ინტერვიუები
დასხდებიან‭ ‬თუ‭ ‬არა‭ ‬ერთ‭ ‬მაგიდასთან‭ ‬ნინო‭ ‬ბურჯანაძე‭ ‬და‭ ‬სააკაშვილი‭?
‭‬ტოტალური‭ ‬ღალატია‭ ‬ჩაფიქრებული‭ `''ქართული‭ ‬ოცნების‭'' ‬მხრიდან‭ ‬ბიძინა‭ ‬ივანიშვილის‭ ‬მიმართულებით‭!

''ქართული‭ ‬ოცნება‭'' ისე‭ ‬დაემსგავსა‭''ნაციონალურ‭ ‬მოძრაობას‭''‬,‭ ‬ამ‭ ‬ორ‭ ‬პარტიაში‭ ‬ვისი‭ ‬ჰალსტუხი‭ ‬ვის‭ ‬საყელოშია‭ ‬გაკვანძული,‭ ‬უფრო‭ ‬და‭ ‬უფრო‭ ‬ძნელი‭ ‬გამოსაცნობი‭ ‬ხდება.‭ ‬პრობლემების‭ ‬მწკრივი‭ ‬ისე‭ ‬გაგრძელდა,‭ ‬რომ‭ ‬უსასრულობამდე‭ ‬ბევრი‭ ‬არაფერი‭ ‬გვიკლია,‭ ‬ეს‭ ‬იმიტომ‭ ‬რომ‭ ‬ქართულმა‭ ‬პოლიტიკამ‭ ‬ყველაზე‭ ‬უძველეს‭ ‬პროფესიას‭ ‬საცვალი‭ ‬გახადა‭ ‬და‭ ‬გაპუტანკებული‭ ‬მანდატიანები‭ ‬მორალს‭ ‬გვიკითხავენ‭ ‬პატიოსნებასა‭ ‬და‭ ‬ზნეობაზე...‭ ‬არ‭ ‬დარჩა‭ ‬ხელშეუხებელი‭ ‬არცერთი‭ ‬სახელმწიფო‭ ‬ინსტიტუტი,‭ ‬რომელიც‭ ‬არ‭ ‬გარყვნეს‭ ‬და‭ ‬არ‭ ‬წაბილწეს,‭ ‬დინების‭ ‬წინააღმდეგ‭ ‬სიარულს‭ ‬რომ‭ ‬ტექტონიკური‭ ‬ძვრები‭ ‬მოჰყვება,‭ ‬ეს‭ ‬უნდა‭ ‬იცოდეს‭ ‬ამ‭ ‬ქვეყნის‭ ‬დირექტორმა‭!


''ალიას'' ‬კითხვებს‭ ‬პასუხობს‭ ‬პარტია‭ `‬დემოკრატიული‭ ‬მოძრაობა‭ - ‬ერთიანი‭ ‬საქართველოს‭'' ‬გენერალური‭ ‬მდივანი‭ ‬გიგლა‭ ‬ბარამიძე.


- ‬საინტერესო‭ ‬ამბებით‭ ‬დახუნძლული‭ ‬კვირა‭ ‬იყო,‭ ‬მაგრამ,‭ ‬ალბათ,‭ ‬მაინც‭ ‬საპატრიარქოში‭ ‬მიმდინარე‭ ‬მოვლენებია‭ ‬მნიშვნელოვანი.‭ ‬ამერიკელების‭ ‬ყველა‭ ‬გამოკითხვით‭ ‬საპატრიარქო‭ ‬საქართველოში‭ ‬ყველაზე‭ ‬ძლიერ‭ ‬ინსტიტუტად‭ ‬ითვლებოდა‭ ‬და‭ ‬მოსახლეობის‭ ‬80‭ ‬პროცენტი‭ ‬ენდობოდა‭ ‬პატრიარქსა‭ ‬და‭ ‬დედა‭ ‬ეკლესიას,‭ ‬ამიტომაც‭ ‬მათი‭ ‬დისკრედიტაციის‭ ‬სამიზნე‭ ‬სწორედ‭ ‬საპატრიარქო‭ ‬გახდა,‭ ‬მაგრამ‭ ‬ის,‭ ‬რაც‭ ‬მიხეილ‭ ‬სააკაშვილმა‭ ‬ვერ‭ ‬მოახერხა‭ ‬სასულიერო‭ ‬პირებისთვის‭ ''‬ჟუჩოკების‭ ‬დამონტაჟებით''‬,‭ ‬ძვირად‭ ‬ღირებული‭ ‬მანქანების‭ ‬ჩუქებით,‭ ‬ფარული‭ ‬კადრების‭ ‬გადაღებითა‭ ‬და‭ ‬შანტაჟით,‭ ‬პოლიტიკური‭ ‬ნიშნით‭ ‬ეკლესიის‭ ‬გაყოფით,‭ ''ქართულმა‭ ‬ოცნებამ'' ‬გამანადგურებელი‭ ‬ტროტილივით‭ ‬ააფეთქა‭ ‬და‭ ‬ცეცხლის‭ ‬ალში‭ ‬გახვია‭ ‬საპატრიარქო,‭ ‬ნდობა‭ ‬დაუკარგა,‭ ‬მრევლი‭ ‬შეუმცირა,‭ ‬ჭრილობაზე‭ ‬მარილი‭ ‬დააყარა‭ ‬და‭ ‬მტრებს‭ ‬საჯიჯგნად‭ ‬მიუგდო,‭ ‬თქვენ‭ ‬გახსენდებათ,‭ ‬საპატრიარქოს‭ ‬წინ‭ ‬ყოფილიყოს‭ ‬კარავი‭ ‬გაშლილი‭?

- აბსოლუტურად‭ ‬სწორი‭ ‬შენიშვნაა‭; ‬ის,‭ ‬რაც‭ ‬ჯერ‭ ‬კიდევ‭ ‬ერთპარტიული‭ ‬მმართველობის‭ _ ‬კომუნისტების‭ ‬დროს‭ ‬ვერ‭ ‬მოხერხდა‭ ‬და‭ ‬არც‭ ‬უნდოდათ,‭ ‬ის,‭ ‬რაც‭ ‬შევარდნაძის‭ ‬დროს‭ ‬არ‭ ‬მოხერხდა‭ ‬და‭ ‬არც‭ ‬უნდოდა,‭ ‬ის,‭ ‬რაც‭ ‬სააკაშვილს‭ ‬უნდოდა‭ ‬და‭ ‬ვერ‭ ‬გაბედა,‭ ‬სამწუხაროდ,‭ ‬რაც‭ ‬არ‭ ‬უნდა‭ ‬ვთქვათ,‭ ''ქართული‭ ‬ოცნების‭''  ‬ხელისუფლებაში‭ ‬ყოფნის‭ ‬დროს‭ ‬მოხდა,‭ ‬როდესაც‭ ‬კარავიც‭ ‬დაიდგა,‭ ‬ეკლესიის‭ ‬მტრებიც‭ ‬თავისუფლად‭ ‬ლაპარაკობენ,‭ ‬უწმინდესსაც‭ ‬ლანძღავენ,‭ ‬ზურგში‭ ‬მახვილის‭ ‬ჩაცემის‭ ‬მცდელობა‭ ‬არის‭ ‬ქართული‭ ‬მართლმადიდებლური‭ ‬ეკლესიის...‭ ‬პარლამენტის‭ ‬უმრავლესობავ,‭ ‬სირცხვილია,‭ ‬თითს‭ ‬თითზე‭ ‬რომ‭ ‬არ‭ ‬აკარებთ,‭ ‬შეიძლება‭ ‬პირიქით,‭ ‬ქართული‭ ‬ეკლესიის‭ ‬წინააღმდეგაც‭ ‬მოქმედებთ,‭ ‬არ‭ ‬ვიცი,‭ ‬ახლა‭ ‬კონკრეტულად‭ ‬ხელს‭ ‬ვერ‭ ‬ვადებ,‭ ‬მაგრამ‭ ‬ზოგადი‭ ‬ადამიანური‭ ‬ინტუიციები‭ ‬მაქვს...‭ ‬ამავე‭ ‬დროს,‭ ‬ყოველ‭ ‬დღესასწაულებზე‭ ‬დაიჭერთ‭ ‬სანთლებს‭ ‬და‭ ‬დგახართ‭ ‬პატრიარქთან‭ ‬სამების‭ ‬ტაძარში,‭ ‬თითქოს‭ ‬დიდი‭ ‬მორწმუნეები‭ ‬იყოთ.‭ ‬არადა,‭ ‬არაფერს‭ ‬აკეთებთ,‭ ‬რომ‭ ‬ეკლესიისთვის‭ ‬ეს‭ ‬საშიშროება‭ ‬აგეცილებინათ‭! ‬ვერც‭ ‬გააკეთებენ‭ ‬იმიტომ,‭ ‬რომ‭ ‬მხოლოდ‭ ‬მდგომარეობა‭ ‬და‭ ‬მოპარული‭ ‬მილიონების‭ ‬შენარჩუნებაზე‭ ‬ფიქრობენ‭; ‬მილიონერები‭ ‬არიან‭ ‬დეპუტატები,‭ ‬მილიონერები‭ ‬არიან‭ ‬მინისტრები,‭ ‬დეპარტამენტის‭ ‬თავმჯდომარეები,‭ ‬მოადგილეები,‭ ‬აგერ‭ ‬მოსამართლეები,‭ ‬რა‭ ‬დღეში‭ ‬არიან‭ ‬ეს‭ ‬პირსისხლიანი‭ ‬გიენები,‭ ‬რომლებიც‭ ‬ისე‭ ‬გათავხედნენ,‭ ‬რომ‭ ‬საუბარია‭ _ ‬მივცეთ‭ ‬თუ‭ ‬არა‭ ‬მუდმივად‭ ‬სასამართლოს‭ ‬მოსამართლის‭ ‬სტატუსი...‭ ‬არადა,‭ ‬ჩვენ‭ ‬გვყავს‭ ‬ისეთი‭ ‬მოსამართლეები,‭ ‬რომლებიც‭ ‬ციხეში‭ ‬უნდა‭ ‬ჩაყარო,‭ ‬ამ‭ ‬სიტყვის‭ ‬პირდაპირი‭ ‬გაგებით‭ ‬და‭ ‬სრული‭ ‬კონფისკაცია‭ ‬გაუკეთო‭ ‬იმ‭ ‬ქონებას,‭ ‬რომელიც‭ ‬ჩვენი‭ ‬ხალხის‭ ‬ტანჯვისა‭ ‬და‭ ‬წამების‭ ‬ხარჯზე‭ ‬დააგროვეს,‭ ‬მაგრამ‭ ‬აბა,‭ ‬ინძრევა‭ ‬დღევანდელი‭ ‬ხელისუფლება‭?! ‬გატრუნულია‭! ‬იმიტომ‭ ‬არის‭ ‬გატრუნული,‭ ‬რომ‭ `‬ქართულ‭ ‬ოცნებაში‭~ ‬არის‭ ‬უდიდესი‭ ‬ღალატი‭ ‬მისი‭ ‬დამფუძნებლის‭ ‬მიმართ,‭ ‬ტოტალური‭ ‬ღალატია‭ ‬ჩაფიქრებული‭ `‬ქართული‭ ‬ოცნების‭~ ‬მხრიდან‭ ‬ბიძინა‭ ‬ივანიშვილის‭ ‬მიმართულებით‭! ‬ამას‭ ‬ვამბობ‭ ‬პირველად‭ ‬და‭ ‬ყველაფერს‭ ‬აკეთებენ,‭ ‬რომ‭ ‬ნელ-ნელა,‭ ‬ეტაპობრივად‭ ‬წავიდნენ...‭ ‬თვითონ‭ ‬გაძღნენ,‭ ‬გასუქდნენ,‭ ‬მეტის‭ ‬მოპარვა‭ ‬უკვე‭ ‬აღარ‭ ‬წარმოუდგენიათ‭ ‬და‭ ‬ახლა‭ ‬უნდათ‭ ‬ლამაზად‭ ‬ჩამოსცილდნენ‭ ‬იმ‭ ‬ჭაობს,‭ ‬რაც‭ ‬თვითონ‭ ‬შექმნეს‭ ‬და‭ ‬უნდათ,‭ ‬ყველაფერი‭ ‬ბიძინა‭ ‬ივანიშვილს‭ ‬შეაწმინდონ.

‭- ‬ბიძინა‭ ‬ივანიშვილი‭ ‬განაჩენს‭ ‬საკუთარ‭ ‬თავს‭ ‬თავად‭ ‬გამოუტანს,‭ ‬ეს‭ ‬გზა‭ ‬მან‭ ‬ნებით‭ ‬აირჩია,‭ ‬ის‭ ‬გიჟდება‭ ‬მლიქვნელებზე,‭ ‬ერთგულების‭ ‬ნიღაბს‭ ‬ამოფარებულ‭ ‬მოღალატეებზე,‭ ‬აქოჩრილ‭ ‬მონა‭ `‬ვაჟკაცებზე‭~‬,‭ ‬შედეგიც‭ ‬სახეზეა,‭ ‬არაპროფესიონალების‭ ‬დოღია‭ ‬ხელისუფლებაში‭! ‬ივანიშვილი‭ ‬საკუთარ‭ ‬თავს‭ ‬სამართლიანობის‭ ‬აღდგენას‭ ‬დაჰპირდა‭ ‬და‭ ‬პრივატულად,‭ ‬დღემდე‭ ‬აღიდგენს‭ ‬სამართლიანობას,‭ ‬ძალიან‭ ‬უხერხულია,‭ ‬როცა‭ ‬ერთი‭ ‬კაცის‭ ‬ხუშტურზე‭ ‬იმართება‭ ‬ქვეყანა,‭ ‬შეუძლებელია‭ ‬ქართველი‭ ‬მღლეტავ-ბანკირები‭ ‬მოგწონდეს‭ ‬ან‭ ‬გულშემატკივრობდე,‭ ‬მაგრამ‭ `‬თი-ბი-სი‭~ ‬ბანკისა‭ ‬და‭ ‬სახელმწიფოს‭ ‬დავიდან‭ ‬ირკვევა,‭ ‬რომ‭ ‬ეს‭ ‬ორი‭ ‬სუბიექტის,‭ ‬ივანიშვილ-ხაზარაძის‭ ‬შორის‭ ‬ომია‭ ‬და‭ ‬ამ‭ ‬საქმეს‭ ‬ვენდეტის‭ ‬სუნი‭ ‬უდის...‭ ‬თქვენი‭ ‬ვერსია‭ ‬როგორია,‭ ‬რატომ‭ ‬ერჩის‭ ‬მილიარდერი‭ ‬ოლიგარქი‭ ‬ამ‭ ‬ფინანსურ‭ ‬დაჯგუფებას‭?

- იმიტომ‭ ‬კი‭ ‬არ‭ ‬ვთქვი‭ ‬დიდი‭ ‬ღალატია‭ ‬ივანიშვილის‭ ‬წინაშე-მეთქი,‭ ‬როგორც‭ ‬ადრე‭ ‬იცოდა‭ ‬თქმა‭ ‬რუსმა‭ ‬გლეხობამ‭ _ `‬მეფემ‭ ‬არ‭ ‬იცის,‭ ‬ჩვენ‭ ‬ასეთ‭ ‬დღეში‭ ‬რომ‭ ‬ვართ‭ ‬და‭ ‬მარტო‭ ‬ბოიარებმა‭ ‬იციანო‭~‬,‭ ‬არა,‭ ‬ბიძინამ‭ ‬იცის‭ ‬და‭ ‬ყველაფრის‭ ‬თავი‭ ‬და‭ ‬თავი‭ ‬იქიდან‭ ‬მოდის,‭ ‬მაგრამ‭ ‬არის‭ ‬მთელი‭ ‬რიგი‭ ‬მიმართულებები,‭ ‬რომელშიც‭ ‬უკვე‭ ‬მასაც‭ ‬კი‭ ‬ღალატობენ‭ ‬გუნდის‭ ‬წევრები,‭ ‬არა‭ ‬იმიტომ,‭ ‬რომ‭ ‬ბიძინა‭ ‬არ‭ ‬არის‭ ‬მთელი‭ ‬ამ‭ ‬ამბების‭ ‬უპირველესი‭ ‬კაცი,‭ ‬არამედ‭ ‬მეორე‭ ‬საქმეს‭ ‬ვაქცევ‭ ‬ყურადღებას,‭ _ ‬ღალატის‭ ‬იცით,‭ ‬რა‭ ‬პროცესი‭ ‬დადგა,‭ ‬როდესაც‭ ‬მონურ‭ ‬ურთიერთობას‭ ‬არის‭ ‬მიჩვეული‭ `‬ქართული‭ ‬ოცნება‭~‬.‭ ‬პირველი‭ ‬ეტაპი‭ ‬მონისა‭ ‬და‭ ‬ბატონის‭ ‬არის‭ ‬ასეთი,‭ ‬მონა‭ ‬ბატონზე‭ ‬დამოკიდებულია‭ ‬ძალაუფლების‭ ‬შიშის‭ ‬გამო‭ ‬და‭ ‬მისი‭ ‬სიმდიდრის‭ ‬გამო,‭ ‬ახლა‭ ‬შიში‭ ‬მოიშალა‭ ‬და‭ ‬დარჩა‭ ‬სიმდიდრე,‭ ‬მესამე‭ ‬ეტაპია‭ _ ‬ღალატი‭ ‬და‭ ‬ამ‭ ‬ეტაპს‭ ‬ვგულისხმობდი,‭ ‬თორემ‭ ‬რა‭ ‬თქმა‭ ‬უნდა,‭ ‬ყოველივე‭ ‬ამის‭ ‬უკან‭ ‬დგას‭ ‬ბიძინა‭ ‬ივანიშვილი,‭ ‬რომელმაც‭ ‬დაიწყო‭ ‬მეცენატობით‭ ‬და‭ ‬თუ‭ ‬ასე‭ ‬გააგრძელა,‭ ‬დაამთავრებს‭ ‬იმით,‭ ‬რომ‭ ‬ხალხი‭ ‬ქუჩაში‭ ‬გამოვა‭ ‬და‭ ‬მოითხოვს‭ ‬იმას,‭ ‬რაც‭ ‬მოსათხოვია.‭ `‬ქართულ‭ ‬ოცნებასა‭~ ‬და‭ ‬სახელმწიფოს‭ ‬აქვს‭ ‬ასეთი‭ ‬ოქროს‭ ‬ტერმინი,‭ ‬რომელიც‭ ‬აძლევს‭ ‬მათ‭ ‬ინდულგენციასაც‭ _ `‬რა‭ ‬მოხდა‭ ‬მერე‭~?! ‬დროშას‭ ‬ვერ‭ ‬დავკიდებთ‭ _ ‬რა‭ ‬მოხდა‭ ‬მერე,‭ ‬სახელმწიფო‭ ‬ინსტიტუტებს‭ ‬ვერ‭ ‬ვმართავთ‭ _ ‬რა‭ ‬მოხდა‭ ‬მერე‭? ‬კორუფცია‭ ‬არის‭ _ ‬რა‭ ‬მოხდა‭ ‬მერე‭? ‬მართლმსაჯულების‭ ‬სისტემა‭ ‬არ‭ ‬არის‭ _ ‬რა‭ ‬მოხდა‭ ‬მერე‭? ‬საარჩევნო‭ ‬კანონი‭ ‬არ‭ ‬არის‭ _ ‬რა‭ ‬მოხდა‭ ‬მერე‭? ‬ქვეყანას‭ ‬ვერ‭ ‬ვაერთიანებთ‭ _ ‬რა‭ ‬მოხდა‭ ‬მერე‭? ‬აი,‭ ‬რა‭ ‬მოხდა‭ _ ‬მოხდა‭ ‬ის,‭ ‬რომ‭ ‬სახელმწიფო‭ ‬ჩამოიშალა.‭ ‬სახელმწიფო‭ ‬არის‭ ‬ერთი,‭ ‬ჩვეულებრივი‭ ‬არასამთავრობო‭ ‬ორგანიზაციად‭ ‬ქცეული,‭ ‬რომელიც‭ ‬თვითდინებას‭ ‬მიჰყვება‭ ‬და‭ ‬თუ‭ ‬ეს‭ ‬ყველაფერი‭ ‬არ‭ ‬შეიცვალა‭ ‬მრავალპარტიული‭ ‬სისტემით,‭ ‬წარმოუდგენელი‭ ‬რამ‭ ‬მოხდება.‭ ‬ერთი‭ ‬ამერიკული‭ ‬სპორტის‭ ‬სახეობაა‭ `‬რესლინგი‭~‬,‭ ‬სადაც‭ ‬ერთმანეთს‭ ‬რინგზე‭ ‬ურტყამენ‭ ‬და‭ ‬სინამდვილეში‭ ‬დადგმული‭ ‬სპექტაკლია‭ ‬და‭ ‬ბრბოა‭ ‬გახარებული,‭ ‬მე‭ `‬ქართული‭ ‬ოცნებისა‭~ ‬და‭ `‬ნაცების‭~ ‬ურთიერთობას‭ ‬ამ‭ ‬ამერიკულ‭ `‬რესლინგს‭~ ‬ვადარებ...‭ ‬გახსოვთ,‭ ‬ალბათ,‭ ‬შიშვლები‭ ‬რომ‭ ‬დარბიან‭ ‬ქალები‭ ‬და‭ ‬კაცები,‭ ‬რინგზე‭ ‬თმებით‭ ‬რომ‭ ‬ითრევენ,‭ ‬რინგიდან‭ ‬გადმოათრევენ,‭ ‬წივილი‭ ‬და‭ ‬კივილია,‭ ‬მაყურებელი‭ ‬ბედნიერია,‭ ‬ყველამ‭ ‬იცის,‭ ‬რომ‭ ‬დადგმულია,‭ ‬მაგრამ‭ ‬მაინც‭ ‬ბედნიერია.‭ ‬ასე‭ ‬არიან‭ ‬ესენიც,‭ ‬ქართველმა‭ ‬საზოგადოებამ‭ ‬დაისვა‭ ‬თავზე‭ ‬ერთი‭ ‬ძალაც‭ ‬და‭ ‬მეორეც,‭ ‬ესენი‭ ‬კი‭ ‬გვეთამაშებიან.‭ ‬თუ‭ ‬ეს‭ ‬სისტემა‭ ‬არ‭ ‬შევცვალეთ,‭ ‬უარესობისკენ‭ ‬კი‭ ‬არა,‭ ‬არსაით‭ ‬მიმართულებისკენ‭ ‬წავალთ‭ ‬ჩვენ.‭ ‬აქედან‭ ‬გამომდინარე,‭ ‬ინსტიტუტები‭ ‬არ‭ ‬მუშაობს,‭ ‬სპეცსამსახურები‭ ‬და‭ ‬სამართალდამცავი‭ ‬ორგანოები‭ ‬არ‭ ‬ებრძვიან‭ ‬კორუფციას,‭ ‬არ‭ ‬ებრძვიან‭ ‬ხალხის‭ ‬ღლეტას‭ ‬და‭ ‬შედეგი‭ ‬არის‭ ‬აბსოლუტურად‭ ‬უმართავი‭ ‬და‭ ‬პრაქტიკულად‭ ‬ასე‭ ‬ვიტყვი‭ _ `‬ქართულ‭ ‬ოცნებაში‭~ ‬დღეს‭ ‬დაწყებულია‭ ‬ერთმანეთის‭ ‬ჩაძირვა‭ ‬და‭ ‬განადგურება.‭ ‬ვინ‭ ‬ვის‭ ‬შეჭამს‭ ‬და‭ ‬ვინ‭ ‬შეინარჩუნებს‭ ‬თავს,‭ ‬ვინ‭ ‬ჩაძირავს‭ ‬მეორეს‭ ‬და‭ ‬ვინ‭ ‬წამოყოფს‭ ‬თავს.‭ ‬რაც‭ ‬შეეხება‭ `‬თი-ბი-სი‭ ‬ბანკის‭~ ‬საქმეს,‭ ‬მამუკა‭ ‬ხაზარაძესა‭ ‬და‭ ‬ჯაფარიძესაც‭ ‬წლებია‭ ‬საკმაოდ‭ ‬ახლოს‭ ‬ვიცნობ,‭ ‬რა‭ ‬თქმა‭ ‬უნდა,‭ ‬გული‭ ‬დამწყდება,‭ ‬რომ‭ ‬პიროვნულად‭ ‬რაიმე‭ ‬წარმატებას‭ ‬ვერ‭ ‬მიაღწიონ,‭ ‬მაგრამ‭ ‬არ‭ ‬არის‭ ‬მამუკა‭ ‬ხაზარაძე‭ ‬ის‭ ‬კაცი,‭ ‬რომ‭ ‬პოლიტიკურ‭ ‬ბრძოლებში‭ ‬ჩაერთოს,‭ ‬მას‭ ‬საოცარი‭ ‬ნიჭი‭ ‬აქვს‭ ‬ხელისუფლებებთან‭ ‬ურთიერთობების‭ ‬დალაგების,‭ ‬შევარდნაძის‭ ‬ხელისუფლებიდან‭ ‬დაწყებული,‭ ‬ახლა‭ ‬რომ‭ ‬ამბობენ,‭ ‬ანაკლიის‭ ‬პორტის‭ ‬გამო‭ ‬ხდება‭ ‬ეს‭ ‬ყველაფერიო...‭ ‬რა,‭ ‬მე‭ ‬ვაჩუქე‭ ‬ანაკლიის‭ ‬პორტი‭ ‬და‭ ‬მე‭ ‬დავნიშნე‭ ‬იქ‭ ‬ის‭ ‬და‭ ‬მისი‭ ‬გუნდი‭?! ‬ბიძინა‭ ‬ივანიშვილმა‭ ‬არ‭ ‬მიიყვანა‭?! ‬არანაირი‭ ‬პოლიტიკური‭ ‬ინტერესი‭ ‬აქ‭ ‬არ‭ ‬არის,‭ ‬აქ‭ ‬არის‭ ‬ბიზნესინტერესი‭! ‬შეიძლება‭ ‬ივანიშვილმა‭ ‬აპატიოს‭ ‬ვინმეს‭ ‬ბიუჯეტიდან‭ ‬მოპარული‭ ‬ფულით‭ ‬სახლის‭ ‬აშენება,‭ ‬მაგრამ,‭ ‬როცა‭ ‬საერთო‭ ‬ბიზნესინტერესებზეა‭ ‬საუბარი,‭ ‬ის‭ ‬არავის‭ ‬არაფერს‭ ‬არ‭ ‬დაუთმობს‭! ‬ამის‭ ‬უამრავი‭ ‬მაგალითია...‭ ‬მე‭ ‬არ‭ ‬ვუსურვებ‭ ‬იგივე‭ ‬ხაზარაძეს‭ ‬ცუდს,‭ ‬მაგრამ‭ ‬საერთოდ‭ ‬ერთს‭ ‬ვიტყვი,‭ ‬დღევანდელი‭ ‬საქართველო‭ ‬მევახშეებისა‭ ‬და‭ ‬ბანკირების‭ ‬ხელშია.‭ ‬რაღაც‭ ‬არ‭ ‬მახსოვს,‭ ‬მათ‭ ‬პროცენტები‭ ‬დაეწიოთ‭ ‬ხალხისთვის,‭ ‬ბანკირებმა‭ ‬ხალხისგან‭ ‬დახმარება‭ ‬მოითხოვონ‭ ‬მაშინ,‭ ‬როცა‭ ‬ხალხზე‭ ‬ორიენტირებულები‭ ‬გახდებიან‭ ‬და‭ ‬პროცენტს‭ _ ‬30-დან‭ ‬3‭ ‬პროცენტამდე‭ ‬დაწევენ.‭ ‬ამიტომ‭ ‬ხალხოსნობას‭ ‬თავი‭ ‬დაანებონ‭ ‬და‭ ‬ქართველებმაც‭ ‬ვისწავლოთ‭ ‬პირდაპირ‭ ‬ლაპარაკი‭!‬..‭ ‬რაც‭ ‬შეეხება‭ ‬მამუკა‭ ‬ხაზარაძეს,‭ ‬მან‭ ‬უნდა‭ ‬გვითხრას‭ ‬რაშია‭ ‬საქმე‭ ‬და‭ ‬სახელი‭ ‬დაარქვას‭ ‬ყველაფერს.‭ ‬თუკი‭ ‬ექვსი‭ ‬თვის‭ ‬წინ‭ ‬რაიმე‭ ‬პროექტი‭ ‬იყო‭ ‬საქართველოში‭ ‬და‭ ‬ივანიშვილი‭ ‬მის‭ ‬ჯგუფს‭ ‬აბარებდა,‭ ‬რატომ‭ ‬აბარებდა‭? ‬ახლა‭ ‬მითხრას,‭ ‬რატომ‭ ‬აგდებს‭ ‬იქიდან‭ ‬და‭ ‬მერე‭ ‬გამოვიტან‭ ‬დასკვნას,‭ ‬მამუკა‭ ‬იჩაგრება‭ ‬და‭ ‬თუ‭ ‬სხვა‭ ‬იჩაგრება.

‭- ‬თქვენ‭ ‬რა‭ ‬ინფორმაციას‭ ‬ფლობთ‭?

- მე‭ ‬ყველაფერი‭ ‬ვიცი,‭ ‬ჩემი‭ ‬პროფესიონალიზმი‭ ‬და‭ ‬წესიერება‭ ‬მაძლევს‭ ‬იმის‭ ‬საშუალებას,‭ ‬კაცს‭ ‬რომ‭ ‬შევხედავ‭ ‬ზუსტად‭ ‬ვიცოდე,‭ ‬მის‭ ‬თავს‭ ‬რა‭ ‬ხდება.‭ ‬ამიტომ‭ ‬ვამბობ,‭ ‬გამოდი,‭ ‬დაჯექი‭ ‬ტელევიზორში‭ ‬და‭ ‬ილაპარაკე‭ ‬სიმართლე.‭ ‬უნდა‭ ‬ვთქვათ,‭ ‬ძაღლის‭ ‬თავი‭ ‬სად‭ ‬არის‭ ‬დამარხული,‭ ‬რომ‭ ‬მერე‭ ‬მე‭ ‬გამოვიტანო‭ ‬დასკვნა,‭ ‬მართალი‭ ‬ხარ,‭ ‬თუ‭ ‬მტყუანი‭!‬..‭ ‬ყველაზე‭ ‬მძიმე‭ ‬დანაშაული‭ ‬-‭ ‬ფულის‭ ‬გათეთრება‭ ‬რომ‭ ‬არ‭ ‬დაბრალდეს‭ ‬და‭ ‬თავი‭ ‬გადაირჩინოს,‭ ‬მან‭ ‬უნდა‭ ‬თქვას,‭ ‬ვინ‭ ‬რას‭ ‬სთხოვს‭ ‬და‭ ‬რატომ‭ ‬სთხოვს.‭ ‬კიდევ‭ ‬ერთხელ‭ ‬ვეკითხები‭ ‬ამ‭ ‬ჯგუფს,‭ ‬რა‭ ‬დიდი‭ ‬გამოცდილება‭ ‬გქონდათ‭ ‬თქვენ,‭ ‬რომ‭ ‬მიგიყვანეს‭ ‬და‭ ‬ჩაგაბარეს‭ ‬ყველაფერი,‭ ‬რაც‭ ‬ანაკლიის‭ ‬პორტს‭ ‬ეხება,‭ ‬რატომ‭ ‬მიხვედით‭ ‬იქ,‭ ‬ან‭ ‬რატომ‭ ‬გამოგყარეს‭ ‬იქიდან.‭ ‬არცერთი‭ ‬მხარე‭ ‬პასუხს‭ ‬არ‭ ‬გვეუბნება‭ ‬და‭ ‬ისევ‭ ‬ჩვენ‭ ‬გვადურაკებენ.‭ ‬არ‭ ‬არქმევენ‭ ‬სახელს,‭ ‬იმალებიან‭ ‬და‭ ‬თამაშობენ.‭ ‬ბოლოს,‭ ‬ვიღაცა‭ ‬რომ‭ ‬არ‭ ‬გაისტუმრონ‭ ‬ვირის‭ ‬აბანოში,‭ ‬მისატანს‭ ‬მიიტანენ,‭ ‬არც‭ ‬ომს‭ ‬დაიწყებს‭ ‬და‭ ‬ივანიშვილის‭ ‬ყოფილი‭ ‬გუნდის‭ ‬წევრები,‭ ‬როგორც‭ ‬აქამდე‭ ‬გატრუნულები‭ ‬იყვნენ,‭ ‬ასე‭ ‬გაჩუმდებიან‭ ‬რაღაცა‭ ‬დონემდე.‭ ‬ეს‭ ‬არის‭ ‬და‭ ‬ეს.‭ ‬საზოგადოებას‭ ‬ნუ‭ ‬გვაყენებენ‭ ‬შეურაცხყოფას,‭ ‬სულ‭ ‬სხვა‭ ‬მიზეზებია,‭ ‬სულ‭ ‬სხვა‭ ‬ამბები‭ ‬ტრიალებს‭ ‬იქ‭ ‬და‭ ‬თურმე‭ ‬შვეიცარიაში‭ ‬ვარ‭ ‬და‭ ‬როგორ‭ ‬მიადგნენ‭ ‬ბანკს‭?! ‬მიადგნენ‭ ‬იმიტომ,‭ ‬რომ‭ ‬წლების‭ ‬მანძილზე‭ ‬ერთად‭ ‬მშვენივრად‭ ‬თანამშრომლობდნენ,‭ ‬ბოლოს‭ ‬რაღაც‭ ‬ვერ‭ ‬გაიყვეს‭ ‬და‭ ‬ამით‭ ‬დავამთავროთ‭ ‬საქმე.‭ ‬თუ‭ ‬ბიძინა‭ ‬ივანიშვილი‭ ‬ცუდი‭ ‬იყო,‭ ‬რატომ‭ ‬თანამშრომლობდა‭ ''თიბისი‭ ‬ბანკი‭''? ‬შვეიცარიაში,‭ ‬ნიუ-იორკში,‭ ‬მანჰეტენზე‭ ‬და‭ ‬ლონდონ-სიტიზე,‭ ‬ინგლისის‭ ‬ბირჟაზე‭ ‬რა‭ ‬პროცენტია,‭ ‬ეგენი‭ ‬მასწავლიან‭? ‬ზეპირად‭ ‬ვიცი‭! ‬მილიონერი‭ ‬არა‭ ‬ვარ‭ ‬და‭ ‬ფული‭ ‬არ‭ ‬მაქვს,‭ ‬თორემ‭ ‬იქ‭ ‬რა‭ ‬ხდება,‭ ‬კი‭ ‬ვიცი.‭ ‬ნუ‭ ‬გვატყუებენ‭! ‬კიდევ‭ ‬ერთხელ‭ ‬ვურჩევ‭ ‬მამუკას,‭ ‬რომ‭ ‬დაარქვას‭ ‬სახელი‭ ‬ავადმყოფობას‭ ‬და‭ ‬მაშინ‭ ‬გავარჩევთ‭ ‬ჩვენ‭ ‬თეთრს‭ ‬და‭ ‬შავს,‭ ‬თუ‭ ‬საჭირო‭ ‬იქნება,‭ ‬გვერდითაც‭ ‬დავუდგებით,‭ ‬ისე‭ ‬კი‭ ‬არ‭ ‬ჩავერევით‭ ‬ამ‭ ‬საქმეში.‭ ‬არ‭ ‬ვარ‭ ‬მართალი‭?!

- ამას‭ ‬აღარც‭ ‬სჭირდება‭ ‬კითხვის‭ ‬ნიშნები,‭ ‬მაგრამ‭ ‬მაინტერესებს‭ ‬თქვენი‭ ‬შეფასება,‭ ‬რა‭ ‬ხდება‭ ''ქართული‭ ‬ოცნების‭'' ‬გუნდში,‭ ‬ფაქტობრივად,‭ ‬გუნდი‭ ‬აღარ‭ ‬არის,‭ ‬დაშლის‭ ‬პირასაა.‭ ‬ჩვენ‭ ‬ვხედავთ‭ ‬კრიზისს‭ ‬არა‭ ‬მარტო‭ ‬საპარლამენტო‭ ‬გუნდში,‭ ‬არამედ‭ ‬აღმასრულებელი‭ ‬ხელისუფლებაც‭ ‬როგორ‭ ‬ჩაფლავდა,‭ ‬თვალსაჩინოა,‭ ‬თუნდაც‭ ‬განათლების‭ ‬მინისტრის‭ ‬მოსმენა‭ ‬იყო‭ ‬სამარცხვინო,‭ ‬5‭ ‬წუთში‭ ‬ოპოზიციამ‭ ‬გაანადგურა‭ ‬და‭ ‬მიწაზე‭ ‬დასცა,‭ ‬ის‭ ‬ამხილეს‭ ‬უდიდეს‭ ‬დანაშაულში‭ _ ‬ზუგდიდის‭ ‬სკოლის‭ ‬დირექტორის‭ ‬გარდაცვალების‭ ‬გარემოებების‭ ‬შექმნაში...

‭- ‬მოდით‭ ‬ვთქვათ,‭ ''ქართული‭ ‬ოცნების‭'' ‬დღევანდელი‭ ‬სახე‭ ‬რა‭ ‬არის,‭ ‬გვყავდ ა‭''‬მისის‭ ‬შეტყვნა‭ ‬შტაბ-კვარწირა‭''‬,‭ ‬სალომე‭ ‬ზურაბიშვილის‭ ‬სახით.‭ ‬ახლა‭ ‬დაემატა‭ ''მისტერ‭ ‬შეცემა'' ‬განათლების‭ ‬მინისტრი.‭ ‬დიდი‭ ‬ბოდიში,‭ ‬მაგრამ‭ ‬მისი‭ ‬სიტყვებია,‭ ‬ჩემი‭ ‬სიტყვები‭ ‬არაა.‭ ‬ეს‭ ‬არის‭ ''ქართული‭ ‬ოცნების‭'' ‬თანამდებობის‭ ‬პირების‭ ‬რეალური‭ ‬სახე.‭ ‬რაც‭ ‬შეეხება‭ ‬განათლების‭ ‬მინისტრს‭ ''მისტერ‭ ‬შეცემას‭''‬,‭ ‬საქართველო‭ ‬პატარა‭ ‬ქვეყანაა‭ ‬და‭ ‬ჩვენ‭ ‬კონკურენციას‭ ‬სხვა‭ ‬ქვეყნებს‭ ‬ვერ‭ ‬გავუწევთ‭ ‬ვერც‭ ‬შეიარაღებით,‭ ‬ვერც‭ ‬ატომური‭ ‬იარაღით,‭ ‬ვერც‭ ‬წყალქვეშა‭ ‬ნავებით,‭ ‬ჩვენ‭ ‬შეგვიძლია‭ ‬კონკურენცია‭ ‬გავუწიოთ‭ ‬ახალი‭ ‬და‭ ‬ძლიერი‭ ‬სპეციალისტებით,‭ ‬განათლებული‭ ‬ხალხით,‭ ‬კვლევებით,‭ ‬ინტელექტით‭ ‬და‭ ‬როდესაც‭ ‬განათლების‭ ‬სისტემას‭ ‬წლებია‭ ‬ოჩო-პლეადა‭ ‬ჰყავს‭ ‬ტარაკუწა‭ ‬განათლების‭ ‬მინისტრების,‭ ‬ეს‭ ‬სირცხვილია.‭ ‬ერთი‭ ‬იყო‭ ‬და‭ ‬სკოლებში‭ ''ოპრიჩნიკები‭'' ჩააყენა,‭ ‬მეორე‭ ‬იყო‭ ‬და‭ ‬ზნეობაზე‭ ‬უარი‭ ‬თქვა‭ ‬და‭ ‬სექსუალურ‭ ‬განათლებაზე‭ ‬აიღო‭ ‬გარანტია,‭ ‬მესამე‭ ‬იყო‭ ‬კომბლეობით‭ ‬დაიწყო‭ ‬და‭ ‬თითო-თითო‭ ‬ვაშლის‭ ‬დარიგებით‭ ‬დაამთავრა,‭ ‬მეოთხემ‭ ‬შეცემით‭ ‬შეგვახსენა‭ ‬თავი‭ ‬და‭ ‬სტუმარმასპინძლობის‭ ‬რაღაც‭ ‬გაუგებარ‭ ‬ინსტიტუტებს‭ ‬ქმნის.‭ ‬ეს‭ ‬არის‭ ‬სირცხვილი‭! ‬ამ‭ ‬ციტატებს‭ ‬იმიტომ‭ ‬კი‭ ‬არ‭ ‬ვამბობ,‭ ‬რომ‭ ‬მეხალისება,‭ ‬საზოგადოებას‭ ‬ვახსენებთ,‭ ‬ვინ‭ ‬არის‭ ‬დღეს‭ ‬ხელისუფლებაში.‭ ‬შეიძლება‭ ‬ეს‭ ‬ციტატები‭ ‬ერთხელ‭ ‬წამოგცდეს,‭ ‬ორჯერ‭ ‬წამოგცდეს,‭ ‬მაგრამ‭ ‬ამდენი‭ ‬შეუსაბამობა‭ ‬თანამდებობასა‭ ‬და‭ ‬პროფესიასთან,‭ ‬იტლიკინო‭ ‬კვირების‭ ‬განმავლობაში,‭ ‬ნიშნავს‭ ‬იმას,‭ ‬რომ‭ ‬ჩვენ‭ ‬გვყავს‭ ‬ჩვენივე‭ ‬ხელფასით‭ ‬მოყვანილი‭ ‬ისეთი‭ ‬სალახანა,‭ ‬ვიგინდარა,‭ ‬არაფრისმაქნისი,‭ ‬ჩლუნგი‭ ‬მაღალი‭ ‬რანგის‭ ‬თანამდებობის‭ ‬მინისტრები,‭ ‬რომლებსაც‭ ‬კი‭ ‬არ‭ ‬წამოსცდებათ,‭ ‬მათი‭ ‬აზრებია‭ ‬ასეთი,‭ ‬ასე‭ ‬აზროვნებენ‭ ‬და‭ ‬რა‭ ‬უნდა‭ ‬მოსთხოვო,‭ ‬მას‭ ‬ეს‭ ‬ოჩოპინტრე,‭ ‬ეს‭ ‬გაჭირვებული,‭ ‬ვინმე,‭ ‬გვარიც‭ ‬არ‭ ‬ვიცი,‭ ‬რომ‭ ‬ჰქვია‭ ‬განათლების‭ ‬მინისტრი,‭ ‬ბატიაშვილი,‭ ‬ბატისტვინა‭ ‬ბატიაშვილი,‭ ‬ასე‭ ‬დავარქვათ‭  ''მისტერ‭ ‬შეცემა‭''  ‬რას‭ ‬ხელმძღვანელობს,‭ ‬თანაც‭ ‬განათლების‭ ‬სამინისტრო‭ ‬უფრო‭ ‬მნიშვნელოვანია‭ ‬დღეს‭ ‬საქართველოსთვის,‭ ‬ვიდრე‭ ‬სუს-ი,‭ ‬ვიდრე‭ ‬შს‭ ‬სამინისტრო‭ ‬და‭ ‬თავდაცვის‭ ‬სამინისტრო‭ ‬ერთად‭ ‬აღებული,‭ ‬თაობების‭ ‬აღზრდა,‭ ‬ერის‭ ‬გაჯანსაღება,‭ ‬ერის‭ ‬კულტუროლოგიური‭ ‬ასპექტებით‭ ‬აღჭურვა‭ ‬მას‭ ‬ევალება:‭ ‬განათლება,‭ ‬მეცნიერება-კვლევა,‭ ‬სწავლა,‭ ‬სამეცნიერო‭ ‬მოღვაწეობა,‭ ‬მასობრივი‭ ‬სპორტი,‭ ‬ახალგაზრდობა‭ _ ‬მეტი‭ ‬რა‭ ‬არის‭ ‬ერის‭ ‬გამყარება‭ ‬და‭ ‬ქვეყნის‭ ‬სიძლიერე‭?! ‬ამ‭ `‬მისტერ‭ ‬შეცემას'' რომ‭ ‬ჩააბარებ‭ ‬ამას,‭ ‬როგორ‭ ‬შეიძლება‭ ‬იმ‭ ‬გუნდზე‭ ‬თქვა,‭ ‬რომ‭ ‬ეს‭ ‬გუნდია.‭ ‬ესენი‭ ‬არიან‭ ‬საშოვარზე‭ ‬შეკრებილი‭ ‬ერთ‭ ‬მილიარდერ‭ ‬კაცს‭ ‬აკიდებული‭ ‬ადამიანები,‭ ‬რომლებიც‭ ‬მასაც‭ ‬ღალატობენ,‭ ‬ქვეყანასაც‭ ‬ღალატობენ‭ ‬თავისი‭ ‬გამდიდრების‭ ‬მიზნით,‭ ‬მეტი‭ ‬არაფერი‭ ‬არ‭ ‬ხდება‭! ‬თქვენ‭ ‬კოლეგებს‭ ‬უყვართ‭ ‬თქმა‭ _ `‬ძველი‭ ‬გვარდია‭''‬,‭ ''ახალი‭ ‬გვარდია‭''‬,‭ ‬რეფორმები...‭ ‬რის‭ ‬გვარდია,‭ ‬რის‭ ‬პრეტორიანელები,‭ ‬ან‭ ‬რა‭ ‬იციან‭ ‬გვარდიის‭ ‬ისტორია,‭ ‬ან‭ ‬რა‭ ‬წაუკითხავთ,‭ ‬ერთი‭ ‬გუნდია,‭ ‬რომელიც‭ ‬ვერ‭ ‬გაძღა‭!‬..‭ ‬ახლა‭ ‬გამოჩნდა‭ ‬რაღაცა‭ ‬მიმართულება,‭ ‬კულულებიანი‭ ‬ორფეოსი,‭ ‬ჩვენი‭ ‬პარლამენტის‭ ‬თავმჯდომარე‭ ‬გიტარით‭ ‬ხელში‭ ‬რომ‭ ‬დგას‭ ‬ხოლმე,‭ ‬ის‭ ‬უძღვება‭ ‬და‭ ‬იმან‭ ‬გაიმარჯვა‭ ‬იმ‭ ‬გუნდში‭ ‬და‭ ‬თავისკენ‭ ‬გადაზიდა,‭ ‬დანიშვნების,‭ ‬ფინანსური‭ ‬პროექტების,‭ ‬რაღაც-რაღაცების‭ ‬მიმართულება‭ ‬და‭ ‬მეორე‭ ‬გუნდი‭ ‬დარჩა‭ ‬ცოტა‭ ‬შელახული‭ ‬თავმოყვარეობით‭ ‬და‭ ‬ახლა‭ ‬ვითომ‭ ‬ისინი‭ ‬აბუნტდნენ.‭ ‬ახლა‭ ‬იმათ‭ ‬გააძღებენ‭ ‬და‭ ‬ისინი‭ ‬ამოიღებენ‭ ‬ხმას,‭ ‬ყველა‭ ‬ჩაძირული‭ ‬გემიდან,‭ ‬ვირთხებივით,‭ ‬გასასვლელ‭ ‬გზას‭ ‬ეძებს.‭ ‬მარტივად‭ ‬რომ‭ ‬ვთქვათ,‭ ‬ეს‭ ‬არის‭ ‬ალფა‭ ‬და‭ ‬ომეგა,‭ ‬ჭაობში‭ ‬მდგარი‭ ‬დღევანდელი‭ ‬ქართული‭ ‬პროვინციული‭ ‬პოლიტიკის.‭

- ტრაგიკომიკური‭ ‬სიტუაციაა.‭ ‬მაინტერესებს,‭ ‬რას‭ ‬ფიქრობთ,‭ ‬უცხოეთში‭ ‬ქართველ‭ ‬ემიგრანტებთან‭ ‬სააკაშვილის‭ ‬ვოიაჟებზე‭? ‬არ‭ ‬შემიძლია‭ ‬არ‭ ‬გკითხოთ‭ ‬გუბაზ‭ ‬სანიკიძეზე,‭ ‬რომელიც‭ ‬არის‭ ‬თქვენი‭ ‬პარტიის‭ ‬წევრი.‭ ‬ეთანხმებით‭ ‬თუ‭ ‬არა‭ ‬მის‭ ‬განცხადებებს‭ ‬სააკაშვილთან‭ ‬მიმართებაში.‭ ‬ფაქტობრივად,‭ ‬ითხოვს‭ ‬სააკაშვილისთვის‭ ‬მოქალაქეობის‭ ‬დაბრუნებას,‭ ‬მიხეილ‭ ‬სააკაშვილიც‭ ‬კი‭ ‬გაოგნებულია‭ ‬გუბაზ‭ ‬სანიკიძის‭ ‬ამხელა‭ ‬მხარდაჭერით...‭ ‬სანიკიძე‭ ‬პარტიის‭ ‬პოზიციას‭ ‬გამოხატავს‭?

- სააკაშვილის‭ ‬სიტყვების‭ ‬არ‭ ‬შეიძლება‭ ‬დაიჯერო,‭ ‬მოსიარულე‭ ‬მატყუარაა‭ ‬და‭ ‬მის‭ ‬სიტყვაზე‭ ‬როგორ‭ ‬შეიძლება‭ ‬კაცმა‭ ‬კომენტარი‭ ‬გააკეთოს.‭ ‬რაც‭ ‬შეეხება‭ ‬გუბაზ‭ ‬სანიკიძეს,‭ ‬დიდი‭ ‬ხანია‭ ‬გუბაზს‭ ‬არ‭ ‬შევხვედრივარ,‭ ‬მაგრამ‭ ‬ვიცი,‭ ‬რომ‭ ‬თვითონ‭ ‬უარყო,‭ ‬არ‭ ‬ყოფილა‭ ‬ჰოლანდიაში‭ ‬და‭ ‬არ‭ ‬შეხვედრია‭ ‬სააკაშვილს,‭ ‬მას‭ ‬განზოგადებული‭ ‬პოზიცია‭ ‬ჰქონდა‭ ‬ამ‭ ‬საკითხთან‭ ‬დაკავშირებით,‭ ‬თუ‭ ‬საჭირო‭ ‬გახდა‭ ‬ყველასთან‭ ‬შეიძლება‭ ‬საუბარიო,‭ ‬მაგრამ‭ ‬ამაზე‭ ‬რომ‭ ‬ყოფილიყო‭ ‬პარტიაში‭ ‬სერიოზული‭ ‬მსჯელობა,‭ ‬ასე‭ ‬არ‭ ‬ყოფილა.‭ ‬ალბათ,‭ ‬შევხვდები‭ ‬და‭ ‬უფრო‭ ‬კონკრეტულად‭ ‬გავერკვევი‭ ‬მე‭ ‬თვითონ,‭ ‬ალბათ,‭ ‬იტყვის,‭ ‬რას‭ ‬გულისხმობდა.‭ ‬მე‭ ‬მგონი,‭ ‬ამასთან‭ ‬დაკავშირებით‭ ‬მან‭ ‬უკვე‭ ‬გააკეთა‭ ‬განმარტება.‭

- შეიძლება,‭ ‬რომ‭ ‬ერთ‭ ‬მაგიდასთან‭ ‬დასხდნენ‭ ‬ნინო‭ ‬ბურჯანაძე‭ ‬და‭ ‬სააკაშვილი‭?

_ გამორიცხულია,‭ ‬იმ‭ ‬სისხლისმსმელებთან‭ ‬ერთად‭ ‬დაჯდომა.‭ ‬ეს‭ ‬21‭ ‬პარტია‭ ‬ხელს‭ ‬რომ‭ ‬აწერს‭ ‬მოთხოვნას‭ ‬მაჟორიტარული‭ ‬სისტემის‭ ‬გაუქმების‭ ‬შესახებ,‭ ‬იქ‭ ‬ჩვენი‭ ‬წარმომადგენელიცაა,‭ ''ნაცებისაც‭'' ‬და‭ '`‬ევრონაცების‭'' ‬წარმომადგენლებიც‭ ‬არიან‭ ‬დანარჩენ‭ ‬19-თან‭ ‬ერთად,‭ ‬მაგრამ‭ ‬ის,‭ ‬რომ‭ ‬ჩვენი‭ ‬პოლიტიკური‭ ‬ძალა‭ ‬და‭ ''‬ნაცმოძრაობა‭'' ‬ერთად‭ ‬დასხდნენ‭ ‬და‭ ‬რაღაცა‭ ‬მოიმოქმედონ,‭ ‬რა‭ ‬თქმა‭ ‬უნდა,‭ ‬ეს‭ ‬გამორიცხულია,‭ ‬რაც‭ ‬არ‭ ‬უნდა‭ ‬განცხადება‭ ‬გაკეთდეს.

‭- ‬გამოკვეთილია‭ ‬ორი‭ ‬პოლიტიკური‭ ‬ვექტორი,‭ ‬ორი‭ ‬მოთამაშე‭ _ ‬ივანიშვილი‭ ‬და‭ ‬სააკაშვილი,‭ ‬ჩვენ‭ ‬ვერ‭ ‬ვხედავთ‭ ‬მესამე‭ ‬ძალას.

‭- ‬ივანიშვილს‭ ‬სააკაშვილი‭ ‬ხმების‭ ‬მოსაზიდად‭ ‬სჭირდება,‭ ‬სულხან-საბას‭ ‬არაკის‭ ‬არ‭ ‬იყოს,‭ ‬სააკაშვილი‭ ‬სჭირდება,‭ ‬როგორც‭ ‬მაოხრებელი.‭ ‬ლიეჟში‭ ‬ხომ‭ ‬ვნახეთ,‭ ‬რა‭ ‬ხდებოდა,‭ ‬50‭ ‬კაცი‭ ‬მივიდა,‭ ‬დარბაზი‭ ‬იყო‭ ‬ცარიელი‭ ‬და‭ ‬იმდენად‭ ‬ცარიელი,‭ ‬რომ‭ ‬დროშა‭ ‬გადააფარეს‭ ‬ცარიელ‭ ‬სკამებს‭ ‬და‭ ‬ვინც‭ ‬განსხვავებული‭ ‬აზრის‭ ‬იყო,‭ ‬ყველა‭ ‬გამოყარეს‭ ‬იქიდან.‭ ‬თემურ‭ ‬შაშიაშვილი‭ ‬რომ‭ ‬ტიტუშკა‭ ‬არაა,‭ ‬ხომ‭ ‬ყველამ‭ ‬ვიცით,‭ ‬მაგრამ‭ ''‬ნაცმოძრაობას‭'' ‬ისევ‭ ‬ის‭ ‬სექტანტური‭ ‬ხელწერა‭ ‬აქვს,‭ ‬რომელსაც‭ ‬ვერ‭ ‬შეიცვლის.‭ ‬მაგათ‭ ‬ძალაუფლება‭ ‬რომ‭ ‬მიეცეთ,‭ ‬წარმოგიდგენიათ,‭ ‬რას‭ ‬იზამენ‭?! ‬რამდენი‭ ‬წელი‭ ‬გავიდა,‭ ‬მეტ-ნაკლებად‭ ‬ოფიციალურად‭ ‬მაგათ‭ ‬წაშავებამდე,‭ ‬მაგრამ‭ ‬ფინანსური‭ ‬მდგომარეობაც‭ ‬ისევ‭ ‬აქვთ‭ ‬და‭ ‬პარლამენტშიც‭ ‬სხედან.‭ ‬სექტანტიზმის‭ ‬პოსტულატში‭ ‬არის‭ ‬პუნქტები,‭ ‬როგორ‭ ‬უნდა‭ ‬იქცეოდეს‭ ‬სექტანტი‭ _ ‬რაც‭ ‬არ‭ ‬უნდა‭ ‬ჩაიდინო,‭ ‬კაციც‭ ‬რომ‭ ‬მოკლა,‭ ‬ან‭ ‬შემოგაკვდეს,‭ ‬არასოდეს,‭ ‬არცერთ‭ ‬შემთხვევაში‭ ‬ბოდიში‭ ‬არ‭ ‬უნდა‭ ‬მოიხადო,‭ ‬ყველაფერი‭ ‬უნდა‭ ‬თქვა,‭ ‬ბოდიშის‭ ‬გარდა.‭ `‬შეგვეშალა,‭ ‬ხარვეზები‭ ‬გვქონდაო‭,‭ _ ‬თქვენი‭ ‬დედა‭ ‬და‭ ‬მამა‭!‬..‭ ‬მრავალი‭ ‬წერტილი,‭ ‬ჩემგან‭!‬..‭ ‬ოჯახები‭ ‬და‭ ‬ქვეყანა‭ ‬გაანადგურეთ‭ ‬და‭ ‬ხარვეზები‭ ‬გქონდათ‭?! ‬მოდით,‭ ‬გადაგივლით,‭ ‬გამოვალ‭ ‬და‭ ‬ვიტყვი‭ ‬ხარვეზი‭ ‬მქონდა.‭ ‬ბოდიში‭ ‬არ‭ ‬მოუხდიათ‭ ‬და‭ ‬ამიტომ,‭ ‬არ‭ ‬შეიძლება‭ ''ნაცმოძრაობას‭''‬ენდო‭ ‬და‭ ‬ამიტომაცაა,‭ ‬რომ‭ ‬ვიღაც-ვიღაცები‭ ‬ჯერ‭ ‬კიდევ‭ ‬რომ‭ ‬არიან‭ ''ქართულ‭ ‬ოცნებაში‭''‬,‭ ‬სანამ‭ ''ოცნების'' ‬წევრები‭ ‬გახდებოდნენ,‭ ‬ვმეგობრობდი‭ ‬მათთან‭ ‬და‭ ‬რომ‭ ‬ვხვდებით‭ ‬ერთმანეთს,‭ ‬ხანდახან‭ ‬მსაყვედურობენ,‭ ‬თავზე‭ ‬გვივლი‭ ‬და‭ ‬ნუ‭ ‬გვიშვებიო...‭ ‬აქეთ‭ ‬ვეუბნები‭ _ ‬თქვენ‭ ‬აღარა‭ ‬ხართ‭ ''ქართული‭ ‬ოცნება‭'',‭ ‬თქვენ‭ ‬ხართ‭ ‬ისინი,‭ ‬ვინც‭ ‬გვინდოდა,‭ ‬რომ‭ ‬2012‭ ‬წელს‭ ‬გაგვეყარა‭! ‬მუხლებზე‭ ‬უნდა‭ ‬დაემხოთ‭ ‬და‭ ‬ბოდიშს‭ ‬გვიხდიდეთ,‭ ‬ასეთი‭ ‬რამე‭ ‬რომ‭ ‬დაგემართათ,‭ ‬მადლობა‭ ‬თქვით,‭ ‬ცემა-ცემით‭ ‬და‭ ‬კეტებით‭ ‬არ‭ ‬გყრით‭ ‬კაბინეტიდან.‭ ‬ახლა‭ ‬ნახეთ,‭ ‬როგორ‭ ‬არიან‭ ‬გაზულუქებულები‭ _ ‬მომეცი‭ ‬უფლება‭ ‬პარვის,‭ ‬მომეცი‭ ‬უფლება‭ ‬ტენდერების,‭ ‬მომეცი‭ ‬უფლება,‭ ‬გავხდე‭ ‬მილიონერი,‭ ‬გაგაღარიბო,‭ ‬გაგაღატაკო,‭ ‬მშიერი‭ ‬იყო,‭ ‬მაგრამ‭ ‬არ‭ ‬გამაკრიტიკოო,‭ ‬გეუბნება...‭ ‬ქართველი‭ ‬თუ‭ ‬გათავხედდა,‭ ‬სანამ‭ ‬თავში‭ ‬კეტს‭ ‬არ‭ ‬მოარტყამ,‭ ‬ვერ‭ ‬მიხვდება.‭ ‬რომ‭ ‬მოარტყამ‭ ‬კეტს,‭ ‬მერე‭ ‬ხდება‭ ‬მშიშარა‭ ‬და‭ ‬დამთმობი,‭ ‬გვინახავს‭ ‬ასეთები,‭ ‬არც‭ ‬ისეთი‭ ‬გმირები‭ ‬ვართ,‭ ‬როგორც‭ ‬მოგვაქვს‭ ‬თავი,‭ ‬რა‭ ‬თქმა‭ ‬უნდა,‭ ‬ყველას‭ ‬არ‭ ‬ვგულისხმობ.‭



ნინო‭ ‬სამხარაძე
FaceBook Twitter Google