს, რომ მსოფლიო რომელშიც ჩვენ დღემდე ვცხოვრობდით რადიკალურად შეცვლილია და პრაქტიკულად შეიძლება ითქვას, ახალი მსოფლიო ცხოვრება იწყება. როგორ განვითარდება მოვლენები რათქმაუნდა ძნელად პროგნოზირებადია იმიტომ, რომ ამერიკის შეერთებულ შტატებში მუშაობს დემოკრატიული და სერიოზული ინსტიტუტები აქედან გამომდინარე, პრეზიდენტს ძალიან გაუძნელდება ამ სისტემისგან პრინციპულად შორს გასვლა, თუმცა გამორიცხული არ არის, რომ ის ჩარჩოები რომელიც არსებობს, ტრამპის მიერ იქნეს დანგრეული.“

ქეთი ზაქარეიშვილი: ქვეყანაში არ არსებობს შრომის ისნპექციის შესახებ კანონმდებლობა
16:02 / 08.11.2016
ქეთი ზაქარეიშვილი: ქვეყანაში არ არსებობს შრომის ისნპექციის შესახებ კანონმდებლობა

დღეს „ნინო ბურჯანაძე- დემოკრატიული მოძრაობის“ ცენტრალურ ოფისში გამართულ ბრიფინგზე იურიდული სამსახურის ხელმძღვანელმა ქეთი ზაქარეიშვილმა ისაუბრა შრომის ინსპექციის უფუნქციობაზე.

„ქვეყანაში არ არსებობს შრომის ინსპექციის გამართული ინსტიტუტი. არ არსებობს რეალური სამართლებრივი და ქმედითი მექანიზმები, რომელიც ურუნველყოფს ქვეყანაში შრომის პირობების, უსაფრთხო და ჯანსაღი სამუშაოს გარემოს შექმნას.“

მისი თქმით, ვიზალიბერალიზაციის პროცესში ქვეყანას დაევალა მთელი რიგი ღონისძიებების გატარება. სწორედ ამიტომ საქართველოს „შრომის ჯანმრთელობისა და სოციალური დაცვის“ სამინისტროში შეიქმნა შრომის ინსპექციის დეპარტამენტი, რომელიც უფლებამოსილებას ახორციელებს მთავრობის დადგენილების ფარგლებში და მხოლოდ რეალურად სარეკომენდაციო საქმიანობითაა დაკავებული.

დიმიტრი ლორთქიფანიძე: „ზვარეს ინციდენტი არის ერთგვარი გვირგვინი იმისა, რასაც მანამდე საპროტესტო აქციების სახით ჰქონდა ადგილი.“
15:23 / 08.11.2016
დიმიტრი ლორთქიფანიძე:  „ზვარეს  ინციდენტი არის ერთგვარი გვირგვინი იმისა, რასაც მანამდე საპროტესტო აქციების სახით ჰქონდა ადგილი.“

დღეს, „ნინო ბურჯანაძე- დემოკრატიული მოძრაობის“ ერთ-ერთმა ლიდერმა დიმიტრი ლორთქიფანიძემ კომანტარი გააკეთა სოფელ ზვარეში მომხდარ ინციდენტთან დაკავშირებით, რომლის დროსაც საინვესტიციო პროექტის განმახორციელებელი კომპანიის მენეჯმენტის ჩინელმა წარმომადგენლებმა, სცემეს საქართველოს მოქალაქე დაქირავებულ მუშახელს. მისი განცხადებით, საზოგადოებრივი მღელვარების დიდმა ტალღამ გამოიწვია ის , რომ ჩვენმა სამართალდამცავმა ორგანოება კეთილი ინებეს დაეკავებინათ რამდენიმე ბრალდებული პირი.

ნინო ბურჯანაძე: საოცარია რომ ეს ქვეყანა დგას კიდევ ფეხზე!
16:55 / 07.11.2016
ნინო ბურჯანაძე: საოცარია რომ ეს ქვეყანა დგას კიდევ ფეხზე!

დღეს, ნინო ბურჯანაძემ კოენტარი გააკეთა ლევან იზორიას მიერ მიღებულ გადაწყვეტილებაზე სამხედრო ძალებში სავალდებულო გაწვევის აღდგენასთან დაკავშირებით და აღნიშნა, რომ ქვეყანა არ ჰგავს ქვეყანას.

„ერთი თავდაცვის მინისტრი რომ იღებს გადაწყვეტილებას და ორი თუ სამი თვის ინტერვალით მოდის მეორე მინისტრი, იმავე გუნდიდან და იღებს პრინციპულად სხვა, რადიკალურად საპირისპირო გადაწყვეტილებას იგივე საკითხზე ეს რაზე მეტყველებს?! წარმოუდგენელია ერთი გუნდის მიერ დანიშნული ორი მინისტრის ერთმანეთის აბსოლუტურად საწინააღმდეგო გადაწყვეტილებები ისეთ უმნიშვნელოვანეს საკითხთან დაკავშირებით, როგორიც არის ქვეყნის თავდაცვისუნარიანობა და არ აქვს ახლა პრინციპული მნიშვნელობა რომლის გადაწყვეტილება იყო სწორი. მე არ ვსაუბრობ გადაწყვეტილების სისწორეზე, მე ვსაუბრობ ფაქტზე, რომ ქვეყანა უბრალოდ არ არსებობს. დღეს ერთი მინისტრი ამბობს ერთს, ხვალ მეორე მინისტრი აბსოლუტურად საწინააღმდეგოს, საოცარია რომ ეს ქვეყანა დგას კიდევ ფეხზე“- განაცხადა ნინო ბურჯანაძემ.

 

ნინო ბურჯანაძე: ყველამ იცოდა, რომ სააკაშვილს ოდესის გუბერნატორის სკამი შერყეული ჰქონდა!
16:42 / 07.11.2016
ნინო ბურჯანაძე: ყველამ იცოდა, რომ სააკაშვილს ოდესის გუბერნატორის სკამი შერყეული ჰქონდა!

დღეს, ნინო ბურჯანაძემ კომენტარი გააკეთა მიხელ სააკაშვილის მიერ ოდესის გუბერნატორის პოსტის დატოვებასთან დაკავშირებით. მან აღნიშნა, რომ ინფორმაცია, უკრაინის ხელისუფლებასა და სააკაშვილს შორის არსებულ პრობლემებზე, ყველასათვის იყო ცნობილი და მისი განსაკუთრებული გააქტიურება საქართველოში, არჩევნებთან დაკავშირებით, სწორედ იმით იყო გაპირებობეული, რომ მას ძალიან შერყეული ჰქონდა ოდესის გუბერნატორის სკამი.

ნინო ბურჯანაძე არასაპარლამენტო ოპოზიციას მიმართავს
16:35 / 07.11.2016
ნინო ბურჯანაძე არასაპარლამენტო ოპოზიციას მიმართავს

დღეს, „დემოკრატიული მოძრაობის“ ლიდერმა პარტიის სათაო ოფისში გამართულ ბრიფინგზე ქვეყანაში არსებულ საარჩევნო სისტემაზე ისაუბრა.

„2016 წელს, ოქტომბერში „ქართულმა ოცნებამ“ უკვე მესამედ ჩაატარა არჩევნები უსამართლო სისტემით, რომელიც შექმნილი იყო სააკაშვილის ხელისუფლების დროს და რომელიც, პირდაპირ შეიძლება ითქვას, მიმართული იყო ხელისუფლებაში მყოფი პოლიტიკური ძალის ნებისმიერ ფასად ხელისუფლებაში დარჩენისაკენ და ამ სისტემას არაფერი აქვს საერთო დემოკრატიასთან“-განაცხადა ნინო ბურჯანაძემ.

მისი თქმით, რომ ხელისუფლების წარმომადგენლების განცხადებები, რომ საერთაშორისო თანამეგობრობამ ეს არჩევნები შეაფასა როგორც დემოკრატიული, თავისუფალი და სამართლიანი, არის ტყუილი.

ნინო ბურჯანაძე: განცხადებები ორპალატიან პარლამენტთან დაკავშირებით, ძალიან სერიოზულ კითხვის ნიშნებს აჩენს
14:55 / 04.11.2016
ნინო ბურჯანაძე: განცხადებები ორპალატიან პარლამენტთან დაკავშირებით, ძალიან სერიოზულ კითხვის ნიშნებს აჩენს

„დემოკრატიული მოძრაობის“ ლიდერმა დღეს კომენტარი გააკეთა რუსულ - ქართულ ურთიერთობებთან დაკავშირებით და აღნიშნა, რომ თვალნათლივ ხედავს ხელისუფლების მიერ გაკეთებულ მხოლოდ ზოგად განცხადებებს და არანაირი პროგრესი რეალურად ამ ურთიერთობებში არ არის.

„მე ვვლი, რომ ძალა, რომელიც დღეს ხელისუფლებაშია ვერ გაბედავს რუსეთთან სერიოზული და ჩვენი ქვეყნისათვის ძალიან მნიშვნელოვანი მოლაპარაკებების წარმართვას. მე ველოდები კვლავ ზერელე საუბრებს, ველოდები შეიძლება რაღაც ტიპის შეღავათს იგივე სავიზო რეჟიმთან დაკავშირებით, მაგალითად სამოქალაქო ავიაციის მფრინავებისათვის ვიზების გამარტივებას, რაც შეღავათებს დაუწესებს მხოლოდ თხუთმეტ  ადამიანს. ასევე შეიძლება ვიხილოთ რაღაც მცირე ძვრები იგივე ბაზრის გახსნის მიმართულებით, თუმცა არ ველოდები დიდ გარღვევას“ - განაცხადა ნინო ბურჯანაძემ.

ნინო ბურჯანაძე - საქართველოს გადაქცევა საპარლამენტო რესპუბლიკად იქნება პრაქტიკულად ქვეყნის დაქცევა
14:41 / 04.11.2016
ნინო ბურჯანაძე - საქართველოს გადაქცევა საპარლამენტო რესპუბლიკად იქნება პრაქტიკულად ქვეყნის დაქცევა

საქართველოს გადაქცევა საპარლამენტო რესპუბლიკად იქნება პრაქტიკულად ქვეყნის დაქცევა, - ამის შესახებ „დემოკრატიული მოძრაობის“ ლიდერმა ნინო ბურჯანაძემ დღეს გამართულ პრესკონფერენციაზე განაცხადა, სადაც საკონსტიტუციო ცვლილებებთან დაკავშირებით ისაუბრა.

„ჩემი ღრმა რწმენით, და ეს ღრმა რწმენაც დაფუძნებულია რეალობაზე, რომელიც გვაქვს საქართველოში, ჩვენს ქვეყანაში უნდა შენარჩუნდეს საპრეზიდენტო ინსტიტუტი. დღეს ძალიან ბევრი საუბარია იმასთან დაკავშირებით, რომ საქართველო სრულყოფილად უნდა გადაიქცეს საპარლამენტო რესპუბლიკად. ეს იქნება ქვეყნის პრაქტიკულად დაქცევა და სახელმწიფოებრიობის გაუქმება. ამას ვამბობ სრული პასუხისმგებლობით“, - განაცხადა ნინო ბურჯანაძემ.

ნინო ბურჯანაძემ დიპლომატიურ კორპუსთან და სადამკვირვებლო მისიებთან შეხვედრები დაასრულა
21:38 / 02.11.2016
ნინო ბურჯანაძემ დიპლომატიურ კორპუსთან და სადამკვირვებლო მისიებთან შეხვედრები დაასრულა
„დემოკრატიული მოძრაობის“ ლიდერმა ნინო ბურჯანაძემ დაასრულა დიპლომატიურ კორპუსთან და ყველა საერთაშორისო სადამკვირვებლო მისიასთან შეხვედრები და მათ გადასცა სრული ინფორმაცია და მტკიცებულებები 2016 წლის 8 ოქტომბრის საპარლამენტო არჩევნების გაყალბებასთან დაკავშირებით.

 

“ქართულმა ოცნებამ” “ნაციონალური მოძრაობა“ არჩევნებში საფრთხობელად გამოსაყენებლად გადაარჩინა
18:10 / 31.10.2016
“ქართულმა ოცნებამ”  “ნაციონალური მოძრაობა“ არჩევნებში საფრთხობელად გამოსაყენებლად გადაარჩინა

დღეს, ნინო ბურჯანაძემ, გამართულ ბრიფინგზე ჩვენს თანამოქალაქეებს მიმართა:

„ძვირფასო მეგობრებო, „ქართულმა ოცნებამ“ ყველაფერი გააკეთა იმისთვის, რომ მოსახლეობა გაეცურებინა და ეს გამოუვიდა კიდეც საზოგადოების იმ ნაწილთან, რომელმაც გულუბრყვილოდ დაიჯერა მიშას და „ნაციონალური მოძრაობის“ დაბრუნების საფრთხე. ჩვენ გაფრთხილებდით, რომ სწორედ იმიტომ გადაარჩინა „ქართულმა ოცნებამ“ სააკაშვილი და „ნაციონალური მოძრაობა“ კოჰაბიტაციის გზით, რომ გულუბრყვილო ადამიანებს არჩევანი ჰქონოდათ „ქართულ ოცნებასა“ და „ნაციონალურ მოძრაობას“ შორის და არა „ქართულ ოცნებასა“ და რომელიმე სხვა პოლიტიკურ ძალას შორის. „ქართულმა ოცნებამ“ მოატყუა მთელი ქართული საზოგადოება და გადაარჩინა „ნაციონალური მოძრაობა“ იმიტომ, რომ ამ არჩევნებში ნებისმიერ ფასად გამარჯვება მოეპოვებინა“.

ბიძინა ივანიშვილმა აღიარა რომ არჩევნები სერიოზულად გაყალბდა
15:52 / 31.10.2016
ბიძინა ივანიშვილმა აღიარა რომ არჩევნები სერიოზულად გაყალბდა

დღეს, ნინო ბურჯანაძემ, საგანგებოდ გამართულ ბრიფინგზე კომენტარი გააკეთა ბიძინა ივანიშვილის გუშინდელ განცხადებასთან დაკავშირებით, სადაც მან „ნაციონალური მოძრაობის“ მხრიდან არჩევნების გაყალბებაზე ისაუბრა. ბიძინა ივანიშვილის განცხადებით, გაყალბდა ძალიან ბევრი ბიულეტენი, რამაც გამოიწვია მრავალ ოლქში მეორე ტურების საჭიროება.

ნინო ბურჯანაძის განცხადებით, საზოგადოებას უკვე მოსმენილი აქვს ამ ხელისუფლების მხრიდან განცხადებები, რომ „ნაციონალური მოძრაობა“ გვისმენდა მაშინაც კი, როდესაც „ქართული ოცნება“ ხელისუფლებაში 2 წლის მოსული იყო, მიუხედავად ამისა, ძალიან საინტერესოა განცხადება იმასთან დაკავშირებით, რომ „ნაციონალური მოძრაობა“ აყალბებს არჩევნებს, რომლის დემოკრატიულად და სამართლიანად ჩატარების პასუხისმგებლობაც მთლიანად ეკისრებოდა ხელისუფლებასა და იმ გუნდს, რომელსაც ბატონი ბიძინა ხელმძღვანელობს და მფარველობს.

ნინო ბურჯანაძემ ეუთოს სადამკვირვებლო მისიასთან მორიგი შეხვედრა გამართა
14:38 / 31.10.2016
ნინო ბურჯანაძემ ეუთოს სადამკვირვებლო მისიასთან მორიგი შეხვედრა გამართა

ნინო ბურჯანაძემ მორიგი შეხვედრა გამართა ეუთოს საპარლამენტო ასამბლეის, 2016 წლის საპარლამენტო არჩევნების სადამკვირვებლო მისიის ხელმძღვანელ იგნასიო სანჩეს ამორთან და ასამბლეის გენერალურ მდივანთან რობერტო მონტელასთან.

„დემოკრატიული მოძრაობის“ ლიდერმა მათ გადასცა დამატებითი მტკიცებულებები არჩევნების გაყალბების ფაქტებთან დაკავშირებით, მათ შორის იმ გაყალბებული ოქმების ასლები, რომელთა საფუძველზეც ითხოვდა პარტია უბნების გახსნას და ხმების გადათვლას.

 

 

"ნინო ბურჯანაძე - დემოკრატიული მოძრაობის" განცხადება
14:03 / 29.10.2016
"ნინო ბურჯანაძე - დემოკრატიული მოძრაობის" განცხადება

დემოკრატიული მოძრაობა, ყველა თავის მხარდამჭერს მოუწოდებს, არჩევნების მეორე ტურში არ მიიღოს მონაწილეობა. არ დაუჭიროთ მხარი არც გამყალბებელ ქართულ ოცნებას და არ დაუჭიროთ მხარი, დამნაშავე ნაციონალურ მოძრაობას.

ამ ორი კოჰაბიტირებული პარტიის მიერ საპარლამენტო არჩევნები ტოტალურად გაყალბდა. ამაზე მიუთითებს, ასეულობით გაყალბებული ოქმი და ის რომ ხელისუფლებამ არც ერთი უბნის გახსნა და გადათვლა არ დაუშვა.

უბნების გადათვლის ასეთმა ისტერიულმა შიშმა საბოლოოდ დაგვარწმუნა ყველა, რომ ქართულ ოცნებას და მის ცესკოს ძალიან ბევრი რამ აქვთ დასამალი.

იმისათვის, რომ გარიგებული არჩევნები ბოლომდე საკუთარი სცენარით ჩაამთავრონ, დემოკრატიულ მოძრაობას და ყველა კვალიფიციურ პარტიას, მეორე ტურში დამკვირვებლების ყოლის უფლება ჩამოართვეს. ეს იმისთვის, რომ არავინ მათ დანაშაულებრივ გარიგებას არ დააკვირდეს, საჩივრები არ დაწეროს და შემდეგ საზოგადოებას არ ამცნოს.

მოვუწოდებთ ჩვენს მხარდაჭერებს, არ მიიღონ მონაწილეობა წინასწარ დაგეგმილ ფარსში
18:49 / 25.10.2016
მოვუწოდებთ ჩვენს მხარდაჭერებს, არ მიიღონ მონაწილეობა წინასწარ დაგეგმილ ფარსში

დღეს, ნინო ბურჯანაძემ, საგანგებოდ გამართულ ბრიფინგზე განაცხადა, რომ თბილისის სააპელაციო სასამართლომ გააგრძელა ტრადიცია და კიდევ ერთხელ დაარღვია კანონი. მიიღო უპრეცენდენტოდ უკანონო და უსამართლო გადაწყვეტილება. სასამართლომ არ დააკმაყოფილა ჩვენი კანონიერი მოთხოვნა და ძალაში დატოვა ცენტრალური საარჩევნო კომისიის მიერ ასევე უკანონოდ გამოტანილი დადგენილება , რომელიც მიღებულ იქნა 2016 წლის 17 ოქტომბერს, რის საფუძველზეც ჩვენს წარმომადგენლებს არჩევნების მეორე ტურში მონაწილეობის უფლება წაერთვათ.

ირაკლი ჭყოიძე: დაწერილია 600-ზე მეტი საჩივარი, რომელთა აბსულუტური უმრავლესობა ან განუხილველი დარჩა ან არ დაკმაყოფილდა
18:45 / 24.10.2016
ირაკლი ჭყოიძე:  დაწერილია 600-ზე მეტი საჩივარი, რომელთა აბსულუტური უმრავლესობა ან განუხილველი დარჩა ან არ დაკმაყოფილდა

დღეს „ნინო ბურჯანაძე - დემოკრატიული მოძრაობის“ წარმომადგენელმა ცენტრალურ საარჩენო კომისიაში, ირაკლი ჭყოიძემ ჟურნალისტებთან ინტერვიუში ისაუბრა ცესკოს მიერ პროპორციული არჩენების შედეგების შეჯამებაზე. მან აღნიშნა, რომ ცესკოს მხრიდან შემაჯამებელი გადაწყვეტილება იყო ნაადრევი, დრო იმისთვის რომ ბოლომდე გამოეკვლიათ ის დარღვევები, რომლებიც აღმოჩენილ იქნა საარჩევნო პროცესში, ცენტრალურ საარჩევნო კომისიას ნამდვილად ჰქონდა, თუმცა ეს დრო ცესკომ არ გამოიყენა. გარდა ამისა, სამი ოპოზიციური პარტიის მიერ დანიშნულმა კომისიის წევრმა, მკაფიოდ დავაფიქსირეთ, რომ არ ვეთანხმებით ამ არჩევნების პროპორციულ შედეგებს:

ნინო ბურჯანაძე განაგრძობს დიპლომატიური კორპუსის წარმომადგენლებთან შეხვედრას.
16:10 / 24.10.2016
ნინო ბურჯანაძე განაგრძობს დიპლომატიური კორპუსის წარმომადგენლებთან შეხვედრას.

ნინო ბურჯანაძე განაგრძობს დიპლომატიური კორპუსის წარმომადგენლებთან შეხვედრას. შეხვედრებზე საუბარია 2016 წლის 8 ოქტომბრის საპარლამენტო არჩევნების დროს დაფიქსირებულ დარღვევებზე. ნინო ბურჯანაძე ელჩებს აწვდის დოკუმენტურ მტკიცებულებებს, სადაც ნათლად ჩანს, თუ როგორ გაყალბდა არჩევნები. შეხვედრები ამ კვირის განმავლობაშიც გაგრძელდება.

 

დემოკრატიული მოძრაობა სამძიმარს უცხადებს ავარიის შედეგად გარდაცვილი ჯარისკაცის ოჯახს.
19:44 / 22.10.2016
დემოკრატიული მოძრაობა სამძიმარს უცხადებს ავარიის შედეგად გარდაცვილი ჯარისკაცის ოჯახს.
„დემოკრატიული მოძრაობა“ ღრმა მწუხარებას გამოთქვამს დედოფლისწყარო-სიღნაღი-თბილისის დამაკავშირებელ მაგისტრალზე ავტოკატასტროფის შედეგად გარდაცვლილი ჯარისკაცის გამო. სამძიმარს უცხადებს გარდაცვლილის თანამებრძოლებს, ოჯახის წევრებსა და ახლობლებს. ასევე უსურვებს გამოჯანმრთელებას სხვა დაშავებულებს და იმედს იტოვებს რომ მალე დაუბრუნდებიან ჩვეული ცხოვრების რიტმს.
დღეს ნინო ბურჯანაძემ აბაშიძე-კარასინის შეხვედრასთან დაკავშირებით კომენტარი გააკეთა
14:18 / 21.10.2016
დღეს ნინო ბურჯანაძემ აბაშიძე-კარასინის შეხვედრასთან დაკავშირებით კომენტარი გააკეთა

დღეს ნინო ბურჯანაძემ აბაშიძე-კარასინის შეხვედრასთან დაკავშირებით კომენტარი გააკეთა:

“აბაშიძე-კარასინის შეხვედრის შემდეგ, მე არაფერი ახალი არ მომისმენია. ის რომ გაგრძელდება საუბრები ეს აბსოლუტურად ბუნევრივი განცხადებაა. რაც შეეხება ვიზების გამარტივებას, აქ ლაპარაკი არის საჰაერო მიმოსვლის ეკიპაჟების ვიზების გამარტივებასთან დაკავშირებით და ამაზე ხაზის გასმა ცოტა უხერხულიც კი მგონია. მე ვიზებთან დაკავშირებით ვსაუბრობდი იმაზე, რომ არსებობდა რეალური შანსი, არა მხოლოდ გამარტივებულიყო სავიზო რეჟიმი, არამედ საერთოდ გაუქმებულიყო ვიზები საქართველოს მოსახლეობისთვის. მით უფრო, რომ შარშანდელი ჩემი ვიზიტის შემდეგ ზაფხულში პუტინმა გააკეთა განცხადება სავიზო რეჟიმის შესაძლო გაუქმებასთან დაკავშირებით.“