განცხადებები
გიგლა ბარამიძე : მოსახლეობამ გასცა მკაცრი პასუხი ხელისუფლების ქმედებებს
14:26 / 15.05.2017
გიგლა ბარამიძე : მოსახლეობამ გასცა მკაცრი პასუხი ხელისუფლების ქმედებებს
პრეზიდიუმში ბოკერიას გვერდით მჯდომი ხელისუფლება გაიძახის, რომ ილიას გზით უნდა ვიაროთ, თუმცა საპირისპიროს კი აკეთებენ, - ასე გამოეხმაურა გიგლა ბარამიძე საკონსტიტუციო განხილვას თბილისში.
მისი თქმით, ერთის მხრივ ხელისუფლება ამბობს, რომ მიწები არ უნდა გაიყიდოს, მეორეს მხრივ კი ყველაფერს აკეთებს იმისთვის, რომ ქვეყნისათვის ეს უმნიშვნელოვანესი და სტრატეგიული რესურსი უცხო ქვეყნის მოქალაქეების ხელში აღმოჩნდეს.
გიორგი ახვლედიანი: ხელისუფლებამ უთხრა ხალხს, არ მაინტერესებს თქვენი აზრი, სწორედ ამიტომ მიიღო მათგან ეს მუშტი.
14:19 / 15.05.2017
გიორგი ახვლედიანი: ხელისუფლებამ უთხრა ხალხს, არ მაინტერესებს თქვენი აზრი, სწორედ ამიტომ მიიღო მათგან ეს მუშტი.
„ის, რაც დღეს მოხდა ფილარონიაში, როდესაც საზოგადოებამ სცენიდან გააქცია ხელისუფლება, არის შედეგი იმისა, რომ ხელისუფლებამ 9 დღის განმავლობაში, როდესაც მთელი საქართველოს მაშტაბით მიმდინარეობდა კონსტიტუციის განხილვები, არ მოუსმინა საკუთარ მოსახლეობას.“ - ასე შეაფასა გიორგი ახვლედიანმა თბილისში ხალხის პროტესტის შედეგად ჩაშლილი საკონსტიტუციო განხილვა.
დიმიტრი ლორთქიფანიძე: დღეს საზოგადოებამ ნათლად დაინახა, რომ ბიძინა ივანიშვილსა და გიგა ბოკერიას საერთო ინტერესები გააჩნიათ
13:38 / 15.05.2017
დიმიტრი ლორთქიფანიძე:  დღეს საზოგადოებამ ნათლად დაინახა, რომ ბიძინა ივანიშვილსა და გიგა ბოკერიას საერთო ინტერესები გააჩნიათ
„დღეს ფილარმონიაში საკონსტიტუციო განხილვაზე მოხდა ბიძინა ივანიშვილისა და გიგა ბოკერიას ლიბერტარიანული კლანის ლუსტრირება“- ასე შეაფასა დიმიტრი ლორთქიფანიძემ თბილისში საკონსტიტუციო განხილვასთან დაკავშირებით მიმდინარე მოვლენები.
მისი თქმით, „დემოკრატიული მოძრაობა“ დიდი ხნით ადრე საუბრობდა იმ გარიგებაზე, რომელიც ბიძინა ივანიშვილსა და გიგა ბოკერიას შორის შედგა.
გიგლა ბარამიძე : დღეს ხელისუფლება საკუთარ ხალხს გაექცა
13:19 / 15.05.2017
გიგლა ბარამიძე : დღეს ხელისუფლება საკუთარ ხალხს გაექცა
„დღეს საკონსტიტუციო განხილვაზე დაფიქსირდა შემთხვევა, როდესაც ქვეყნის ხელისუფლება გაექცა საკუთარ ხალხს,“ - ასე გამოეხმაურა გიგლა ბარამიძე თბილისში საკონსტიტუციო განხილვას, რომელიც საზოგადოებრივი პროტესტის შედეგად ჩაიშალა.
მისი თქმით, საქართველოს მოსახლეობის აბსოლუტურ უმრავლესობას არ სურს, რომ ქართული მიწა გაიყიდოს უცხო ქვეყნის მოქალაქეებზე, რადგან იგი გახლავთ სტრატეგიული, განუახლებელი და ქვეყნის განვითარებისთვის სასიცოცხლოდ მნიშვნელოვანი რესურსი.
„ქართული მიწა არ ეკუთვნის რომელიმე ხელისუფლებას. იგი ხალხის და ქვეყნის საკუთრებაა. დაუშვებელია მისი გაყიდვა საქართველოს მოქალაქეობის არ მქონე პირებზე. „ქართულმა ოცნებამ“ არ მოუსმინა საკუთარ მოსახელობას და მიიღო ის შედეგი, რომ შუშის სასახლეში დაწერილი კონსტიტუციო ხალხმა არ მიიღო,“- განაცხადა გიგლა ბარამიძემ.

„დემოკრატიული მოძრაობა“ მწუხარებას გამოთქვამს ტყიბულის მაღაროში გარდაცვლილი ადამიანების გამო.
17:22 / 10.05.2017
„დემოკრატიული მოძრაობა“ მწუხარებას გამოთქვამს ტყიბულის მაღაროში გარდაცვლილი ადამიანების გამო.
„დემოკრატიული მოძრაობა“ სამძიმარს უცხადებს ტყიბულში მინდელის მაღაროში მომხდარი უბედური შემთხვევის შედეგად გარდაცვლილთა ოჯახის წევრებსა და ახლობლებს. ჩვენ მოვითხოვთ, რომ აღნიშნული შემთხვევა ობიექტურად იქნას გამოძიებული და დანაშაულის გამოვლენის შემთხვევაში ყველა დამნაშავემ პასუხი აგოს კანონის წინაშე. აუცილებელია, შეიქმნას ისეთი საკანონმდებლო ბაზა , რომელიც უზრუნველჰყოფს ადამიანებისთვის უსაფრთხო სამუშაო გარემოს შექმნას, რომელშიც თითოეული ადამიანის უფლება თანაბრად იქნება დაცული.
ნინო ბურჯანაძე - საქართველოში არ უნდა იყოს არც NATO-ს და არც რუსული ჯარი
19:05 / 14.05.2017
ნინო ბურჯანაძე - საქართველოში არ უნდა იყოს არც NATO-ს და არც რუსული ჯარი
რუსეთს წინასწარ რა წინაპირობა უნდა წაუყენო - რომ ჯარები გაიყვანოს, სამაჩაბლო და აფხაზეთი საქართველოს ნაწილად აღიაროს და მერე დაველაპარაკებით?! ამაზე ლაპარაკი სამარცხვინოა, რადგან ცხადია, მოლაპარაკება არ შედგება, - განაცხადა ნინო ბურჯანაძემ გადაცემა 2030-ში სტუმრობისას.
„დემოკრატიული მოძრაობა“ მეორე მსოფლიო ომის ყველა მონაწილეს და სრულიად საქართველოს მოსახლეობას ფაშიზმზე გამარჯვების დღეს ულოცავს
14:12 / 09.05.2017
„დემოკრატიული მოძრაობა“ მეორე მსოფლიო ომის ყველა მონაწილეს და სრულიად საქართველოს მოსახლეობას  ფაშიზმზე გამარჯვების დღეს ულოცავს
„დემოკრატიული მოძრაობა“ მეორე მსოფლიო ომის ყველა მონაწილეს და სრულიად საქართველოს მოსახლეობას გილოცავთ ფაშიზმზე გამარჯვების დღეს - 9 მაისს.
ამ გამარჯვების მიღწევაში ჩვენმა ქვეყანამ უდიდესი წვლილი შეიტანა. ასიათასობით ჩვენი თანამემამულე იბრძოდა და მათგან სამას ათასზე მეტმა სიცოცხლე შესწირა, რათა საკუთარი სამშობლო და მსოფლიო ფაშისტური რეჟიმისგან გადაერჩინა.
ნინო ბურჯანაძე ვაკის პარკში „ღამის მგლების“ მისვლაზე - „სტუმარ-მასპინძელი“ საქართველოში მე მგონი, ბევრს აქვს ნასწავლი
12:13 / 09.05.2017
ნინო ბურჯანაძე ვაკის პარკში „ღამის მგლების“ მისვლაზე - „სტუმარ-მასპინძელი“ საქართველოში მე მგონი, ბევრს აქვს ნასწავლი
როცა ადამიანი შენთან ჩამოდის, რომ პატივი მიაგოს იმ 300 000 რჩეულ ქართველ ვაჟკაცს, რომელიც დაიღუპა მეორე მსოფლიო ომის დროს, იმ ადამიანს შეხვდე კითხვის ნიშნებით და პროტესტით, ეს ქართველისთვის შეუფერებელი საქციელია, - ასე გამოეხმაურა „დემოკრატიული მოძრაობის“ ლიდერი ნინო ბურჯანაძე ჟურნალისტების მიერ მიწოდებულ ინფორმაციას, რომ ვაკის პარკში „ღამის მგლები“ გამოჩნდნენ.

ამ კონტექსტში ბურჯანაძემ „სტუმარ-მასპინძელი“ გაიხსენა და აღნიშნა, რომ მოსულ სტუმარს პატივისცემა უნდა.
გიორგი ახვლედიანის ინფორმაციით, ზუგდიდში, საკონსტიტუციო პროექტის განხილვაზე, „ქართულ ოცნებას“ ხალხი სიებით შეჰყავს
12:12 / 09.05.2017
გიორგი ახვლედიანის ინფორმაციით, ზუგდიდში, საკონსტიტუციო პროექტის განხილვაზე, „ქართულ ოცნებას“ ხალხი სიებით შეჰყავს
„დემოკრატიული მოძრაობის“ წარმომადგენლის გიორგი ახვლედიანის ინფორმაციით, ზუგდიდში, ჭადრაკის სასახლეში, სადაც საკონსტიტუციო პროექტის საყოველთაო-სახალხო განხილვა უნდა გაიმართოს, „ქართულ ოცნებას“ ხალხი სიებით შეჰყავს.
მისი თქმით, დღევანდელ განხილვაზე მთლიანად მობილიზებული არიან „ქართული ოცნების“ მხარდამჭერები, ხოლო ის, ვინც შესაძლოა კრიტიკული აზრი გამოთქვას, საერთოდ ვერ შედის დარბაზში და მხოლოდ დარბაზის კარებიდან თუ მოისმენს რამეს.
„დემოკრატიული მოძრაობა“ გილოცავთ გიორგობის ბრწყინვალე დღესასწაულს
23:24 / 05.05.2017
„დემოკრატიული მოძრაობა“ გილოცავთ გიორგობის ბრწყინვალე დღესასწაულს
6 მაისს სრულიად საქართველო გიორგობის დღესასწაულს აღნიშნავს. ეს დღე არის უდიდესი დღესასწაული.

"დემოკრატიული მოძრაობა" ულოცავს სრულიად საქართველოს გიორგობის ბრწყინვალე დღესასწაულს! ამ დღის მადლი არ მოკლებოდეს თქვენს ოჯახებს და ჩვენს სამშობლოს, მრავალს დაესწარით საყვარელ ადამიანებთან ერთად, ჯანმრთელად და ბედნიერად, ერთიან საქართველოში!
გიგლა ბარამიძე: თურქეთში ჩატარებული რეფერენდუმი ჩვენთან ურთიერთობაში ცვლილებებს აუცილებლად გამოიწვევს
17:15 / 02.05.2017
გიგლა ბარამიძე: თურქეთში ჩატარებული რეფერენდუმი ჩვენთან ურთიერთობაში ცვლილებებს აუცილებლად გამოიწვევს
„გაერთიანებული დემოკრატიული მოძრაობის" პოლიტიკურმა მდივანმა გიგლა ბარამიძემ „რეპორტიორის" პრესკლუბში გამართულ ბრიფინგზე თურქეთში ჩატარებულ რეფერენდუმზე ისაუბრა და აღნიშნა, რომ საქართველოსთან ურთიერთობაში რეფერენდუმის შედეგი გავლენას აუცილებლად იქონიებს.
ნინო ბურჯანაძე : მოვა დრო და მომავალი თაობა შეაფასებს, რომ ერთადერთი სწორი გზა ქვეყნის გადასარჩენად სწორედ ჩემი და ჩემი გუნდისგან გახლდათ გახმოვანებული.
16:55 / 28.04.2017
ნინო ბურჯანაძე : მოვა დრო და მომავალი თაობა შეაფასებს, რომ ერთადერთი სწორი გზა ქვეყნის გადასარჩენად სწორედ ჩემი და ჩემი გუნდისგან გახლდათ გახმოვანებული.

„ბიძინა ივანიშვილის სინდისზეა ის ფაქტი,რომ სააკაშვილის მმართველობის შემდეგ ის უმძიმესი მდგომარეობა, რომელიც 2008 წლის შემდეგ შეიქმნა აფხაზეთსა და სამაჩაბლოში კიდევ უფრო დამძიმდა და გაუარესდა,“-განაცხადა ნინო ბურჯანაძემ.

ნინო ბურჯანაძე : ბიძინა ივანიშვილს არ სჭირდება არც კონსტიტუცია, არც დამოუკიდებელი პოლიტიკური პარტიები და არც დემოკრატიული პოლიტიკური პროცესები
14:29 / 28.04.2017
ნინო ბურჯანაძე : ბიძინა ივანიშვილს არ სჭირდება არც კონსტიტუცია, არც დამოუკიდებელი პოლიტიკური პარტიები და არც დემოკრატიული პოლიტიკური პროცესები

„ბიძინა ივანიშვილს სჭირდება ქვეყანა იმისთვის, რომ საკუთარი ინტერესები განახორციელოს და მართოს ის ისე, როგორც საკუთარი კერძო კომპანია. ძალიან კარგად ვიცით, რომ ყველა პოლიტიკურმა პარტიამ გარდა „ქართული ოცნებისა“ ბოიკოტი გამოუცხადა შემაჯამებელ შეკრებას და პროექტს კონსტიტუციისა, რომელიც ჩვენ წარმოგვიდგინეს შუშის სასახლიდან,“ ასე გამოეხაურა ნინო ბურჯანაძე საკონსტიტუციო კომისიის შემაჯამებელ შეკრებას

ნინო ბურჯანაძე : მინდა დიდი წუხილით აღვნიშნო, რომ საქართველო დიდი ნაბიჯებით მიექანება პროვიცნიული დიქტატურისკენ.
14:13 / 28.04.2017
ნინო ბურჯანაძე : მინდა დიდი წუხილით აღვნიშნო, რომ საქართველო დიდი ნაბიჯებით მიექანება პროვიცნიული დიქტატურისკენ.

„დღეს მინდა თქვენი ყურადღება გავამახვილო მედიასთან დაკავშირებულ გადაწყვეტილებაზე. მე გამოვეხმაურე საზოგადოებრივ მაუწყებელთან და მეორე არხთან დაკავშირებულ მოვლენებს, მიუხედავად იმისა, რომ ხელისუფლება გვარწმუნებდა თითქოს მეორე არხს არაფერი არ ემუქრება, საბოლოოდ გახდა ცნობილი, რომ მომავალი კვირის ორშაბათიდან მეორე არხი წყვეტს მაუწყებლობას იმ ფორმატით რა ფორმატითაც ის აქამდე მუშაობდა“ - განაცხადა ნინო ბურჯანაძემ მედიასთან დაკავშირებით გამართულ საგანგებო ბრიფინგზე.

ნინო ბურჯანაძე: „დემოკრატიული მოძრაობა“ საკონსტიტუციო კომისიას ბოიკოტს ვუცხადებთ რადგან ხელისუფლებამ პოლიტიკური კონსესუსის მიცემის ყველა შანსი გაუშვა
09:50 / 28.04.2017
ნინო ბურჯანაძე: „დემოკრატიული მოძრაობა“ საკონსტიტუციო კომისიას ბოიკოტს ვუცხადებთ რადგან ხელისუფლებამ პოლიტიკური კონსესუსის მიცემის ყველა შანსი გაუშვა

„დემოკრატიული მოძრაობის„ ლიდერის განცხადებით პარტიამ ჯერ კიდევ საკონსტიტუციო კომისიის მუშაობის დაწყებისას განაცხადა, რომ თუ ხელისუფლება კომისიაში მხოლოდ ერთ პარტიული გადაწყვეტილებებს მიიღებს და ოპოზიციასთან დიალოგზე უარს იტყვის „დემოკრატიული მოძრაობა“ აუცილებლად დატოვებდა საკონსტიტუციო კომისიას.

ნინო ბურჯანაძე ლავროვის ვიზიტს აფხაზეთში მკვეთრად უარყოფითად აფასებს.
09:45 / 28.04.2017
ნინო ბურჯანაძე ლავროვის ვიზიტს აფხაზეთში მკვეთრად უარყოფითად აფასებს.

მისი თქმით, იბადება კითხვა, ვინმე რომ შეხებოდა ბიძინა ივანიშვილის ქონებას და მისთვის მისი პირად საკუთრებაში მყოფი თუნდაც ერთი გოჯი მიწა წაერთმია გამოიჩენდა თუ არა იგი ე.წ. სტრატეგიულ მოთმინებას?!„ლაპარაკი იმასთან დაკავშირებით, რომ საქართველო იჩენს სტრატეგიულ მოთმინებას სასაცილო და სატირალია. ის, რასაც დღეს ჩვენ ვუყურებთ უფრო მონურ მორჩილებას გავს,“- აღნიშნა ნინო ბურჯანაძემ.

დიმიტრი ლორთქიფანიძე - სამუშაო ჯგუფის მესამე რაუნდზე გაჟღერდა, რომ გადაწყვეტილებას, პრეზიდენტის არჩევის წესს 2018 წლისთვის არ შევეხოთ, შეიძლება საფრთხე შეექმნას
22:05 / 27.04.2017
დიმიტრი ლორთქიფანიძე - სამუშაო ჯგუფის მესამე რაუნდზე გაჟღერდა, რომ გადაწყვეტილებას, პრეზიდენტის არჩევის წესს 2018 წლისთვის არ შევეხოთ, შეიძლება საფრთხე შეექმნას

სახელმწიფო საკონსტიტუციო კომისიაში წარდგენილი პროექტით, საქართველოს პრეზიდენტს 5 წლის ვადით, დებატების გარეშე, ფარული კენჭისყრით საარჩევნო კოლეგია ირჩევს. კონსტიტუციაში დაგეგმილი ცვლილებების ამოქმედების ვადები პროექტში გაწერილი არ არის.

„დემოკრატიული მოძრაობა“ სამძიმარს უცხადებს შვედ ხალხს, გარდაცვლილთა ოჯახის წევრებსა და ახლობლებს.
21:14 / 10.04.2017
„დემოკრატიული მოძრაობა“ სამძიმარს უცხადებს შვედ ხალხს, გარდაცვლილთა ოჯახის წევრებსა და ახლობლებს.

„დემოკრატიული მოძრაობა“ სამძიმარს უცხადებს შვედ ხალხს, გარდაცვლილთა ოჯახის წევრებსა და ახლობლებს. ყველანი შეგვძრა იმ საშინელმა ტრაგედიამ, რომელიც შვედეთში დატრიალდა. სტოკჰოლმში მომხდარმა ტერაქტმა კიდევ ერთხელ დაგვარწმუნა, რომ ტერორიზმი ყველას საერთო მტერია. მასთან საბრძოლველად აუცილებელია ძალების გაერთიანება.მიუხედავად ჩატარებული ღონისძიებებისა, ყველა ვხედავთ, რომ ტერაქტების შედაგად დაღუპულთა რაოდენობა დღითი დღე იზრდება. XXI საუკუნის ამ ჭირის დამარცხება მხოლოდ ერთობლივი მოქმედებითაა შესაძლებელი.

 

გიორგი ახვლედიანი: ‘’დემოკრატიული მოძრაობა’’ საკონსტიტუციო კომისიის ბოიკოტირებასთან დაკავშირებით, პრეზიდენტთან კონსულტაციებს არ აწარმოებდა.
15:35 / 10.04.2017
გიორგი ახვლედიანი: ‘’დემოკრატიული მოძრაობა’’ საკონსტიტუციო კომისიის ბოიკოტირებასთან დაკავშირებით, პრეზიდენტთან კონსულტაციებს არ აწარმოებდა.

‘’დემოკრატიული მოძრაობა’’ საკონსტიტუციო კომისიის ბოიკოტირებასთან დაკავშირებით, პრეზიდენტთან კონსულტაციებს არ აწარმოებდა. პარლამენტის თავმჯდომარის მხრიდან, ასეთი კონსპირაციული შეთქმულებების თეორიებზე საუბარი ყოვლად არასერიოზული და ღიმილის მომგვრელია, განაცხადა საკონსტიტუციო კომისიის წევრმა, დემოკრატიული მოძრაობიდან, გიორგი ახვლედიანმა.

ახვლედიანის თქმით, ჯერ კიდევ სამი თვის წინ, კომისიის მუშაობის დაწყებისას, ‘’დემოკრატიული მოძრაობა’’ აცხადებდა, რომ თუ მნიშვნელოვანი საკონსტიტუციო ცვლილებები, პოლიტიკური კონსენსუსის გზით არ გადაწყდება და ხელისუფლება კონსტიტუციის საკუთარ თავზე მორგებას შეეცდება, პარტია აუცილებლად დატოვებს კომისიას.

ნინო ბურჯანაძე: საქართველოს ხელისუფლება არ უნდა გადაიქცეს იმ ძაღლად, რომელიც ყეფს, როდესაც ქარავანი მიდის
15:18 / 10.04.2017
ნინო ბურჯანაძე: საქართველოს ხელისუფლება არ უნდა გადაიქცეს იმ ძაღლად, რომელიც ყეფს, როდესაც ქარავანი მიდის

„როდესაც სახელმწიფო საბავშვო ბაღის მოსწავლესავით ხელს იშვერს უფროსი მეგობრებისაკენ ან დამცავებისაკენ : აი, ჩვენ ჩავაყენეთ საერთაშორისო თანამეგობრობა საქმის კურსში და მათი მხრიდან რეაგირება იქნება. ჩვენ რას ვაკეთებთ?! საერთაშორისო თანამეგობრობას იმ ფონზე, რაც მიმდინარეობს დღეს მსოფლიოში საქართველოსთვის არ სცალია და ეს მგონი ესმის ნებისმიერ გონიერ ადამიანს. ამიტომ, იმ პირობებში, როდესაც მსოფლიოს ჩვენთვის არ სცალია და ჩვენს ხელისუფლებასაც ასევე არ სცალია ქვეყნის პრობლემების მოსაგვარებლად. საქართელოს მოსახლეობამ სწორი დასკვნები უნდა გააკეთოს თუ რა ცვლილებები სჭირდება უახლოეს მომავალში ქვეყანას. წინააღმდეგ შემთხვევაში ყველა ის ადამიანი, ვინც ამ რეალობას შეეგუება ავტომატურად ხელს მოაწერს აფხაზეთისა და სამაჩაბლოს საბოლოოდ დაკარგვას,“ - განაცხადა ნინო ბურჯანაძემ