ინტერვიუები
სტატიებივშიშობ, 2020 წელს ჩვენ გარანტირებულად გაყალბებულ და მახინჯი სისტემით ჩატარებულ არჩევნებს მივიღებთ - როგორ ხედავს მოვლენების განვითარებას ანზორ ბიწაძე
15:27 / 29.11.2019
სტატიებივშიშობ, 2020 წელს ჩვენ გარანტირებულად გაყალბებულ და მახინჯი სისტემით ჩატარებულ არჩევნებს მივიღებთ - როგორ ხედავს მოვლენების განვითარებას ანზორ ბიწაძე
„თუ ხელისუფლება კანონმდებლობას არ შეცვლის მაშინ შეიძლება მან პოლიტიკური სპექტრი სწორედ ასეთი არჩევანის წინაშე დააყენოს: ან სახე შეინარჩუნოს, ან გარკვეულ სცენარს გაჰყვეს“, - აცხადებს „ერთიანი საქართველო - დემოკრატიული მოძრაობის“ ერთ-ერთი ლიდერი ანზორ ბიწაძე და ხელისუფლებას გაერთიანებული ოპოზიციის წინადადების განხილვის დაწყებას სთავაზობს. მისი აზრით, ეს ერთადერთი გამოსავალია არსებული სიტუაციიდან და ქვეყანას ჩიხში შესვლასაც ააცილებს.
„ქართული ოცნება“ პოლიტიკურად აღარ არსებობს, ივანიშვილი ქართულ პოლიტიკას ბაზრობად ვერ გადააქცევს - ინტერვიუ ანზორ ბიწაძესთან
14:03 / 28.11.2019
 „ქართული ოცნება“ პოლიტიკურად აღარ არსებობს, ივანიშვილი ქართულ პოლიტიკას ბაზრობად ვერ გადააქცევს - ინტერვიუ ანზორ ბიწაძესთან
"ქართული ოცნება" პოლიტიკურად აღარ არსებობს. ეს არის სახელგატეხილი, გაკოტრებული, აბსოლუტურად გაბანკროტებული ორგანიზაციაა"- ასეთია "ერთიანი საქართველოს" ერთ-ერთი ლიდერის ანზორ ბიწაძის შეფასება, მმართველი ძალის მიერ ბოლო დროს გადადგმულ საბედისწერო ნაბიჯებზე.
''რა ბაგრატიონები?! საქართველოს 10 წელია ჰყავს მეფე ''ბიძინა პირველი''
11:09 / 08.04.2019
''რა ბაგრატიონები?! საქართველოს 10 წელია ჰყავს მეფე ''ბიძინა პირველი''
გადედლებული მამლებისა და გამამლებული დედლების საგა ''ქართულ ოცნებაში''
ოცნებაში ივანიშვილის წინააღმდეგ საიდუმლო სერობები იმართება
21:00 / 07.04.2019
ოცნებაში ივანიშვილის წინააღმდეგ საიდუმლო სერობები იმართება
ოცნებაში ივანიშვილის წინააღმდეგ საიდუმლო სერობები იმართება
''ზურაბიშვილი ოპოზიციონერობას აპირებს''


გიგლა ბარამიძე: ''ხალხის ბრალია, ეს წუნკალმაისტერები რომ დავისვით თავზე''
რა ინტრიგებია მმართველ პარტიაში, რამ გააოგნა გახარია, რა ელოდება ივანიშვილს, როგორ ჭამენ ჩინოსნები ბიუჯეტის ფულს, რა ამბიციები გაუჩნდა სალომე ზურაბიშვილს, სად უნდა ვეძებოთ სინამდვილეში სამეფო სკანდალები? _ ამ თემებზე ''ახალ თაობას'' ყოფილი პოლიტდევნილი გიგლა ბარამიძე ესაუბრება.
- როცა სალომე ზურაბიშვილი საპრეზიდენტო კანდიდატად დაასახელეს, თქვენ ''ახალ თაობასთან'' განაცხადეთ, რომ თუ ის პრეზიდენტი გახდებოდა, ელჩების დანიშვნასა და პარლამენტში თავისი ხალხის შეყვანას მოითხოვდა. მან ელჩების დანიშვნა უკვე მოითხოვა, უკვე დანიშნულ ელჩებს კი კაბინეტებში თავისი სურათის დაკიდება მოსთხოვა. თქვენ წლების განმავლობაში იყავით ელჩი, აუცილებელია, რომ ელჩს სამუშაო კაბინეტში პრეზიდენტის სურათი ეკიდოს?
- ქალბატონი ისეთ მადაზეა, რომ ძალიან ბევრ რამეს მოითხოვს. რაც შეეხება ელჩის კაბინეტში პრეზიდენტის სურათის დაკიდებას, როცა პრეზიდენტი ქვეყნის პირველი პირია, მაშინ მისი სურათის დაკიდება საელჩოში ჩვეულებრივი ამბავია. ეს პროტოკოლით არის გათვალისწინებული და ამას პრეზიდენტის მოთხოვნა არ სჭირდება.
საქართველოში დღეს მხოლოდ ცერემონიალური დანიშნულების პრეზიდენტის ინსტიტუტი გვაქვს და პრეზიდენტის სურათის გამოკვრა არაა აუცილებელი. ასეთ შემთხვევაში საელჩოებში პრემიერის ფოტო უნდა იყოს, მაგრამ სად გვყავს პრემიერი.
არჩევნების წინ ინტერვიუში გითხარით, რომ არჩევის შემთხვევაში სალომე ზურაბიშვილი აბსოლუტურ ტრანსფორმაციას განიცდიდა და იმის საწინააღმდეგოს გააკეთებდა, რის გაკეთებას ჰპირდებოდა იმ ადამიანებს, რომლებმაც ის პრეზიდენტად მოუვლინეს საქართველოს.
გითხარით, რომ ცოტა ხანი უცხოეთში სიარულით გაერთობოდა, უცხოეთის მოყირჭების შემდეგ კი შიდა საქმეებში ჩაყოფდა ცხვირს. წინასწარ ვიცოდი, რომ ელჩების შეცვლას მოითხოვდა.
ცოტა ხანში ის უკვე აღმასრულებელ ხელისუფლებაში ჩაყოფს ცხვირს და მინისტრების დანიშვნასაც მოითხოვს, საპარლამენტო არჩევნებისთვის კი ''ოცნების'' სიაში მინიმუმ 15 კაცის ჩაწერას მოითხოვს.
რაც ვთქვი, ყველაფერი ცხადდება. მე წინასწარმეტყველი არ ვარ და ამიტომ ვხვდები, რა იქნება მომავალში. ჩემს თანაგუნდელებთან ერთად პოლიტიკოსი ვარ და მოვლენებს ვაანალიზებ.
ახლა სალომე ზურაბიშვილი ელოდება, როდის დასუსტდება ბოლომდე ივანიშვილი, რომ მერე პირველი ოპოზიციონერი გახდეს. დაიწყებს ხალხოსნობას და იპოდრომ 2-ის ჩატარებას მოინდომებს. სააკაშვილის ხელისუფლებიდან წამოსულმა იპოდრომზე გამართა პირველი აქცია.
საერთო ენას გამონახავს საპარლამენტო არჩევნებისთვის სოკოებივით წამოჩიტულ პარტიებსა თუ მოძრაობებთან და ჟანა დარკობას დაიწყებს.
- რაც აქამდე ივარაუდეთ, ყველაფერი გამართლდა. საინტერესოა, ეს პროგნოზიც გაამართლებს თუ არა.
- რა თქმა უნდა, გაამართლებს. ჩვენ რასაც ვამბობთ, ანალიზის შედეგია. არ ვგავართ იმ პოლიტიკოსებს, რომლებიც ოღონდ ტელეეკრანზე გამოჩნდნენ და მზად არიან, ათასი სისულელე წამოაყრანტალონ.
ზემოთ ივანიშვილის დასუსტება ვახსენე და ამასთან დაკავშირებით ექსკლუზიურად გეტყვით, რომ პარლამენტში პოლიტიკური პარაზიტების საიდუმლო სერობებია დაწყებული.
- პოლიტიკურ პარაზიტებში ვის გულისხმობთ და რა საიდუმლო სერობებზეა საუბარი?
- პოლიტიკურ პარაზიტებში  ''ოცნების'' დეპუტაციის დიდ ნაწილს ვგულისხმობ. საიდუმლო სერობებს ისინი ერთმანეთში მართავენ. ''ქართული ოცნება'', როგორც პოლიტიკური ორგანიზაცია, აღარ არსებობს, ყველა ცდილობს, როგორმე გაემიჯნოს ამ გაერთიანებას.
პოლიტიკური პარაზიტები საიდუმლო სერობებზე იმაზე მსჯელობენ, თუ როგორ გამოეპარონ ივანიშვილს ან ისე წამოვიდნენ, რომ მასთან მისასვლელად რაღაც ხიდები დატოვონ.
მმართველმა პარტიამ ერთმანეთთან ურთიერთობის ახალი სტანდარტი შეიმუშავა _ ინტიმურ-ესემეს ფლირტი. ამათ რომ ვუყურებ, ერთი კარგი ქართული ფილმი, ''უძინართა მზე'' მახსენდება. ამ ფილმში არის ასეთი ფრაზა: ეს რა უბედურება გვჭირს, ტო! მეც მინდა ვთქვა, ეს რა უბედურება გვჭირს, ტო!
ეს უბედურება საქართველოს ქართველი ამომრჩევლის არაშორსმჭვრეტელობის გამო სჭირს. ჩვენი ამომრჩეველი მართლაც არაშორსმჭვრეტელია, წინააღმდეგ შემთხვევაში, ამ წუპაკმაისტერების კოჰორტას არ შემოისვამდა თავზე. მიუნხენის ბაიერნი ხომ არის რეკორდმაისტერი, ესენი არიან წუპაკმაისტერები.
შეესია ეს წუპაკმაისტერების კოჰორტა საქართველოს და ამიტომაც ვიმეორებ, ეს რა უბედურება გვჭირს, ტო!
ხალხს საჭმლის ფული არ აქვს და ლუკმაპურის საშოვნელად საზღვარგარეთ გარბიან. ქართველი ეთნოსი ყოველდღე მცირდება, შაგრენის ტყავივით მცირდება საქართველოს ტერიტორიებიც და ეს წუპაკმაისტერები პარლამენტში ვიღაცის ინტიმურ პასაჟებზე მსჯელობენ.
ამის გარდა, პარლამენტში მთავარი განსახილველი თემაა, თუ ვინ უნდა ჩაჯდეს იმ დელეგაციაში, რომელიც ევროპაში დადის. ევროპაში ვიზიტით წასვლას ერთმანეთს ასწრებენ, სამაგიეროდ, ხმას არ იღებენ იმაზე, ესპანეთში ქართველ ემიგრანტებს წიხლებით რომ შესდგნენ.
სად არის ამ დროს საგარეო საქმეთა მინისტრი, თეთრეულივით რომ იცვლის პარტიებსა და პოლიტიკურ მრწამსს?! ხმა არ უნდა ამოეღო იმაზე, რაც ბარსელონაში მოხდა? კარგი, ვთქვათ, იმ 66 კაციდან 20 კრიმინალი იყო, მაგრამ დანარჩენები? ბავშვებსა და ქალებს წიხლებით რომ შესდგნენ, ამაზე ხმა არ უნდა ამოეღოთ?!
სად იყო ამ დროს ემიგრანტებზე მოტირალი და მოვიშვიშე სალომეა, რატომ არ ჩავიდა იქ? იცოდა, რომ ყავითა და ვისკით არავინ დახვდებოდა და ესპანეთში რა უნდოდა.
- შეიძლება, პროტოკოლი არ ითვალისწინებდა იქ მის წასვლას. ეს ქალი ხომ სულ პროტოკოლით დადის.
- ამათ პროტოკოლში აშკარად არ ეწერება, რომ საკუთარი მოქალაქეები უნდა დაიცვან. ან ის რა უბედურებაა, ამ ბაგრატიონებზე რომ ატყდა ამხელა ამბავი. ამ სკანდალს კიდევ უფრო აღვივებს ხელისუფლება. მას ყველაზე მეტად აწყობს ეს არეულობა. მერე იტყვიან, ჩვენ რას მოგვჩერებიხართ, ნახეთ, ბაგრატიონებში რა ხდებაო.
ახლანდელები ვინ არიან და ვის ხაზს წარმოადგენენ, არ მაინტერესებს, მაგრამ ბაგრატიონების დინასტია არავისი დასაცინი არაა. ქართველ საზოგადოებას კი ვეტყვი, რა მეფედედოფლობა აგიტყდათ _ მეფეც არჩეული გყავთ და დედოფალიც დანიშნულია. მეფე ბიძინა პირველია, ხოლო დედოფალი _ სალომეა II. ქვეყნის სათავეში მეფე და დედოფალი არიან და რომელ დემოკრატიაზეა საუბარი.
- ზემოთ რამდენჯერმე თქვით, ეს რა უბედურება გვჭირსო. ამ ფრაზით შეიძლება შეფასდეს ის, რაც ზუგდიდის მერობის კანდიდატის წარდგენისას მოხდა. ''ოცნების'' ერთ-ერთმა ლიდერმა კახა კალაძემ განაცხადა, ნახევრად მეგრელი ვარო. მერი მარნეულშიც ასარჩევი ჰყავთ და ნახევრად მარნეულელობას ვინ დაიბრალებს?
- ოღონდ რამე სარგებელი ნახონ და ყველაფერს იკადრებენ. მარნეულში რა უნდა თქვან, ნახევრად აზერბაიჯანელი ვარო? წინ საპარლამენტო არჩევნებია და ჯავახეთის რეგიონში კანდიდატების წარდგენისას რას იტყვიან, ნახევრად სომხები ვართო?
ამაზე ერთი ძველი ამბავი გამახსენდა. გასული საუკუნის 80-იან წლებში ერთი ბიჭი ციხეში მოხვდა თაღლითობისთვის. მაშინ კრიმინალური მენტალიტეტი ძალიან ძლიერი იყო ციხეში. პრივილეგირებულად რომ ყოფილიყო, თავისი ნამდვილი მამა უარყო და პატიმრებს უთხრა, თითქოს ერთ-ერთი ცნობილი ქურდის ნაჩუმარი შვილი იყო.
ყველაფერი იკადრა, რომ თავი კარგად ეგრძნო. კოლონიაში დასცინეს და ამ ტყუილს გამო ერთი-ორიც წაუთაქეს თავში. ხელისუფლების წარმომადგენლებიც ამ ბიჭივით არიან _ სადაც ჩადიან, იქაური გენეტიკა აღმოაჩნდებათ ხოლმე.
მინდა, გავაფრთხილო ხელისუფლება _ ნუ ეთამაშებით საქართველოს რეგიონებს და დაანებეთ სამეგრელოს თავი. ''ოცნება'' ყველაფერს აკეთებს, რომ სამეგრელოში სიტუაცია გამწვავდეს, რათა მერე ვინმე სანდრას, მიშას ანდა პეტრეს დააბრალონ, რომ სეპარატიზმს აქვს ადგილი.
მეგრული სეპარატიზმი არ არსებობს, მაგრამ ესენი რაღაც ძალიან ცუდს აკეთებენ და საქართველოს ახალ უბედურებას გადაჰყრიან. სეპარატიზმის გაღვივებაში სხვა ქვეყნების სპეცსამსახურები ჩაერევიან და ეს ამბავი კარგად არ დამთავრდება.
მერე წავლენ სხვა რეგიონებში, სადაც კიდევ უფრო რთული ვითარებაა და იქ მთლად აურევენ სიტუაციას.
ხელისუფლებას ასევე ვაფრთხილებ, რომ თავი დაანებოს ხალხისა და ბიუჯეტის ხარჯზე მუცლის ამოყორვას. ოფიციალური მონაცემებით, გასულ წელს ხელისუფლებამ ჭამა-სმაზე 9 მილიონი დახარჯა და ეს მაშინ, როცა ხალხი მშიერია.
ჩვენ კიდევ ცოტა ხანი ვაცდით ხელისუფლებას და, თუ ასე გააგრძელეს, ძალიან სერიოზულ კამპანიას ჩავუდგებით სათავეში. ამ კამპანიას ერქმევა _ არ გადავიხდით. ხალხს მოვუწოდებთ, რომ გადასახადები არ გადაიხადონ, რადგან ეს ფული ამათ სტომაქსა და ჯიბეში მიდის.
ამ ჩაჩნებს ასევე ვაფრთხილებ, რომ თავი დაანებონ საქართველოს ტერიტორიების ხელყოფას. სხვადასხვა ქვეყნის მოქმედი თუ გადამდგარი ჩინოსნები გველის შხამივით გვაწვეთებენ, დაივიწყეთ დაკარგული ტერიტორიები და ნატოში აფხაზეთისა და ცხინვალის გარეშე შედითო.
მე ადრეც ვთქვი ''ახალ თაობასთან'' საუბარში და ახლაც გავიმეორებ, რომ ''ოცნებას'' ერთი სული აქვს, აფხაზეთი და ცხინვალის რეგიონი მოიშოროს. ამ რეგიონებს თუ მოიშორებენ, გრანტების შეჭმის გარდა, სხვა საქმე აღარ ექნებათ.
ახლა ვხვდები, რატომ თქვა სალომეა II-მ, რომ აფხაზეთი არის განგრენა და ის უნდა მოიკვეთოს. ახლა ვხვდები, რატომ ჰყავდა ივანიშვილს ''ქართული ოცნების'' ბლოკში ერთი პარტია, რომლის წევრებიც აფხაზეთისა და ცხინვალის აღიარებას უჭერდნენ მხარს.
ვაფრთხილებ ხელისუფლებას, საქართველოს არ დაუკარგონ დაკარგული ტერიტორიების დაბრუნების შანსი, თორემ უმძიმეს შედეგებს მიიღებენ.
- მოდით, ივანიშვილზეც ვისაუბროთ. ზემოთ თქვით, რომ ის სუსტდება. რით გამოიხატება მისი სისუსტე?
- ბევრ რამეში. ''ოცნების'' წევრები მის დავალებებს უკვე აღარ ასრულებენ. ერთადერთი გამონაკლისი გიორგი გახარიაა, დანარჩენები თამაშობენ. ისინი დღეს ''ოცნების'' ლიდერთან მხოლოდ იმიტომ არიან, რომ რაღაც სარგებელი მიიღონ. საკმარისია, ივანიშვილს ფეხი გადაუბრუნდეს, რომ მაშინვე მიატოვებენ. ამ ხალხმა თავის დროზე სააკაშვილი და შევარდნაძე მიატოვა, ახლაც იგივე მოხდება.
დღეს ივანიშვილს ძალა აღარ აქვს და მისთვის ეს ცუდად დამთავრდება. ''ოცნების'' ლიდერს ძალა რომ ჰქონოდა, ქვეყანას კორუფცია არ წალეკავდა. კორუფციის ჭაობში ვეფლობით, მაგრამ გინახავთ, ვინმე კორუფციის ბრალდებით დაეჭიროთ? ასეთი რამე არ მომხდარა.
- სუსის ანტიკორუფციული სამსახური იჭერს ხოლმე ვიღაც-ვიღაცებს კორუფციის ბრალდებით.
- მერე, ამას ჰქვია კორუფციასთან ბრძოლა? ეს არის ქვეყნისა და ხალხის დაცინვა. კორუფციის ბრალდებით მეხუთე, მეექვსე და მეშვიდე კატეგორიის ჩინოსნებს აკავებენ ხოლმე. მთავარი კორუმპირებულები თავისუფლად დადიან და ფულს ქაფავენ.
ძალიან ბევრი ფული იშოვეს ''ოცნების'' ხელისუფლების წევრებმა და მათ ახლა ივანიშვილი აღარაფერში სჭირდებათ, ერთი სული აქვთ, როგორმე გაეპარონ თავიანთ ლიდერს. ასე მგონია, ივანიშვილი ამას ვერ ხვდება.
- თქვენ ადრე ჩვენთან ინტერვიუში თქვით, რომ ''ოცნების'' ლიდერი მეფე ლირივით მარტო დარჩება.
- ახლა გეტყვით, რომ კიდევ უფრო მძიმედ არის საქმე, ბიძინა ივანიშვილი მგელ ტოტიასავით დარჩება მარტო, რომელსაც ბოლოს თავისი თანამოძმეები შეჭამენ. აი, ნახავთ, ის ხალხი, ვინც დღეს მის გუნდშია, ცოტა ხანში იტყვის, ეს ჩვენ ვებრძოდით ბიძინასო.
მთლად გულხელდაკრეფილი არც ''ოცნების'' ლიდერია. ის ხვდება, რომ პარტიას ვეღარ მართავს და ახალი სტრატეგია მოიფიქრა, აპირებს, პატარ-პატარა პარტიები და საზოგადოებრივი ჯგუფები 2020 წლის საპარლამენტო არჩევნებისთვის მასზე გახადოს დამოკიდებული.
ახლა ეს არის მისი უპირველესი მიზანი, მაგრამ ამაშიც ცდება. მასთან მოლაპარაკებებს ყველა არ მოისურვებს და, რაც მთავარია, არსებობს მისი უდიდებულესობა ქართველი ხალხი, რომელიც ამ ადამიანს აღარ ენდობა.
ვიცი, რომ ივანიშვილს მართლა უნდა საქმის გაკეთება, მაგრამ ამ გუნდით დანაპირების შესრულებას ვერ ახერხებს.
- მხოლოდ გახარიას იმედად ყოფილა დარჩენილი და დაპირებების შესრულება გაუჭირდება.
- გახარიაც არა მყავს დიდი ფუშე, მაგრამ, დანარჩენ მკვდარ სულებთან შედარებით, მეტ-ნაკლებად მოქმედია და, რაც მთავარია, ის პირად საუბრებში არ ატყუებს ბიძინა პირველს, ცუდ ამბებსაც დაუფარავად უყვება.
არ დამავიწყდება მისი ერთი ფრაზა, რომელიც ვიწრო წრეში თქვა. გახარია მაშინ ახალი ჩამოსული იყო საქართველოში, ჯერ კიდევ ეკონომიკური ბლოკის მინისტრი გახლდათ. მან თქვა, ამდენი არასახელმწიფოებრივად მოაზროვნე ჩინოვნიკი სხვაგან არსად მინახავს, რამდენიც საქართველოშიაო.
გახარიას იმედად არის დარჩენილი ივანიშვილი, მაგრამ, ისე მძიმედ აქვს საქმე, 300 სპარტელიც კი ვეღარ უშველის. თითქმის ყველა სფეროს ადამიანი გადაიმტერა. ზოგჯერ ტაქსითაც მიწევს მგზავრობა და ყველა ტაქსისტი ამათ აგინებს. ერთმა მათგანმა მითხრა, სააკაშვილი მეზიზღება, მაგრამ, ერთი სული მაქვს, ჩამოვიდეს, ამათ ხომ მაინც დაიჭერსო.
''ოცნებამ'' დაგვაკარგვინა 7 წელი, ქვეყანას ჭაობისკენ მიაქანებენ, რომ მერე ისევ სისტემური დანაშაულის შემქმნელი ინატროს საზოგადოებამ _ ოღონდ ესენი მოგვაცილოს და ჯანდაბას, ჩამოვიდეს და ხალხი დაიჭიროსო.
- ტაქსები ვახსენეთ და რას ფიქრობთ იმაზე, რომ ტაქსები აუცილებლად თეთრი ფერის უნდა იყოს?
- ეს არის სამარცხვინო. 600-ლარიანი ვაუჩერები დაურიგეს მძღოლებს ტაქსების გადასაღებად, რაც საკმარისი არ არის. მანქანის გადაღებვა, სულ მცირე, 1.500 ლარი მაინც ჯდება. ან ამ ტაქსებს რომ მიადგნენ, აქოთებულ ყვითელ სამარშრუტო ტაქსებს მიხედონ, მაგრამ მათ ხელს არ ჰკიდებენ, იმიტომ რომ თბილისის მერიაში ამ ხაზებს ვიღაც-ვიღაცები პატრონობენ.
მოკლედ, სადაც ფულის სუნია, იქ ტრიალებს მერიაც. ან ბეჰემოთის ძეგლის დადგმა რას აიჩემეს? კაი, დადგან, მაგრამ რა საჭიროა ამისთვის 90.000 ლარი? რა შედარებაა, მაგრამ ახალციხეში თამარ მეფის ძეგლის დადგმა სულ რაღაც 15.000 ლარი დაგვიჯდა. ეს ძეგლი 70-ტონიანი ქვისგან იქნა გამოთლილი. მე ამაყი ვარ, რომ ჩემი ინიციატივით დაიდგა საქართველოში თამარ მეფის პირველი ძეგლი.
ამხელა მეფის ძეგლი თუ 15.000-დან 20.000 ლარამდე დაჯდა, რა ბეჰემოტს დგამენ ამისთანას, 90.000 რომ ჯდება, გალაქტიკიდან ჩამოჰყავთ, ფრთები აქვს თუ ოქროსია? ესეც ფულის მახეა.
იმ ხელისუფლებისგან კარგს რას უნდა ელოდო, რომლის პარლამენტიც წითელ და მწვანე ღილაკებს ვერ არჩევს.
- მწვანე და წითელი ღილაკების გარჩევა ასეთი ძნელია?
- ამათთვის ძნელია. ესენი ხომ ესემეს ფლირტითა და ერთმანეთის ეროტიკული პასაჟებით არიან გართული.




ქართული ოცნების პოლიტიკური სტრიპტიზი
21:47 / 10.03.2019
ქართული ოცნების პოლიტიკური სტრიპტიზი

"მთავრობის წევრების ნაწილმა ივანიშვილს ულტიმატუმი წაუყენა, ღარიბაშვილი თუ მოვა, ჩვენ წავალთო"

გიგლა ბარამიძე: ''გარდაცვალებამდე ერთი თვით ადრე ბადრი პატარკაციშვილმა იმ ადამიანების სია მომწერა, რომლებმაც მას უღალატეს. ეს ხალხი ახლა ''ოცნების'' ლიდერის გვერდით ტრიალებს''


რა სკანდალური ინფორმაცია მიაწოდა ბადრი პატარკაციშვილმა გარდაცვალებამდე ცოტა ხნით ადრე, რა საფრთხის წინაშე დგას ივანიშვილი, ვინ და რატომ გააპროტესტა ''ოცნებაში'' ირაკლი ღარიბაშვილის დაბრუნება? - ამ თემებზე ''ახალ თაობას'' ყოფილი პოლიტდევნილი გიგლა ბარამიძე ესაუბრება.

- მმართველი გუნდის პარტიის ლიდერები ''ოცნების'' განახლებას გვიანონსებენ და ამბობენ, რომ პარტიისთვის რეიტინგულ ხალხს შეარჩევენ. თქვენი აზრით, გადაარჩენს ეს შერჩეული ხალხი ''ქართულ ოცნებას''?

- იმას, რაც ახლა ხდება მმართველ გუნდში, პარლამენტში ''ოცნების'' სტრიპტიზს დავარქმევდი. სხვანაირად რომ ვთქვა, მმართველი პარტია შესულია ლპობის პროცესში.
''ქართულმა ოცნებამ'' ვერც ერთი დაპირება ვერ შეასრულა, ''ქართულმა ოცნებამ'' საქმე ვერ გააკეთა, მაგრამ ''ქართულმა ოცნებამ'' წარმოშვა ისეთი სამარცხვინო ტიპაჟები, რომლებსაც ჩვენ ქართული და უცხოური ლიტერატურიდან კარგად ვიცნობთ. ამით მმართველ პარტიას ნამდვილად შეუძლია, იამაყოს.
მმართველ პარტიაში ყველა უარყოფითმა პერსონაჟმა მოიყარა თავი, ბონია მეწისქვილით დაწყებული, ჰოფმანის ''კატა მურის ცხოვრებისეული ფილოსოფიის'' პერსონაჟებით დამთავრებული.
სხვათა შორის, ეს კატა მური არ იყო ცუდი კატა, ერთი ცნობილი ქართველი პოლიტიკოსი ქალისგან განსხვავებით, მიღებებზე ჩექმებით არ დადის.
ფერწერას თუ გადავხედავთ, ''ოცნების'' კლასიკური ტიპაჟები ჰყავს დახატული ნიდერლანდელ მხატვარ ჰიერონიმუს ბოსხს. საოცარია, სად დაინახა ბოსხმა მე-15 საუკუნეში, რომ მის მიერ დახატული ტიპაჟები 21-ე საუკუნეში საქართველოს მთავრობასა და პარლამენტში შეძვრებოდნენ და სტომაქს გაივსებდნენ.
ამ ყველაფერს კი უდიდესი ქართველი პოეტის, ვაჟა-ფშაველას სიტყვები ესადაგება _ გაგვიბატონდა, ქართველნო, სირეგვნე შეუწონარი.
რასაც დღევანდელი ხელისუფლების წარმომადგენლები აკეთებენ, ასეთი სირეგვნე მეორე არ მინახავს.
ამ უსაქმურების გაერთიანებას, ''ქართულ ოცნებას'' რომ ვუყურებ, დიდი ბისმარკის გენიალური ფრაზა მახსენდება _ არსად იმდენს არ იტყუებიან, როგორც ომის დროს, არჩევნების წინ და ნადირობის შემდეგ. ესენი ომით ვერ ომობენ, არჩევნების წინ იტყუებიან და იტყუებიან, ნადირობას რაც შეეხება, დიდი ქონება მოინადირეს.
ასევე მახსენდება პირველი რესპუბლიკის მთავრობა, 1921 წელს კუდამოძუებული რომ გარბოდა საქართველოდან. მას არიერგარდში მდგარი იუნკრები იცავდნენ.
მთავრობის წევრების სამარცხვინო გაქცევას თვალს ადევნებდნენ გენერლები კვინიკაძე და მაზნიაშვილი. მაზნიაშვილმა მათ ჰკითხა, რას აკეთებთო. იმათ უპასუხეს, შინდისი დავკარგეთო. მაზნიაშვილმა ამის საპასუხოდ გასაქცევად მომზადებულ მთავრობას შემდეგი სიტყვები მიახალა პირში: თქვენ შინდისი კი არა, სინდისი დაკარგეთო.
მაშინ ჯარი გვყავდა, მაგრამ იმ მთავრობას ომი არ სურდა. ლენინით იყო აღფრთოვანებული ნოე ჟორდანია.

- მოდით, ისევ ''ოცნების'' დღევანდელობას დავუბრუნდეთ. ამბობთ, რომ მმართველი პარტიაში ლპობის პროცესია დაწყებული. იქნებ ეს პროცესი ახალმა კადრებმა შეაჩეროს?

- ''ოცნების~ კრეტინიზმს საზღვარი აღარ აქვს _ მეშვიდე წელია, ხელისუფლებაში არიან და ახლა იწყებენ კადრების მოზიდვას. კადრების მოზიდვა პარტიული ცხოვრების ყოველდღიური ნაწილია. რას ეძებენ ეს გაჭირვებულები, ვერ გეტყვით.
ბევრი დიდ იმედებს ამყარებს ირაკლი ღარიბაშვილზე. ამ ადამიანს რამდენიმე ფრაზისა და ქმედების გამო პატივს ვცემ, მაგრამ, არ მაქვს იმედი, რომ ის რამეს გამოასწორებს.
ღარიბაშვილი რომ ნახავს, რა დღეშია მმართველი პარტია ჩავარდნილი, რა ფსიქოტიპის ხალხი ჩამოყალიბდა იქ და რამდენი რამე აქვთ გაფუჭებული, შეიძლება, ''ოცნების'' პირველი ოპოზიციონერი ეგ გახდეს.
აქამდე ამ გუნდში გაბატონებული იყო მონათმფლობელური, პატრონყმური ურთიერთობა. ეს ურთიერთობა ორ რამეს ეყრდნობოდა _ ძალის შიშსა და სიმდიდრის მოხვეჭის სურვილს.
ბიძინა ივანიშვილს დღეს ძალა აღარ აქვს, შიშის გრძნობა მის მიმართ დაკარგული აქვთ და მეორე, ხელისუფლებაში ჩამობრანძულად მისულმა ''ოცნების'' წევრებმა მიიღეს სიმდიდრე. ახლა დადგა ამ სიმდიდრის შენარჩუნების პროცესი.
ყველანაირად ცდილობენ, ეს ქონება შეინარჩუნონ, ამასთან, უნდათ, რომ ხალხში გაესვლებოდეთ და ამის გამო ზოგიერთმა მათგანმა ოპოზიციონერობაც კი დაიწყო. ადრეც გითხარით ერთ-ერთ ინტერვიუში და ახლაც გავიმეორებ _ ბიძინა ივანიშვილი მეფე ლირივით მარტო დარჩება.
ამის ნიშნები უკვე სახეზეა. ის ადამიანები, ქალი თუ კაცი, ვისაც მილიარდერმა ჩააცვა, დაახურა, დაბანა, აჭამა, გვერდზე გახტნენ და ცდილობენ, ყველა ცოდვა ივანიშვილს აჰკიდონ. ასეთი რამე დაემართათ თავის დროზე შევარდნაძეს, სააკაშვილს, პატარკაციშვილს.
ბადრი პატარკაციშვილთან დაკავშირებით ერთ ექსკლუზივს გეტყვით. ამ ადამიანმა გარდაცვალებამდე ერთი თვით ადრე ესემესით მომწერა იმ ადამიანების სახელები და გვარები, რომლებმაც მას უღალატეს.
სიაში ძირითადად პოლიტიკოსები ფიგურირებენ და კიდევ საზოგადოებისთვის რამდენიმე ცნობილი სახე. სხვათა შორის, ეს ადამიანები ყველა მთავრობას მოერგნენ, ყველა პირველი პირის გვერდზე ტრიალებდნენ. ამ ადამიანებს ასეთი სტილი აქვთ, როგორც კი გაძღებიან და ნახავენ, რომ მაგათი მამა და მარჩენალი სუსტად არის, მაშინვე გარბიან სხვა პატრონის მოსაძებნად.
ბადრი პატარკაციშვილთან დიდი მეგობრობა არ მაკავშირებდა. ნაციონალების დროს მე საქართველოდან ვიყავი გაქცეული, მასაც მოუწია ქვეყნის დატოვება. ამან დაგვაახლოვა. ტელეფონითა და ერთი შუამავლის მეშვეობით ვკონტაქტობდით. როგორც უკვე გითხარით, სიკვდილამდე ერთი თვით ადრე მომწერა იმ ადამიანების სია, რომლებმაც მას უღალატეს.

- ამ ადამიანების ვინაობას არ გაამხელთ?

- ახლა არა. იმას გეტყვით, რომ ძალიან ცნობადები არიან, მაგრამ, ერთხელაც იქნება, მომივლის გურული სიფიცხე და ბადრისგან მოწერილ ესემესს გავასაჯაროებ. მან ამის უფლება მომცა. ეს ესემესი შენახული მაქვს. მუხანათური შენახვები ჩემი სტილი არ არის, მაგრამ ცხონებულმა მითხრა, ეს გვარები შეინახე, შეიძლება, დაგჭირდესო.
ბატონ ბიძინასაც, შეიძლება, იგივე დაემართოს, რაც პატარკაციშვილს დაემართა. იმ ესემესში იმათი გვარებიც წერია, ვინც ''ოცნების'' ლიდერს ახლა გვერდით უდგას. დღეს მთელი ''ოცნება'' გასაქცევად არის მზად და საჭირო მომენტს ელოდებიან.
გვერდს ვერ ავუვლი პრემიერის სამარცხვინო განცხადებას. ''ფრესკოს'' მფლობელმა სკანდალური ინფორმაცია გაავრცელა, თუ როგორ ატერორებდნენ მას. ამაზე ჟურნალისტებმა მთავრობის მეთაურს ჰკითხეს, რეაგირება რატომ არ მოახდინეთო. მამუკა ბახტაძემ სამარცხვინო პასუხი გასცა, არ ვიცოდიო. იმ კაცმა თქვა, არ ვიცოდიო, რომელსაც პრესსამსახურში 100 ადამიანი მაინც ჰყავს.
ეს პრესსამსახურები საუბრის ცალკე თემაა. აქ ძირითადად ნაციონალების კადრები არიან დასაქმებული. ესენი რომ ჰყავთ დასაქმებული, მაგიტომაც არის საქმე კარგად. მაგიტომაც ელოდება მთელი საქართველო რუსთაველზე ლომების პარადის ნაცვლად ლგბტ თემის პრაიდს.

- ლგბტ თემის პრაიდის გარდა, საზოგადოება სამთავრობო ცვლილებებსაც ელოდება. ამ ცვლილებებზე რას ფიქრობთ?

- მთავრობა როგორც არ უნდა შეცვალონ, სიტუაციას ვერ გამოასწორებენ. მთელი უბედურება ის არის, რომ ვერ ხვდებიან, რაშია საქმე. მეშვიდე წელია, ხელისუფლებაში არიან და დღემდე ჰგონიათ, რომ მიშა სააკაშვილი ურევს სიტუაციას. იმის აღიარება არ უნდათ, რომ თავად არიან ხელიდან წასულები.
ირაკლი ღარიბაშვილს მართლა ძალიან უნდა სიტუაციის გამოსწორება, მაგრამ არ გამოუვა. მასთან დაკავშირებით ერთ ექსკლუზივსაც გეტყვით - ''ქართული ოცნების'' პირველი პირების დიდ ნაწილს მისი დაბრუნება არ უნდოდა.
მეტსაც გეტყვით, ერთ-ერთი მაღალი თანამდებობის პირი, მინისტრი მივიდა ივანიშვილთან და ვიღაცებისა და თავისი სახელით უთხრა, ღარიბაშვილი თუ დაბრუნდება, ჩვენ წავალთო.
ღარიბაშვილის დაბრუნების ამბავი რომ გაიგეს, ''ოცნებაში'' ნახევარზე მეტმა შიშით ფერი დაკარგა _ ნერვიულობენ, ცვლილებებს დაიწყებს, ჩვენს ხალხს გაყრის და თავისას მოიყვანსო.
პირადად მე ღარიბაშვილს ვგულშემატკივრობ, გამიხარდება, თუ რამეს გააკეთებს, მაგრამ, კიდევ ერთხელ ვამბობ, არაფერი გამოუვა. ყველაფერს რომ თავი დავანებოთ, ასეთი დახვედრა მოუწყვეს და მას რამის გაკეთების საშუალებას როგორ მისცემენ. ისე ცუდად არის საქმე, რომ საქმის გაკეთება ივანიშვილსაც გაუჭირდება.
მისი ამჟამინდელი მდგომარეობა პუშკინის ''ძუნწ რაინდს'' მაგონებს. ამ ადამიანს ყველა, მათ შორის საკუთარი შვილიც, განუდგება და ერთადერთი ბედნიერება აქვს დარჩენილი _ ჩადის ციხე-სიმაგრის სარდაფში და ოქრო-ბრილიანტით გადაჭედილ სკივრებს ეფერება.
ძალიან არ მინდა, რომ ''ოცნების'' ლიდერმა ამ რაინდის ბედი გაიზიაროს, მაგრამ იმდენი მოღალატე ჰყავს გარშემო, რომ შეიძლება, ქონებაც კი დააკარგვინონ. ალბათ თავადაც ვერ ხვდება, რა ხალხი ჰყავს შემოკრებილი. ასეთი ხალხი რომ ჰყავს, მაგიტომაც დარჩება მეფე ლირივით მარტო.

- რამდენიმეჯერ თქვით, მეფე ლირივით მარტო დარჩებაო. აქამდე რა პროგნოზებიც გაქვთ გაკეთებული, გამართლდა და ვნახოთ, ეს პროგნოზიც თუ გამართლდება.

- მართლა ყველა ის პროგნოზი გამართლდა, რომლებიც ჩვენმა პარტიამ ივარაუდა. ეს იმიტომ კი არ მოხდა, რომ ჩვენ წინასწარმეტყველები ვართ. ჩვენ, უბრალოდ, ანალიზს ვაკეთებთ და მერე ვლაპარაკობთ.
ივანიშვილი რეალობას მოწყვეტილია. მისი მრჩევლების განცხადებებიც ძალიან საეჭვოა.

- რატომ არის საეჭვო?

- აბა დავაკვირდეთ, რა განცხადებებს აკეთებს ეს ხალხი ბოლო კვირების განმავლობაში. რაღაც ყოყმანით ლაპარაკობენ და ერთ ფრაზას იმეორებენ დაზეპირებულივით _ თუ ასე გაგრძელდა....
კი მაგრამ, 7 წელი კარგად რომ ძოვდით ივანიშვილთან, მაშინ რატომ არ გაგახსენდათ ეს ფრაზა? აბა ''ოცნება'' და მისი ლიდერი მყარად იდგნენ ფეხზე, სულ არ გაგახსენდებოდათ ფრაზა _ თუ ასე გაგრძელდა.
მე რომ ამათი ცხოვრების სტილი, ბიოგრაფია და გაზულუქებული მადის ამბავი ვიცი, იმიტომ ვამბობ, რომ ''ოცნების'' ლიდერი მეფე ლირივით მარტო დარჩება. მისდა სამწუხაროდ, მას გვერდით არ ჰყავს ადამიანი, რომელიც რეალობას დაანახებს. ის მრჩევლები, რომლებიც გარს ახვევია, სიმართლეს არ ეუბნებიან და მაგიტომაც ემხობა ყველაფერი თავზე.
თქვენ შემთხვევითი გგონიათ, ბიზნესმენებმა ერთდროულად რომ დაიწყეს ბიზნესის რეკეტზე საუბარი? აქამდე ამასთან დაკავშირებით ხმას არ იღებდნენ, მაგრამ, როგორც კი შესუსტდა ''ოცნება'' და მისი ლიდერი, მაშინვე დაიწყეს ყვირილი. ზვიად გამსახურდიას შემდეგ საქართველოში ბიზნესი სულ მთავრობაში იყო ჩართული და მთავრობა კიდევ _ ბიზნესში.
ეს რატომ ხდება, იცით? ფილისტერულ საზოგადოებად ვიქეცით _ ყველაფერს ვაფასებთ არა ისე, როგორც სინამდვილეშია, არამედ, როგორც გვაწყობს და როგორც ჩვენს ჯიბესა და მუცელს უნდა.
ხელისუფლებაში ''ოცნების'' მოსვლის შემდეგ ბანკებსა და მიკროსაფინანსოებს სასათბურე პირობები შეექმნათ. ასეთ კარგ პირობებში ისინი არასდროს ყოფილან _ მთელი ქვეყანა გადაჭამეს, პროცენტებით გვახრჩობენ. მთელი ქვეყანა მათ ლანძღვაში იყო, მაგრამ, როგორც კი ერთი ბანკირის მხარდაჭერა მოდური გახდა, ერთს არ წამოსცდენია, რამხელა პროცენტები აქვს მის ბანკს.
ეს ერისა და საზოგადოების ავადმყოფობაა. მე იმას არ ვამბობ, რომ გვერდით არ უნდა დავუდგეთ ამ ბანკირს, მაგრამ აქამდე იმავე ბანკირს სხვებთან ერთად მაღალი პროცენტების გამო რომ ვლანძღავდით, ახლა რატომ დავივიწყეთ ეს თემა? ასეთი მაღალი პროცენტი არც ყაზახეთშია, არც სომხეთში, არც აზერბაიჯანში.
ამ არანორმალურად მაღალ პროცენტზე ხმას არც მომავალში ამოიღებენ, იმიტომ, რომ მლიქვნელებად ვიქეცით, ქალი თუ კაცი ტელევიზორებში საცვლებს იფხრეწენ ბანკირის დასაცავად.
ეს იმიტომ ხდება, რომ გრძნობენ, რაღაც მოხდება და ცდილობენ, წინასწარ შეუძვრნენ სხვას. სახეზე გვაქვს ახალი მიმდინარეობის ჩამოყალიბების პროცესი. ამ მიმდინარეობას ის ბიზნესინტელიგენცია აყალიბებს, რომელიც აქამდე ივანიშვილთან კარგად ძოვდა, მაგრამ ის გაცვდა იორღა ცხენივით და ახალი ლუკმა უნდა იშოვოს. ისინი მზად არიან, ''ოცნების'' დასუსტებულ ლიდერს ბოლო წიხლი ჩააზილონ.

დასხდებიან‭ ‬თუ‭ ‬არა‭ ‬ერთ‭ ‬მაგიდასთან‭ ‬ნინო‭ ‬ბურჯანაძე‭ ‬და‭ ‬სააკაშვილი‭?
12:15 / 19.02.2019
 დასხდებიან‭ ‬თუ‭ ‬არა‭ ‬ერთ‭ ‬მაგიდასთან‭ ‬ნინო‭ ‬ბურჯანაძე‭ ‬და‭ ‬სააკაშვილი‭?
‭‬ტოტალური‭ ‬ღალატია‭ ‬ჩაფიქრებული‭ `''ქართული‭ ‬ოცნების‭'' ‬მხრიდან‭ ‬ბიძინა‭ ‬ივანიშვილის‭ ‬მიმართულებით‭!
''ოცნების' ჩინოსნებმა 1.5 მილიარდის ქონება მიიტაცეს''
22:33 / 12.02.2019
''ოცნების' ჩინოსნებმა 1.5 მილიარდის ქონება მიიტაცეს''
''გათხაროდან შეტ..ვნა-შეც...მამდე თურმე რა მცირე მანძილი ყოფილა''
გიგლა ბარამიძე: ''ვისი გაცემული საბუთით დადის ძებნილი სააკაშვილი აქეთ-იქეთ''
''როცა გაგიჭირდებათ, თქვენი სისულელეების გადასაფარად სააკაშვილი მაშინ გახსენდებათ?!
22:41 / 21.01.2019
''როცა გაგიჭირდებათ, თქვენი სისულელეების გადასაფარად სააკაშვილი მაშინ გახსენდებათ?!

ფეხბურთელობიდან, ბატუტზე ხტომიდან, მოჭიდავეობიდან უცბად დიდ თანამდებობაზე რომ აღმოჩნდით, ივანიშვილის გულის მოსაგებად სააკაშვილის გინება მოსულა, თუ როგორ არის?! ვის სჯერა თქვენი!

საპრეზიდენტო არჩევნების შემდეგ, ''ქართული ოცნება'' საბოლოოდ გავიდა მომსახურების ზონიდან, თამამად და უმოწყალოდ გააფრინა იმ იმედით, რომ ფეხებსაც ვერავინ მოსჭამს და თუკი ამის მსურველები გამოჩნდებიან, როგორც ჩემი სამტრედიელი იტყოდა, მთაწმინდიდან ''რაზგონით'' გამოექანეთ, ამსტერდამიდან კი კოკაინდაგაზულები დამაფრინდითო... ყურებიდან ბოლი გამივიდა, თვალები გადმომცვივდა, მეგონა, კალაძის ჯოჯოხეთში ''გავიჩითე'', თურმე რეალში, ჩემი ქალაქის მერი ''ბლატაობდა'', მაგრამ გამიტყდა, როცა ჟარგონზეც ვერ ქაჩავდა... აი, შთამაგონებელ მონოლოგს არ მოგიძღვნით, მარტივად და იმავე ენით გკითხავთ, თქვენ ხომ არ გაჟრიალებთ?! რით დაიწყეთ და სადამდე დაეშვით? სახელმწიფოა თუ ''ბეზპრედელების'' ბირჟა, სად გადის თქვენი უტიფრობის ზღვარი და სად მთავრდება ხალხის მოთმინების ფიალა, ეს თუ გაინტერესებთ, ოროსნებო, ამასაც მალე გაიგებთ...

''ქართულ ოცნებას'' ერთი სული აქვს, აფხაზეთი და ცხინვალის რეგიონი მოიშოროს''
11:56 / 16.01.2019
''ქართულ ოცნებას'' ერთი სული აქვს, აფხაზეთი და ცხინვალის რეგიონი მოიშოროს''
გიგლა ბარამიძე: ''გამომურუსიძებული ხელისუფლება ოკუპირებული რეგიონების არაღიარებისთვის არაფერს აკეთებს~
''ქართველებს უერთადგილო ყარაჩოღლობა დაგვღუპავს''
პრეზიდენტი სალომე და კლარნეტი.
12:18 / 14.01.2019
პრეზიდენტი სალომე და კლარნეტი.
''ოცნების~ ჩინოსნებმა მოსკოვში მასობრივად დაიწყეს ბინების შეძენა~
''დასავლეთის დიპლომატიურ წრეებში ზურაბიშვილს არა პრეზიდენტად, არამედ მილიარდერ ივანიშვილის პოლიტიკურ გელფრენდად მოიხსენიებენ~
გიგლა ბარამიძე: ''წამლებისა და სამედიცინო პირბადეების გაქრობა ''ქართული ოცნების'' სააფთიაქო მაფიასთან არის პირდაპირ კავშირში''