განცხადებები
„ნინო ბურჯანაძე - დემოკრატიული მოძრაობის“ ლიდერი ნინო ბურჯანაძე საქართველოში აკრედიტირებულ ელჩებთან შეხვედრებს მართავს
15:59 / 20.10.2016
„ნინო ბურჯანაძე - დემოკრატიული მოძრაობის“ ლიდერი ნინო ბურჯანაძე  საქართველოში აკრედიტირებულ  ელჩებთან შეხვედრებს მართავს

„ნინო ბურჯანაძე - დემოკრატიული მოძრაობის“ ლიდერი ქალბატონი ნინო ბურჯანაძე საქართველოში აკრედიტირებულ ელჩებს ხვდება.

შეხვედრების მიზანია, დიპლომატიური კორპუსის წარმომადგენლები გაეცნონ იმ დარღვევებს, რომლებსაც 8 ოქტომბრის საპარლამენტო არჩევნების დროს ჰქონდა ადგილი. ასევე მათ მიეწოდათ ინფომაცია იმ სასამართლო პროცესების თაობაზე, რომელზეც „ნინო ბურჯანაძე - დემოკრატიული მოძრაობის“ წარმომადგენლებმა ბიულეტენების ხელახლა გადათვლის მოთხოვნაზე უარი მიიღეს:

„ნინო ბურჯანაძე - დემოკრატიული მოძრაობის“ ლიდერმა განაცხადა, 8 ოქტომბერს გამართულ საპარლამენტო არჩევნებზე, ამომრჩევლებზე ზეწოლას ჰქონდა ადგილი.
17:05 / 19.10.2016
„ნინო ბურჯანაძე - დემოკრატიული მოძრაობის“ ლიდერმა განაცხადა, 8 ოქტომბერს გამართულ საპარლამენტო არჩევნებზე, ამომრჩევლებზე ზეწოლას ჰქონდა ადგილი.

როგორც „ნინო ბურჯანაძე - დემოკრატიული მოძრაობის“ ლიდერმა განაცხადა, 8 ოქტომბერს გამართულ საპარლამენტო არჩევნებზე, ამომრჩევლებზე ზეწოლას ჰქონდა ადგილი.

„შეუიარაღებილი თვალითაც ჩანს თუ როგორ გააყალბეს არჩევნები. მე ხელთ მაქვს ოზურგეთის რაიონის მოხსენებითი ბარათები, სადაც მოყვანილია მაგალითი თუ როგორ ხდებოდა მანიპულირება როგორც არჩევნებამდე, ასევე არჩევნების დღეს. ერთმნიშვნელოვნად შეიძლება ითქვას, რომ აღნიშნული მაგალითის გავრცელება შეიძლება მთელ საქართველოზე. „ქართული ოცნების“ საარჩევნო შტაბის ხელმძღვანელების უმრავლესობა გახლავთ ქალაქისა და რაიონის თანამდებობის პირები, ქალაქის მერები, თემის გამგებლები, საკრებულოს თავმჯდომარეები და ა.შ. ყველა საარჩევნო უბანზე პარალელურად შექმნილი იყო მიკრო შტაბები, სოფლის რწმუნებულების, საკრებულოს დეპუტატების, საჯარა სკოლების ბაღების ხელმძღვანელების, საჯარო სტრუქტურაში დასაქმებული პირებით. მათთან პირდაპირ კოორდინაციაში იყო სუს-ი, რომელიც ამ ადამიანების მეშვეობით ახდენდა ამომრჩეველზე ზეწოლას.

ბიძინა ივანიშვილი და „ქართულმა ოცნება“ ვერავის ვერ გადააბრალებს, იმ უარებს, რომლებიც ჩვენ მივიღეთ უბნების გახსნასთან დაკავშირებით.
15:54 / 19.10.2016
ბიძინა ივანიშვილი და „ქართულმა ოცნება“ ვერავის ვერ გადააბრალებს, იმ უარებს, რომლებიც ჩვენ მივიღეთ უბნების გახსნასთან დაკავშირებით.

„ნინო ბურჯანაძე - დემოკრატიული მოძრაობის“ ლიდერმა ნინო ბურჯანაძემ დღეს გამართულ ბრიფინგზე განაცხადა:

„მართალია ჯერ „ქართულ ოცნებას“ საკონსტიტუციო უმრავლესობა არ მოუპოვებია, მაგრამ საკონსტიტუციო უმრავლესობის აჩრდილი უკვე აშკარად დადის საქართველოში. ეს ძალიან ნათლად ჩანს ცენტრალური საარჩევნო კომისიის გუშინდელ გადაწყვეტილებაში, როდესაც ჩვენ პრაკტიკულად უპრეცენდენტო რამის მომსწრენი გავხდით. ყოველ შემთხვევაში, სამართლებრივ დონეზე საქართველოში, მე რამდენადაც ვიცი ასეთი რამ ჯერ არ მომხდარა. გუშინ ცენტრალურმა საარჩევნო კომისიამ საკუთარი გადაწყვეტილებით შეცვალა ორგანული კანონის - საარჩევნო კოდექსის რეგულაცია, რაც სრული აბსურდია. რადგან აბსოლუტურად შეუძლებელია ნებისმიერმა უწყებამ კანონქვემდებარე აქტით შეცვალოს კანონი, მითუმეტეს, როდესაც ლაპარაკია ორგანულ კანონზე. საარჩევნო კოდექსით ყველა პარტიას, მით უმეტეს კვალიფიციურ პარტიებს, გვქონდა შესაძლებლობა, რომ ჩვენი წარმომადგენლები ყოფილიყვნენ საარჩევნო უბნებზე, როგორც პირველი ტურის, ასევე მეორე ტურის დროს.ეს დაფიქსირებული იყო 2014 წლის ცენტრალური საარჩევნო კომისიის დადგენილებაშიც, სადაც ძალიან ნათლად ეწერა, რომ პირველი ტურისათვის დანიშნული საარჩევნო სუბიექტების წარმომადგენლების უფლებამოსილების ვადა გრძელდებოდა არჩევნების დასრულების დღემდე, მათ შორის მეორე ტურების ჩათვლით,“- განაცხადა ნინო ბურჯანაძემ

 

ნინო ბურჯანაძე: „ქართული ოცნება“ და „ნაციონალური მოძრაობა“ გარიგებულები არიან!
14:59 / 18.10.2016
ნინო ბურჯანაძე: „ქართული ოცნება“ და „ნაციონალური მოძრაობა“ გარიგებულები არიან!

,,ნინო ბურჯანაძე- დემოკრატიული მოძრაობის“ ლიდერმა, „მაესტროს“ ,,ღამის კონტაქტის“ პირდაპირ ეთერში, განაცხადა, რომ 8 ოქტომბრის არჩევნების შემდეგ, საქართველოში პოლიტიკური სურათი ძალიან მძიმეა. მისი თქმით, ეს არ არის პესიმიზმი ეს არის - რეალისტური ხედვა, იმ გამოცდილებიდან გამომდინარე, რომელიც მას გააჩნია.

,,იძულებული ვარ საზოგადოებას გავახსენო, რამდენჯერ ისროლეს

(კენჭები კი არა ) ქვები ჩემი მიმართულებით იმის გამო, რასაც ვამბობდი და რაც საზოგადოებას არ მოსწონდა, ოღონდ მერე, ჩემი პროგნოზები ყოველთვის მართლდებოდა.“- განაცხადა ნინო ბურჯანაძემ

,,ნინო ბურჯანაძე-დემოკრატიული მოძრაობის“ ლიდერმა ხაზგასმით აღნიშნა, რომ ,,ნინო ბურჯანაძე- დემოკრატიული მოძრაობა“ კატეგორიულად გამორიცხავს რაიმე ტიპის თანამშრომლობას ,,ნაციონალურ მოძრაობასთან“ და რომ საკონსტიტუციო უმრავლესობისათვის ხმის არ მიცემა, სულაც არ ნიშნავს იმას, რომ ნაციონალებს დაუჭიროს მხარი.

ნინო ბურჯანაძესა და კრისტიან ურსეს შორის სატელეფონო საუბარი შედგა
13:15 / 18.10.2016
ნინო ბურჯანაძესა და კრისტიან ურსეს შორის სატელეფონო საუბარი შედგა

ნინო ბურჯანაძესა და საქართველოში ევროპის საბჭოს ოფისის ხელმძღვანელს, ბატონ კრისტიან ურსეს შორის სატელეფონო საუბარი შედგა. საუბარი შეეხო 2016 წლის 8 ოქტომბრის საპარლამენტო არჩევნებს, იმ დარღვევებსა და მანიპულირების ფაქტებს, რომელიც „დემოკრატიულმა მოძრაობამ“ დააფიქსირა.

ნინო ბურჯანაძე: წინასწარ გაყალბებულ არჩევნებს, მეორე ტურს ვემიჯნებით!
13:38 / 17.10.2016
ნინო ბურჯანაძე: წინასწარ გაყალბებულ არჩევნებს, მეორე ტურს ვემიჯნებით!

წინასწარ გაყალბებულ არჩევნებს და მეორე ტურს ვემიჯნები, - ამის შესახებ ჟურნალისტებს „დემოკრატიული მოძრაობის“ ლიდერმა ნინო ბურჯანაძემ განუცხადა.

მისი თქმით, მმართველმა პარტიამ ყველაფერი გააკეთა, რათა ამომრჩეველს მხოლოდ ორს შორის გაეკეთებინა არჩევანი.

გიორგი ახვლედიან: “ამათ უკან ასეულობით ასეთივე ოქმი დევს, უბრალოდ ათასობით ოქმით ვერ დავდივარ”
13:09 / 17.10.2016
გიორგი ახვლედიან: “ამათ უკან ასეულობით ასეთივე ოქმი დევს, უბრალოდ ათასობით ოქმით ვერ დავდივარ”

გვაქვს ინფორმაცია, რომ “დემოკრატიული მოძრაობის” ძალიან ბევრი ბიულეტენი, სხვა პოლიტიკური პარტიების ბიულეტენების დასტებში დევს, – ამის შესახებ “დემოკრატიული მოძრაობის” ერთ-ერთმა ლიდერმა გიორგი ახვლედიანმა “პრაიმტაიმის” პრესკლუბში გამართულ პრესკონფერენციაზე განაცხადა.

როგორც ახვლედიანი აღნიშნავს, მისი პარტია საარჩევნო უბნების გახსნას ითხოვს, თუმცა ხელისუფლება ამ პროცესს გაურბის.

ნინო ბურჯანაძე: თუ დემოკრატიულად ჩატარდა არჩევნები, რატომ გეშინიათ ბიულეტენების გადათვლის?
12:45 / 17.10.2016
ნინო ბურჯანაძე: თუ დემოკრატიულად ჩატარდა არჩევნები, რატომ გეშინიათ ბიულეტენების გადათვლის?

„ნინო ბურჯანაძე - დემოკრატიული მოძრაობის“ ლიდერმა დღეს გამართულ ბრიფინგზე საზოგადოებას მიაწოდა ინფორმაცია სასამართლო პროცესების მიმდინარეობისა და და შედეგების შესახებ და აღნიშნა, რომ სასამართლომ არც ერთი სარჩელი არ დააკმაყოფილა.

„სალოქო კომისიებმა ყველამ, როგორც ერთმა უარი გვითხრა ჩვენს კანონიერ მოთხოვნებზე და არ დააკმაყოფილა ჩვენი არც ერთი საჩივარი, რათა გახსნილიყო უბნები და გადათვლილიყო ბიულეტენები. მთელი საქართველოს მასშტაბით ჩვენ ბუნებრივია მივმართეთ სასამართლოებს სადაც ასევე, ყველამ როგორც ერთმა არ დააკმაყოფილა ჩვენი სარჩელები. მინდა მოგიყვანოთ რამდენიმე მაგალითი ე.წ. დემოკრატიული და ვეროპული საქართველოს თავისუფალი სასამართლოს ქმედებებიდან:

ნინო ბურჯანაძე: საკონსტიტუციო უმრავლესობამ დაღუპა ქვეყანა ორჯერ და ახლაც არ მინდა იგივე დაგვემართოს!
17:42 / 14.10.2016
ნინო ბურჯანაძე: საკონსტიტუციო უმრავლესობამ დაღუპა ქვეყანა ორჯერ და ახლაც არ მინდა იგივე დაგვემართოს!

დღეს, ,,ნინო ბურჯანაძე-დემოკრატიული მოძრაობის“ ლიდერმა, ,,ტვ-პირველის“ ინგა გრიგოლიას ,,დღის ამბებში“ განაცხადა, რომ არ სჯერა არჩევნების შედეგების და არ აპირებს ამ შედეგების აღიარებას - ითხოვს უბნების გახსნას და ხმების გადათვლას.

,,ძალიან მარტივია იმის თქმა, რომ ჩვენი პრეტენზიები უსაფუძვლოა. დაგვარწმუნეთ ბ-ნებო, რომ არჩევნებში არ იყო ჩარეული ბიძინა ივანიშვილის და სუს-ის ხელი. დაგვარწმუნეთ, რომ მართლა ხალხმა გადაწყვიტა, რომ ოცნებისთვის და ნაციონალებისთვის მიეცა ხმა საქართველოს ყოველ მეოთხე მოქალაქეს და კი ბატონო, მაშინ ჩვენ, მივიღებთ ამ არჩევნების შედეგებს, მაგრამ ვერ დაგვარწმუნებენ ამაში. სწორედ ამით არის განპირობებული ის, რომ ჩვენ, გუშინ, პრაქტიკულად ყველა საოლქომ უარი გვითხრა უბნების გახსნაზე და გადათვლაზე. კიდევ ერთხელ ვიმეორებ, რომ საბურთალოს ოთხმოცი უბნიდან ორმოცი თუ ორმოცდაერთი უბანი საერთოდ დაუბალანსებელი იყო და ისიც ძალიან კარგად ვიცი, როგორ მუშაობდა სუს-ი; თუ რამდენი ფული დაარიგეს არჩევნების წინა დღეებში.“- განაცხადა ნინო ბურჯანაძემ

“დემოკრატიული მოძრაობა“ სრულიად საქართველოს სვეტიცხოვლობას და მცხეთობას ულოცავს
12:20 / 14.10.2016
“დემოკრატიული მოძრაობა“ სრულიად საქართველოს სვეტიცხოვლობას და მცხეთობას ულოცავს
“დემოკრატიული მოძრაობა'', მცხეთობისა და სვეტიცხოვლობის -,,კვართისა საუფლოისა და სვეტისა ღმრთივბრწყინვალისა და მირონმდინარისა''-ს დღესასწაულს, ასევე წმინდა მოციქულთა სწორის მეფე მირიანისა და დედოფალ ნანას ხსენების დღეს სრულიად საქართველოს ულოცავს. ჩვენი ქვეყნის თითოეულ მოქალაქეს სულის სიმტკიცესა და მხნეობას ვუსურვებთ და იმედს გამოვთქვამთ, რომ ქვეყნისთვის ამ ძნელბედობის ჟამს, ქართველი ერი ბრძნულ გამოსავალს მოძებნის და კვლავ დააბრუნებს ქვეყანას სწორი განვითარების გზაზე.
ნინო ბურჯანაძე ეუთოს გრძელვადიან დამკვირვებლებს მეორედ შეხვდა
12:15 / 14.10.2016
ნინო ბურჯანაძე ეუთოს გრძელვადიან დამკვირვებლებს მეორედ შეხვდა

„ნინო ბურჯანაძე - დემოკრატიული მოძრაობის“ ლიდერმა და მთავარი საბჭოს წევრებმა ეუთოს გრძელვადიანი სადამკვირვებლო ჯგუფთან მეორე შეხვედრა გამართეს. ნინო ბურჯანაძემ მისიის ხელმძღვანელს ბატონ ალექსანდრე კეჩევსკის გააცნო პარტიის პრეტენზიების საფუძვლები

ნინო ბურჯანაძე: საზოგადოებას სამართლიან არჩევანს ვთავაზობთ ჩვენ!
19:53 / 13.10.2016
ნინო ბურჯანაძე: საზოგადოებას სამართლიან არჩევანს ვთავაზობთ ჩვენ!

დღეს „ნინო ბურჯანაძე - დემოკრატიული მოძრაობის“ ლიდერმა პარტიის ცენტრალურ ოფისში გამართულ საგანგებო ბრიფინგზე განაცხადა, რომ საზღვარგარეთ გაგზავნილია უამრავი წერილი, რითაც პარტია ყველა დაინტერესებულ პირს აწვდის ობიექტურ ინფორმაციას

8 ოქტომბრის გაყალბებულ არჩევნებთან დაკავშირებით.

ნინო ბურჯანაძე: არ ვეთანხმებით არჩევნების შედეგებს და ვიბრძვით ჩვენი სიმართლის დასამტკიცებლად!
17:34 / 13.10.2016
ნინო ბურჯანაძე: არ ვეთანხმებით არჩევნების შედეგებს და ვიბრძვით ჩვენი სიმართლის დასამტკიცებლად!

„ნინო ბურჯანაძე - დემოკრატიული მოძრაობის“ ლიდერის განცხადებით, პარტია არ იღებს არჩევნების იმ შედეგებს, რომელსაც აცხადებს ცენტრალური საარჩევნო კომისია. ეს განცხადება ნინო ბურჯანაძემ დღეს პარტიის სათაო ოფისში გამართულ საგანგებო ბრიფინგზე გააკეთა, სადაც მან და პარტიის რაიონული ორგანიზაციის წევრებმა გუშინ საოლქო კომისიებში გამართული საჩივრების განხილვების შესახებ მიაწოდეს ინფორმაცია ჟურნალისტებს.

ნინო ბურჯანაძე: პარტიების დიდი უმრავლესობა მზადაა მხარი დაუჭიროს ჩვენს კანონიერ მოთხოვნებს!
16:33 / 13.10.2016
ნინო ბურჯანაძე: პარტიების დიდი უმრავლესობა მზადაა მხარი დაუჭიროს ჩვენს კანონიერ მოთხოვნებს!

დღეს, ,,ნინო ბურჯანაძე-დემოკრატიული მოძრაობის“ ლიდერმა , კომენტარი გააკეთა არჩევნების შემდგომ ქვეყანაში შექმნილ პოლიტიკურ მდგომარეობაზე და აღნიშნა, რომ პრაქტიკულად ყველა პარტიამ ბრძოლისუნარიანობის ნაკლებობა გამოავლინა, თუმცა პარტიების ლიდერების უმრავლესობა მზად არის მხარი დაუჭიროს ,,ნინო ბურჯანაძე-დემოკრატიული მოძრაობის“ მოთხოვნას ხმების გადათვლასთან დაკავშირებით და იმედი აქვს, რომ ეს შეთანხმება ბოლომდე დარჩება ძალაში იმიტომ, რომ აბსოლუტურად ყველა პარტიამ და პარტიის ლიდერმა იცის, რომ ადგილი ჰქონდა უპრეცედენტო მოსყიდვას, უპრეცედენტო ადმინისტრაციული რესურსების გამოყენებას და უპრეცედენტო გაყალბებას , რომელიც ძალიან კარგად იყო შეფარული და ამას, ადრე თუ გვიან, აუცილებლად აეხდება ფარდა.

ნინო ბურჯანაძე: ჩვენი პარტიის დაშლას გამოვრიცხავ, ჩვენ გულყრები არ გვემართება!
16:51 / 12.10.2016
ნინო ბურჯანაძე: ჩვენი პარტიის დაშლას გამოვრიცხავ, ჩვენ გულყრები არ გვემართება!

დღეს ,,ნინო ბურჯანაძე- დემოკრატიული მოძრაობის“ ლიდერმა კომენტარი გააკეთა კახა შარტავას ინიციატივასთან დაკავშირებით , რაც ყველა ოპოზიციური პარტიის დაშლას და ერთ პარტიად გაერთიანებას გულისხმობს და აღნიშნა, რომ ამ ფორმით, ეს ინიციატივა, აბსოლუტიური უმრავლესობისათვის, არ იქნება მისაღები, მაგრამ თუ საუბარია იმაზე, რომ ის პოლიტიკური ძალები რომლებიც (ბიძინა ივანიშვილის ძალისხმევითა და წყალობით), ჯერ-ჯერობით პარლამენტს გარეთ არიან, გარკვეულ კონსულტაციებს დაიწყებენ და გარკვეულ კოორდინაციაში იქნებიან ერთმანეთთან, ეს, აბსოლუტურად მისაღებია.

ნინო ბურჯანაძე თუ ხელისუფლება დალუქულ ოქმებს არ გახსნის ამით დაამტკიცევს რომ არჩევნები გაგვიყალბა!
13:55 / 12.10.2016
ნინო ბურჯანაძე თუ ხელისუფლება დალუქულ ოქმებს არ გახსნის ამით დაამტკიცევს რომ არჩევნები გაგვიყალბა!

"ნინო ბურჯანაძე- დერმოკრატიული მოძრაობის“ ლიდერმა , ტელეკომპანია ,,კავკასიის“ პირდაპირ ეთერში , სტუდია ,,სპექტრში“, დავით აქუბარდიასთან აღნიშნა, რომ არჩევნების შედეგად მიღებული სამოცდაორი ათასი ბიულეტენი ( დაახლოებით 3/5 % ) არის ბათილი და განმარტა, რომ ,,ნინო ბურჯანაძე-დემოკრატიული მოძრაობა“ ითხოვს ხელახლა გადაითვალოს და გადაისინჯოს ბიულეტენები სადავო უბნებში. ,,მე არ ვამბობ, რომ მარტო ჩვენ მოგვპარეს ხმები. ბიძინა ივანიშვილისგან ისიც იყო ნათქვამი, რომ შალვა ნათელაშვილსაც არ უნდა გადაელახა ბარიერი.

ნინო ბურჯანაძე: ზუსტად ვიცი ვინც შეეკამათა თათბირზე ბიძინას და უთხრა რომ ბარიერის პრობლემა ჩევნ არ გვქქონდა!
13:54 / 12.10.2016
ნინო ბურჯანაძე: ზუსტად ვიცი ვინც შეეკამათა თათბირზე ბიძინას და უთხრა რომ ბარიერის პრობლემა ჩევნ არ გვქქონდა!

,,ნინო ბურჯანაძე- დემოკრატიული მოძრაობის“ ლიდერმა, ტელეკომპანია ,,კავკასიის“ სტუდია ,,სპექტრში“ - დავით აქუბარდიასთან განაცხადა, რომ არჩევნებამდე , გარკვეული პერიოდით ადრე, იყო გაცემული ბრძანება, რომ ყველაფერი უნდა გაკეთებულიყო იმისათვის, რომ არჩევნებზე მისულიყო არანაკლებ მილიონ რვაასი ათასი ადამიანისა და ასევე ბრძანება იყო გაცემული მასზედ, რომ ნინო ბურჯანაძის პარტიას არავითარ შემთხვევაში არ უნდა გადაელახა ბარიერი. ,,მესმის, ბ-ნო ბიძინა, რომ ძალიან გეშინიათ ბურჯანაძის.

ნინო ბურჯანაძე: ვინც გვიღალატა კომისიებში გავარკვევთ და პლაკატებს დავბეჭდავთ მათი ფოტოებით!
13:52 / 12.10.2016
ნინო ბურჯანაძე: ვინც გვიღალატა კომისიებში გავარკვევთ და პლაკატებს დავბეჭდავთ მათი ფოტოებით!

"ნინო ბურჯანაძე- დემოკრატიული მოძრაობის“ ლიდერმა, ტელეკომპანია ,,კავკასიის“ პირდაპირ ეთერში , დავით აქუბარდიასთან - სტუდია ,,სპექტრში“ აღნიშნა, რომ სამწუხაროდ, ზოგიერთ საარჩევნო უბანზე, პარტიის მიერ წარგზავნილი კომისიის წევრები გაიყიდნენ. ,, ჩვენ მივიღეთ ინფორმაცია ამ ფაქტის შესახებ. მივმართავ იმ ადამიანებს, ვინც უღალატა ჩვენს პარტიას და ქვეყანას იმიტომ, რომ ქვეყნის ინტერესებში შედიოდა ის, რომ ჩვენ მოვსულიყავით ხელისუფლებაში. პატივცემულო ქალბატონებო და ბატონებო, ჩვენ ვატარებთ მოკვლევას და ყველას გამოვავლენთ ვინც უღალატა იმ ხალხს, რომლებმაც შემოხაზეს სამი ნომერი.

ნინო ბურჯანაძე: ველოდები "პატრიოტთა ალიანსის" განმარტებებს ჩატარდა თუ არა არჩევნები სამართლიანად!
13:51 / 12.10.2016
ნინო ბურჯანაძე: ველოდები "პატრიოტთა ალიანსის" განმარტებებს ჩატარდა თუ არა არჩევნები სამართლიანად!

"ნინო ბურჯანაძე- დემოკრატიული მოძრაობის“ ლიდერი, ტელეკომპანია ,,კავკასიის“ დავით აქუბარდიას სტუდია ,,სპექტრის“ პირდაპირ ეთერში ,,პატრიოტთა ალიანსს“ წარმატებას უსურვებს, მაგრამ ბ-ნი დავით თარხან-მოურავის სიტყვებიც ახსოვს: ოცდაათი კაცი შემყავს პარლამენტში და აბა, გაბედონ გაყალბებაო და ,,პატრიოტთა ალიანსისგან“ ელოდება განმარტებებს და განცხადებებს იმასთან დაკავშირებით თუ როგორ თვლიან ისინი - სამართლიანად ჩატარდა არჩევნები თუ გაყალბდა? ,, თუ სამართლიანად მიაჩნიათ, მაშინ მათ, მოუწევთ იმის აღიარება, რომ ოცი და ოცდაათი პროცენტი კი არ ჰქონდათ მხარდაჭერა, არამედ სულ ხუთი პროცენტი და თუ არასამართლიანად ჩატარდა, მაშინ ალბათ იტყვის ,,პატრიოტთა ალიანსი“ ამის თაობაზე და იმასაც ვიტყვი, რომ ჩვენ გვქონდა კონსულტაციები სხვა პოლიტიკურ პარტიებთანაც - ბ-ნ შალვა ნათელაშვილთან, მრეწველებთან, ფორუმთან და ყველას აზრი ვიცი. აბსოლუტურად ყველა თვლის, რომ არჩევნები იყო მანიპულირებული და კომისიის წევრებიდან კი არ მოდის ეს უბედურება, არამედ ხელისუფლების უმაღლესი შტოდან - ადამიანების მოტყუება, ქვეყნის გარყვნა და დაქცევა.“- განაცხადა ნინო ბურჯანაძემ.

„ნინო ბურჯანაძე - დემოკრატიული მოძრაობის“ განცხადება
16:04 / 11.10.2016
„ნინო ბურჯანაძე - დემოკრატიული მოძრაობის“ განცხადება

არჩევნების წინასწარი შედეგების გამოცხადებამ სრულ შოკში ჩააგდო საქართველოს მოსახლეობა და გარკვეული უიმედობა გააჩინა ოპოზიციური პარტიების აბსოლუტურ უმრავლესობას შორის. პოლიტიკური ლიდერების განცხადებებმა პოლიტიკიდან წასვლის შესახებ კითხვის ნიშნის ქვეშ დააყენა ნორმალური პროცესის არსებობა საქართველოში.