ინტერვიუები
"მარიხუანის შემდეგ "ოცნება" ერთნაირსქესიანთა ქორწინების დაკანონებას აპირებს
11:07 / 20.09.2018
"მარიხუანის შემდეგ "ოცნება" ერთნაირსქესიანთა ქორწინების დაკანონებას აპირებს


გიგლა ბარამიძე: ''ციანიდის საქმეს ისე უნდა დაესუსტებინა ეკლესია, რომ ხალხი ქუჩაში ვერ გამოეყვანა''
რატომ დაუწყო ''ოცნებამ'' ეკლესიას ბრძოლა, რა ვერ გაითვალისწინა მმართველმა გუნდმა, აქვს თუ არა ეკლესიას საერო საქმეებში ჩარევის უფლება, რა გეგმით მოქმედებს ივანიშვილი და რატომ არ უნდა მოდუნდეს ხალხი? _ ამ თემებზე ''ახალ თაობას' ყოფილი პოლიტდევნილი გიგლა ბარამიძე ესაუბრება.
- ერთი კვირის წინ, თქვენ ჩვენთან ინტერვიუში ისაუბრეთ, რომ ''ოცნება'' ეკლესიის გასახლეჩად სხვადასხვა სცენარებს ამუშავებდა. ციანიდის საქმეს თავიდანვე ეკლესიის წინააღმდეგ დაგეგმილი სპეცოპერაცია უწოდეთ. ''ოცნების'' საპრეზიდენტო კანდიდატი ამ დღეებში ღიად დაუპირისპირდა ეკლესიას და განაცხადა, რომ სასულიერო პირები იმ საქმეში ერევიან, რაც მათი საქმე არ არის. ბევრმა ეს ხელისუფლების მხრიდან ეკლესიასთან დაპირისპირების დაწყებად მიიჩნია, თქვენ რას ფიქრობთ?
- წინა ინტერვიუებში არაერთხელ მისაუბრია იმაზე, რომ ''ოცნებამ'' ციანიდის საქმის სახით ქართული ეკლესიის წინააღმდეგ სპეცოპერაცია მოაწყო. ეკლესიის წინააღმდეგ ბრძოლის გამოცხადება იყო, როცა ანტიდისკრიმინაციული კანონი მიიღეს.
ეკლესიის და საპატრიარქოს წინააღმდეგ ბრძოლა ხელისუფლებაში მოსვლისთანავე დაიწყო ''ოცნებამ'', მაგრამ ამას ჩუმად და ნელა ახორციელებდა. მას შემდეგ, რაც ეკლესიამ მარიხუანის წარმოების დაწყებასთან დაკავშირებით მკვეთრად უარყოფითი პოზიცია დააფიქსირა, ''ოცნება'' ღია ბრძოლაზე გადავიდა.
- რატომ უნდა გამოეცხადებინა ''ოცნებას'' ეკლესიისთვის ბრძოლა? სასულიერო პირების დიდი ნაწილი 2012 წელს მის მხარეზე იყო.
- 2012 წელს სასულიერო პირებს ''ოცნების'' მხარე არ დაუჭერიათ. მაშინ ისინი ნაციონალების რეჟიმის დასრულებას უჭერდნენ მხარს. ხელისუფლებაში ნაციონალების დარჩენა ქვეყანას დაღუპავდა, ამიტომაც დაიკავა ეკლესიამ მაშინ პრინციპული პოზიცია. ქვეყანა დაღუპვისკენ მიჰყავს ''ოცნებასაც'' და ახლაც პრინციპულ პოზიციაზე დადგა ეკლესია. საგანგებო განცხადებაში საპატრიარქომ მკაფიოდ თქვა, რომ ისინი არ დაუშვებენ საქართველოში მარიხუანის წარმოების დაწყებას.
როგორც ჩანს, მარიხუანის პლანტაციების გაშენება ადრევე იყო ჩაფიქრებული. ''ოცნების'' ლიდერებმა კარგად იცოდნენ, რომ ეკლესია ამას დაუპირისპირდებოდა და ამიტომაც დაუწყეს ამ მნიშვნელოვან ინსტიტუტს ბრძოლა. ციანიდის საქმეს ეკლესიის და საპატრიარქოს პოზიციები უნდა შეერყია. იმ დონეზე უნდა შეერყია, რომ როდესაც თავიანთი ბინძური საქმეების კეთებას დაიწყებდნენ, სასულიერო პირებს ხალხი გარეთ ვერ გამოეყვანათ.
- ციანიდის საქმემ ეკლესიის ავტორიტეტს დიდი ზიანი მიაყენა. შეძლებს ეკლესია ხალხის გამოყვანას ქუჩაში, თუ ''ოცნება'' მარიხუანის პლანტაციების გაშენების იდეას უკან არ წაიღებს?
- ამ საკითხზე ეკლესიას ყველა გვერდით დაუდგება და ასეულობით ათასი ადამიანი გამოვა ქუჩაში. დაიმახსოვრეთ, მარიხუანის პლანტაციების გაშენება თუ გაუვიდათ, შემდეგი საკითხი ერთნაირსქესიანთა ქორწინების დაკანონება იქნება. დარწმუნებული ვარ, სათანადო კანონპროექტი უკვე მომზადებული ექნებათ.
ეს რომ ასე არ ყოფილიყო, ''ოცნების'' მიერ არჩეული სახალხო დამცველი ასეთი ქორწინების დაკანონების აუცილებლობაზე არ ისაუბრებდა. აქამდე ამ თემაზე ხმამაღლა არავის უსაუბრია.
ეკლესიის წინააღმდეგ ბევრი სცენარი ჰქონდათ მოფიქრებული, მაგრამ ერთი და მთავარი - უფალი დაავიწყდათ. უფალმა ქართული ეკლესიის გახლეჩა არ დაუშვა. მარიხუანის თემამ და მმართველი პარტიის საპრეზიდენტო კანდიდატის უტიფარმა განცხადებებმა, რომ 2008 წელს ომი საქართველომ დაიწყო, ერთმანეთთან დაპირისპირებული მეუფეებიც კი ერთ პოზიციაზე დააყენა.
ეკლესიამ და საზოგადოებამ რომ ასეთი პრინციპული პოზიცია დაიკავა ამ საკითხზე, ძალიან კარგია, მაგრამ საბოლოო გამარჯვება თუ გვინდა, ბრძოლა უნდა გავაგრძელოთ და არ მოვდუნდეთ.
ბიძინა ივანიშვილს მართვის თავისებური სტილი აქვს. იმ საკითხს, რისი გატანაც უნდა, მოულოდნელად გამოაგდებს. ატყდება ამაზე დიდი ამბავი, მომხრეები და მოწინააღმდეგეები ერთმანეთს დაჭამენ, ხალხი ორთქლს გამოუშვებს და მერე ამ თემას სადღაც მიჩქმალავენ. ცოტა ხანში, როცა ხალხი მოდუნდება, ამ საკითხს მიიღებენ. ასე მოხდა, როდესაც საკონსტიტუციომ მარიხუანის ლეგალიზება მოახდინა. ხალხი ამაზე ძალიან ღელავდა და როგორც კი მოდუნდნენ, გადაწყვეტილება მიიღეს. ასე იქნება ახლაც. და ეს თუ გაუვიდათ, შემდეგი კანონი, რასაც შემოიტანენ, ერთნაირსქესიანთა ქორწინების დაკანონება იქნება.
პოლიტიკურ-სოვდაგრულ-ვაჭრული გაერთიანება ''ქართული ოცნება'' გადაიქცა ქართველი ერის მტრად. ეკლესია რომ არ დამუქრებოდა, მარიხუანის წარმოების შესახებ კანონის განხილვას თუ დაიწყებთ, 100.000 კაცს გამოვიყვანთ ქუჩაშიო, ეს კანონი პირველი მოსმენით მიღებული იქნებოდა უკვე.
- მარიხუანის თემაზე ეკლესიას მართლაც უნდა დაეფიქსირებინა თავისი პოზიცია, მაგრამ რამდენად გამართლებულია, როცა სასულიერო პირები წინასაარჩევნო კამპანიაში ერევიან? სალომე ზურაბიშვილი ეკლესიას კონკორდატის დარღვევაშიც ადანაშაულებს.
- დასავლური ეკლესიებისგან ქართული მართლმადიდებლური ეკლესია განსხვავდება. ის მხოლოდ ეკლესიური საკითხების დამამკვიდრებელი არ არის. ქართული ეკლესია ქართული ეთნოსის გადამრჩენელია და ეროვნულ-პატრიოტულ მოძრაობასაც ხშირად ის წარმართავდა.
ქართული ეკლესია მარტო სახარების კითხვით არ შემოიფარგლებოდა, ჩვენი სასულიერო პირები აქტიურად მონაწილეობდნენ ეროვნულ-განმათავისუფლებელ ბრძოლებშიც. აქედან გამომდინარე, ეკლესია ქართველებისთვის მხოლოდ ლოცვების სარიტუალო ინსტიტუტი არ არის. ეკლესიას სრული მორალური უფლება აქვს, რომ თავისი მოსაზრებები მრევლს უთხრას.
თავისი არსებობის მანძილზე საქართველო ხშირად იყო სამთავრობოებად დაშლილი. როცა სახელმწიფო ჩამოშლილი იყო, ამ დროს ქართული გენის და ქართველი ხალხის ერთადერთი გამაერთიანებელი ეკლესია გახლდათ. აი, აქედან გაჩნდა ფორმულა _ ერი და ბერი. სალომე ზურაბიშვილს საქართველოს პრეზიდენტობა რომ უნდა, საქართველოს ისტორიაც წაიკითხოს და მერე აღარ გაუჩნდება ასეთი აზრები ეკლესიის მიმართ.
- შეიძლება იმიტომ გაღიზიანდა სალომე ზურაბიშვილი, რომ ერთმა ეპისკოპოსმა კანაფის დედოფალი უწოდა, მეორემ _ დაფრანგული ქალბატონი. ამის უფლება ჰქონდათ სასულიერო პირებს?
- რატომ არ ჰქონდათ? ვახტანგ გორგასალს, რომელსაც ამხელა დამსახურება აქვს ერის წინაშე, ეპისკოპოსმა ორი კბილი ჩამოუგდო მცხეთაში. სასულიერო პირები რომ საერო პირებს უპირისპირდებიან, ეს ახალი ამბავი არ არის. ასეთი რამ ისლამურ სამყაროშიც მომხდარა.
რატომ უკვირს იმ ქალბატონს სასულიერო პირების ასეთი მკვეთრი რეაქცია? როცა ტერიტორიები დაკარგული გაქვს და ასეთ დროს შენ ქვეყანას ადანაშაულებ ომის დაწყებაში, ეს არასწორია. სააკაშვილი პროვოკაციას წამოეგო, მაგრამ მისი პროვოკაციაში ცხვირის ჩაყოფა ომის დაწყებას არ უნდა დაუკავშირო. ეს სამშობლოს ღალატის ტოლფასია. ასეთ რამეს დიპლომატი კი არა, ორღობის შტერი არ იტყვის.
ეს ქალბატონი მართლმადიდებელიც არ არის. ამის უფლება, ცხადია, აქვს, მაგრამ ცნობიერებით აშკარად სხვაგანაა გასული და დაანებოს ეკლესიას თავი.
ახლა რაც შეეხება კონკორდატს. რომ დაუჩემებია ეს სიტყვა, იცის, საერთოდ, რას ნიშნავს?
კონკორდატი ლათინური სიტყვა გახლავთ და ითარგმნება, როგორც თანხმობა. კონკორდატი ნიშნავს _ ვარ თანხმობაში. ეს კანონიკური ტერმინი რომის პაპს ეკუთვნის. კონკორდატის მრავალი ფორმა არსებობს. იყო ბოლონიის კონკორდატი, ცნობილია ნაპოლეონის კონკორდატი. ისტორია იცნობს ნაცისტურ გერმანიასთან გაფორმებულ კონკორდატს.
ქართულ ეკლესიასა და სახელმწიფოს შორის გაფორმებულ კონკორდატში არსად წერია, რომ ეკლესიას საზოგადოებრივ ცხოვრებაში ჩარევა ეკრძალება. არც იმაზეა საუბარი, რომ ეკლესიას ხელისუფლებისთვის რამე აზრის მიწოდება ეკრძალება.
ამათ კონკორდატი რა ჰგონიათ, რომ რასაც უნდა, იმას გააკეთებენ, ეკლესია გატრუნული იქნება და მარტო სანთლებს აანთებს?! ასეთი რამე არსად ხდება.
მოდით, ისიც ვთქვათ, რა არის ეკლესია _ ეკლესია მისი მრევლია. პატრიარქმა თუ მრევლის სათქმელი არ უთხრა ხელისუფლებას, მაშინ სად არის ერი და ბერი?!
როდესაც ეკლესია თავის აზრს გამოთქვამს, ეს იმას არ ნიშნავს, რომ სახელმწიფოს საქმეებში ერევა.
ეკლესია ძალიან ბევრ ქვეყანაში ერევა სახელმწიფოს საქმეებში. ავიღოთ დიდი ბრიტანეთის პარლამენტი. იქ სასულიერო პირები მაღალ თანამდებობებზე სხედან.
ავიღოთ თუნდაც საფრანგეთი. იქ კათოლიკური ეკლესია პირდაპირ ლობირებს პოლიტიკურ ძალებს. ფრანგულ პოლიტიკაში ასევე აქტიურად ერევიან იეზუიტური და ოპუს დეის ორდენები.
სალომე ზურაბიშვილი არც ამის აზრზეა, ან იცის და დენიკინის დროინდელი დაქალები რომ ჰყავს, იმათ არწმუნებს _ ევროპაში ეკლესია საერო საქმეებში არ ერევაო.
ეკლესიაზე საუბრის გარდა, მან არაერთი სულელური განცხადება გააკეთა. ყველას სისულელეს ჩამოთვლა შორს წაგვიყვანს, მაგრამ ერთზე აუცილებლად უნდა გავამახვილო ყურადღება _ დაიჩივლა, საქართველოში ევროპული ტიპის საარჩევნო კამპანია არ მიდისო.
მინდა მივმართო ამ ქალს და ვუთხრა, რომ თავად არის კლასიკური მაგალითი იმისა, რომ საქართველოში ევროპული ტიპის საარჩევნო კამპანია არ მიდის. საფრანგეთით შეგვაწუხა და ამ ქვეყნის მაგალითზე მოგახსენებთ. წარმოიდგინეთ, რა მოხდება საფრანგეთში, პრეზიდენტობის დამოუკიდებელი კანდიდატი მმართველმა პარტიამ რომ დააფინანსოს. ეს რომ იქ მომხდარიყო, ხომ დაამხობდა ფრანგი ამომრჩეველი ხელისუფლებას თავზე ყველაფერს.
საფრანგეთში ცხოვრობდა, შეგვაწუხა ამ საფრანგეთით და აზრზე არაა, რა ხდება იმ ქვეყანაში. ივანიშვილის ოჯახთან დაახლოებულ მრჩევლებს რა ვუთხარი, ბიძინა რომ დაარწმუნეს, ეს ქალი კარგი კანდიდატიაო.
ამ ქალმა კიდევ კარგად წაიკითხოს, რას ნიშნავს კონკორდატი. ის სასულიერო პირებს თავის აზრის გამოთქმას არ უკრძალავს. მამაოებმა მხოლოდ თავისი აზრი გამოთქვეს და არ უთხოვიათ, თანამდებობებზე დაგვნიშნეთო. თანამდებობაზე ეს ქალია გადარეული. ისე უნდოდა თანამდებობა, რომ 2009 წელს სისხლიან ვანო მერაბიშვილს ლამის კაბინეტში შეუვარდა, შენი მოადგილე ვიქნებიო. მართალია, ეს შეთავაზება ვანოსგან წამოვიდა, მაგრამ არც ერთ ოპოზიციონერს თავში აზრად არ მოსვლია, ამას დათანხმებოდა.
ეკლესიის წინააღმდეგ ათას სიბინძურეს აწყობენ ''ოცნების'' წევრები. რელიგიურ დღესასწაულებზე უტიფრად მიდიან ეკლესიაში და თავის სიგრძე სანთლებით დგებიან გამოსაჩენ ადგილას. მოვუწოდებ სასულიერო პირებს, არ მიიღონ ეს ფარისევლები ეკლესიაში.
ბიძინა გამალებით ცდილობს, რომ ე.წ. დამოუკიდებელი დეპუტატი პრეზიდენტად დანიშნოს. რა გარანტია გვაქვს, რომ მას უცხო ქვეყნის სპეცსამსახურები საქართველოს საწინააღმდეგო საქმეს არ გააკეთებინებენ. ჯერ პრეზიდენტად არ მოსულა და უკვე ღალატობს ქვეყანას, როცა ამბობს, ომი საქართველომ დაიწყოო.
''ართულმა ოცნებამ'' პრეზიდენტის ინსტიტუტი ისე გააუპატიურა, რომ მომავალი პრეზიდენტი ქელეხებში და ქორწილებში თუ ივლის. ამიტომ ტყუილად იბრალებს, ამას ვიზამ, იმას ვიზამო. არაფრის უფლება არ ექნება, მაგრამ ქვეყანას ნამდვილად ავნებს.
არ ვიცი, რატომ დათანხმდა ივანიშვილი მის კანდიდატურას, მაგრამ სადაც ის თქვა, ხალხი ცუდად როგორ ცხოვრობს, ამდენი მანქანა დადის ქალაქშიო, არც ზურაბიშვილის მხარდაჭერა უნდა გაგვიკვირდეს. ევროპაში ჯართად გადაყრილი მანქანები მოაქვს ეკონომიკური კეთილდღეობის საზომად. ეგრე თუ ფიქრობს, მაშინ მარიხუანის კი არა, ყაყაჩოს პლანტაციებიც დასათესი ჰქონია.
ხალხს ატყუებენ, რომ მარიხუანა საზღვარგარეთ უნდა გაყიდონ. ეს სეგმენტი ისეა აწყობილი საზღვარგარეთ, რომ იმ ბაზარზე ფეხს არავინ მოგვაკიდებინებს. ''ბორჯომი'' გადასარევი მინერალური წყალია, მაგრამ უცხოეთში ვერ დაიმკვიდრა თავი.
დენიკინის დროინდელ დაქალებთან რომ სვეცკაობს ზურაბიშვილი პარიზით, ის მოგვიყვეს, რომელი მინერალური წყალი იყიდება იქ. საფრანგეთში მინერალური წყალი ''პერიე'' იყიდება, ''ბორჯომს'' არც კი შეასუნინეს იქ. ასევე მოხდება მარიხუანის შემთხვევაშიც.
როდესაც საკონსტიტუციო სასამართლომ მარიხუანის ლეგალიზების გადაწყვეტილება მიიღო, მაშინ გითხარით, რომ უცხოეთში უკვე მოძებნილი ჰყავდათ ფირმები, რომლებსაც ამ ბიზნესში ჩართავდნენ. ახლა პლანტაციების მოწყობა უნდათ და ამით უკვე ბევრი ბიზნესმენი დაინტერესდა.
ვიცი რამდენიმე ბიზნესმენი, რომელიც მზადაა, თავისი ბიზნესი დათმოს იმის სანაცვლოდ, რომ მათ ხელთ არსებულ მიწებზე მოიყვანონ მარიხუანა. ეს ბიზნესმენები ახლა ივანიშვილთან და ''ოცნების'' სხვა ლიდერებთან მისასვლელ გზებს ეძებენ. ზოგმა ეს გზა უკვე იპოვა.
ხალხი და ეკლესია თუ უკან დავიხევთ, აქ აუცილებლად გააშენებენ მარიხუანის პლანტაციებს. ამ ბიზნესს რამდენიმე ოჯახი ჩაიგდებს ხელში და დაიწყება სისხლიანი გარჩევები. იმისთვის, რომ სიმართლე არავინ გაიგოს, თავიანთ პლანტაციებში მენეჯერებად და მცველებად უცხოელებს გაამწესებენ. ბორდელებშიც ასეა.
ახლა ხომ ყველასთვის ნათელია, თუ რატომ მოაწყო ''ოცნებამ'' ეკლესიის წინააღმდეგ ოპერაცია, სახელად ციანიდი. მარიხუანის წარმოებისთვის ემზადებოდნენ, იცოდნენ, რომ ეკლესია ამის წინააღმდეგი წავიდოდა და მისი იმიჯის შელახვას შეეცადნენ. ისე უნდა შელახულიყო ეკლესიის იმიჯი, რომ ხალხი გარეთ ვეღარ გამოეყვანათ.

„ქართულ ოცნებასთან“ დაახლოებული ბიზნესმენების რიგები დგას, რომლებიც მზად არიან უარი თქვან მშენებლობებზე, ყიდვა-გაყიდვებზე, ტენდერებზე, ოღონდ მოიპოვონ პლანის კულტივაციის ლიცენზია»
18:52 / 17.09.2018
„ქართულ ოცნებასთან“ დაახლოებული ბიზნესმენების რიგები დგას, რომლებიც მზად არიან უარი თქვან მშენებლობებზე, ყიდვა-გაყიდვებზე, ტენდერებზე, ოღონდ მოიპოვონ პლანის კულტივაციის ლიცენზია»
პანდორას ყუთი გახსნილია, ჩვენს თავს ძალიან დიდი უბედურება ხდება, სამღვდელობა დაირაზმა, საზოგადოება შოკშია, ხელისუფლება, რომელიც უუნაროა განავითაროს ეკონომიკა და სოციალური ინდექსი გააუმჯობესოს, პლანის კულტივაციის იდეით გამოდის. ეს ყველაფერი დაიწყო «გირჩების», როგორც იდელოგიური მანქანის შექმნით, გაგრძელდა დეკრიმინალიზაციის მოთხოვნით და ბერა ივანიშვილის ლეგალიზაციის რეპით. და როგორც «დემოკრატიული მოძრაობა-ერთიანი საქართველოს» პოლიტიკური მდივანი გიგლა ბარამიძე «ალიასთან» ინტერვიუში ამბობს, სახეზე გვყავს გამოესკობარებული ხელისუფლება, რომელსაც დასაბოლებელად სკივრში ერთი ტყუილიც აღარ დარჩა და ამომრჩეველს პირდაპირ დაბოლებას სთავაზობს!
"იგეგმება ეკლესიის ორად გახლეჩა"გიგლა ბარამიძე: "ენა, მამული, სარწმუნოებიდან კანაფი, კაზინო, ბორდელამდე"
17:58 / 17.09.2018
"იგეგმება ეკლესიის ორად გახლეჩა"გიგლა ბარამიძე: "ენა, მამული, სარწმუნოებიდან კანაფი, კაზინო, ბორდელამდე"
საქართველოში მარიხუანის პლანტაციების გაშენებას ქართველი საზოგადოებისა და ეკლესიის უმძაფრესი რეაქცია მოჰყვა. გთავაზობთ ინტერვიუს „დემოკრატიული მოძრაობის“ ერთ-ერთ ლიდერთან გიგლა ბარამიძესთან.
— ბატონო გიგლა, გვეშველა მგონი, ხელისუფლება მარიხუანის პლანტაციებით აპირებს ქვეყნის აშენება-დამშვენებას...
"ივანიშვილი ჩუგოშვილმა კორუფციაში დაადანაშაულა" - "იგეგმება ეკლესიის ორად გახლეჩა"
10:17 / 13.09.2018
"ივანიშვილი ჩუგოშვილმა კორუფციაში დაადანაშაულა" - "იგეგმება ეკლესიის ორად გახლეჩა"
"ივანიშვილი ჩუგოშვილმა კორუფციაში დაადანაშაულა" - "იგეგმება ეკლესიის ორად გახლეჩა"

რას უმზადებს "ოცნება" საქართველოს, გავხდებით თუ არა მეორე ავღანეთი, რატომ დაადო ივანიშვილს ხელი პარლამენტის ვიცე-სპიკერმა, რატომ უნდა დაიდგას თბილისში რვა სული ქურდის ძეგლი, - ამ თემებზე "ახალ თაობას" ყოფილი პოლიტდევნილი გიგლა ბარამიძე ესაუბრება.

გიგლა ბარამიძე: გასულ წელს ქართული ეკლესიის წინააღმდეგ დაიგეგმა სპეცოპერაცია სახელწოდებით ციანიდი. ეს მიმართული იყო იქითკენ, რომ ეკლესიაში მრევლს აღარ ევლო. ასეთივე სპეცოპერაცია ტარდება ახლა საქართველოს წინააღმდეგ, რომელსაც სახელად კანაფი ჰქვია.
რამდენიმე თვის წინ, როდესაც შსს-მ დაიწყო კამპანია "არა ჩადებას", "ახალ თაობასთან" ინტერვიუში ვისაუბრე, თუ რა გაგრძელება ექნებოდა ამას. გახსოვთ, გითხარით, რომ ამას მოჰყვებოდა ლეგალიზაციას, რაც საბოლოოდ ნარკოტიკების რეალიზაციით დასრულდებოდა.
მაშინაც გითხარით და ახლაც გავიმეორებ, რომ ამ სპეცოპერაციის ფინალური ეტაპი იქნება ნარკოტიკის წარმოება და სპეციალური მაღაზიების გახსნა.
გამოესკობარებული "ქართული ოცნების" ოცნება სწორედ ეს არის და ამათი წყალობით ენა, მამული, სარწმუნოება კანაფი, კაზინო, ბორდელით შეიცვალა.
ამ დროს გამოდის ეს ვინი პუხივით გაჯგიმული ზორბა პრემიერი და ყველას თავს გვამადლის. გვეუბნება, რომ არც ერთი გრამი ნარკოტიკი საქართველოში არ გაიყიდება და მთელი პროდუქცია უცხოეთში გავა.
სახედაკარგული ხელისუფლება კანაფის წარმოებაზე საუბრობს მაშინ, როდესაც გლეხებს კარტოფილის, ყურძნის თუ თხილის ექსპორტზე გატანაში არ ეხმარებიან. ქართული პროდუქციის ექსპორტზე გატანა დღემდე გადაუჭრელი პრობლემაა და "ოცნებამ" წამლის ბარიგობა დაიწყო.
- თავს ბარიგებად სულაც არ თვლიან და ამბობენ, რომ აქ წარმოებული კანაფი სამკურნალოდ იქნება გამოყენებული.
- სულ მაგაზე დარდობენ. როდის აქეთია თავს იკლავენ უცხოური ფარმაცევტიკის განვითარებისთვის? ქართველი ხალხის ბედის ირონიაა, რომ ის სამსახური, რომელიც უნდა ებრძოდეს კანაფის გავრცელებას, იმ სამსახურს შემოაქვს კანონპროექტი კანაფის წარმოების შესახებ. ქვეყანაში, სადაც 100 საწარმოც კი ვერ აუწყვიათ, კანაფის პლანტაციები მოუნდათ.
ზორბა ბიჭი, პრემიერი ბახტაძე გვპირდება, რომ საქართველოში ამ კანაფიდან ერთი გრამიც არ გაიყიდება. როგორ დავუჯეროთ იმ მთავრობას, რომელმაც ფსიქოტროპული წამლებით ვაჭრობის პრობლემა ვერ გადაჭრა. თბილისის ცენტრალურ უბნებში მდებარე აფთიაქებში, დახლქვეშიდან დღისით-მზისით უპრობლემოდ იყიდება ფსიქოტროპული ნივთიერებები.
ამის გარდა, დღემდე ვერ აღკვეთეს უცხო ქვეყნებიდან საქართველოში სხვადასხვა სახის ნარკოტიკების შემოტანა.
საპატრიარქოს თუ არ დაუჯერეს და ხალხის აზრი არ გაითვალისწინეს, დაიმახსოვრეთ, რომ საქართველოში მოყვანილი ნარკოტიკების ნაწილი უცხოეთში გაიყიდება, ნაწილი უკან _ საქართველოში შემოტრიალდება.
დამისახელონ ქვეყანა, რომელიც ნარკოტიკების გაყიდვით გამდიდრებულა. მიუხედავად იმისა რომ ამ ბიზნესს მილიარდები მოაქვს, ის ქვეყნის ბიუჯეტში არ შევა. რამდენიმე ოჯახი კი ძალიან დიდ ფულს იშოვის.
- ნარკოტიკების წარმოებას რომ ქვეყნის ბიუჯეტისთვის ხეირი მოჰქონდეს, ავღანეთი უმდიდრესი ქვეყანა უნდა იყოს.
- ნარკოტიკების წარმოება რომ ქვეყნისთვის სასარგებლო იყოს, ავღანეთთან ერთად პაკისტანი და კოლუმბიაც მდიდარი ქვეყნები იქნებოდნენ. რაღაც პერიოდი ავღანეთში მომიწია ცხოვრება და კარგად ვიცი, რა პრობლემაა ეს.
მთელი ნატოს ჯარები არიან ნარკოტიკების წინააღმდეგ ბრძოლაში ჩართული, მაგრამ ეს სენი ვერ დაამარცხეს. თავის დროზე ადგილობრივი გლეხები ოპიუმის წარმოებაზე შესვეს. ახლა მილიონიან გრანტებს აძლევენ ოჯახებს იმისთვის, რომ მათ ოპიუმის პლანტაციები დაწვან და სხვა კულტურები მოიყვანონ.
ამ გლეხების დიდი ნაწილი მილიონიან გრანტებზე უარს ამბობს იმიტომ, რომ ოპიუმს მათთვის უზარმაზარი მოგება მოაქვს.
იმ ქვეყნის ხელისუფლების რა ვთქვი შვიდ ბრუნვაში, რომელიც ბიუჯეტის შევსებას ნარკოტიკების წარმოებით და რეალიზებით აპირებს. კიდევ ერთხელ გეუბნებით, არ შეივსება ჩვენი ბიუჯეტი. სამაგიეროდ რამდენიმე ოჯახი იშოვის მილიარდებს.
თუ ასეთი კარგია ბიუჯეტისთვის ნარკოტიკები, მაშინ კანაფზე ნუ გავჩერდებით და ჰეროინის წარმოებაც დავიწყოთ და მთელ მსოფლიოში გავყიდოთ. მსოფლიო ბაზარზე ძალიან ძვირია ადამიანის ორგანოები და ბარემ ამითაც დავიწყოთ ვაჭრობა.
მონებით ვაჭრობაც სარფიანი საქმეა და ამ სფეროშიც ვცადოთ ბედი. ბავშვებით ვაჭრობასაც დიდი მოგება მოაქვს. იარაღის კონტრაბანდაც შემოსავლიანია. მოდი და გავხდეთ ანკლავი (საითკენაც უკვე მივექანებით), სადაც კეთდება დიდი ფული, მაგრამ ხალხი არის გაღატაკებული.
- ანკლავამდე ჯერ ბევრი გვიკლია, მაგრამ კავკასიის ბორდელის სტატუსი კი დამსახურებულად მოვიპოვეთ.
- უკვე დიდი ხანია ასე მოიხსენიებენ საქართველოს. ცოტა ხანში პროსტიტუციის ლეგალიზებასაც მოახდენენ და ბიუჯეტში თანხებს ბორდელებსაც შეატანინებენ. დღეს საქართველოში პროსტიტუცია ლეგალიზებული არაა, მაგრამ ქვეყანაში ასეულობით ბორდელია.
თბილისში, ყოველი მესამე ბენზოგასამართი სადგურის უკან ბორდელებია. ოფიციალურად მათ რესტორნებს უწოდებენ, მაგრამ შიგნით რომ შეხვალ, სულ სხვა სიტუაციაა - შემოგთავაზებენ ნებისმიერი სახის საქონელს, ადამიანის სახით. ჩინელი გინდა, ქართველი, აზერბაიჯანელი, სომეხი, ყველა ეროვნების სექსმუშაკი ყავთ.
ამხელა ბორდელებს და სექსმუშაკებს ვერ ამჩნევენ და თურმე იმას გააკონტროლებენ, რომ ნარკოტიკები არ გაიყიდოს. მივმართავ პრემიერს, გათენდა და გამოფხიზლდი. იქნება მიხვდე, რა შარში ხარ გახვეული.
ადამიანს ოდნავი ინტელექტი მაინც თუ აქვს, როგორ შეიძლება კანაფის წარმოებას დაუჭირო მხარი. სამარცხვინო იყო გამოესკობარებული "ოცნების" დეპუტატების განცხადებები, რომლებმაც გაიგეს, რომ მათ მამა-მარჩენალს კანაფის მიმართ ინტერესი აქვს.
ჩამწკრივდნენ და კანაფის სასარგებლო თვისებებზე საუბრობდნენ. ერთმა ქალმა დეპუტატმა ის გვითხრა, რომ კანაფი სოფლის მეურნეობის კულტურაა.
- ეგ ქალბატონი მთელ საქართველოს სიგარეტის მოწევას უკრძალავს და კანაფი ლობიოს და პომიდორს შეადარა.
- ვაზის ქვეყანაში რომ კანაფს კულტივირებას უკეთებდე, ძალიან დაბალ დონეზე უნდა იყო. არის კიდევაც დაბალ დონეზე პარლამენტი. დეპუტატები ისე არიან შემძვრალი ერთ კაცში, რომ იქედან გამოსვლასაც კი არ ფიქრობენ. ბარემ ადგნენ და ჰიმნად ქცეული "შენ ხარ ვენახი" "შენ ხარ კანაფად" გადააკეთონ. შეუძლიათ გერბიც შეცვალონ და კანაფის ფოთოლი დაახატონ და ასეთი წარწერაც გაუკეთონ "ძალა კანაფშია".
ზემოთაც გითხარით და ახლაც გავიმეორებ, რომ როგორც ციანიდი იყო საპატრიარქოს წინააღმდეგ დაგეგმილი სპეცოპერაცია, ასევე კანაფის წარმოება იქნება სპეცოპერაცია საქართველოს წინააღმდეგ.
დაიმახსოვრეთ ჩემი სიტყვები _ ციანიდის სპეცოპერაციის მიზანი ქართული ეკლესიის გახლეჩაა. როგორც უკრაინაში გახლიჩეს ეკლესია, ისე აპირებენ საქართველოშიც.
კაშიას ფერადი სამკლაურის ამბავიც ტყუილად არ არის დადგმული, მაგრამ ეს მეათეხარისხოვანია იმ პრობლემებთან, რაც ახლა ჩვენ წინაშეა.
იქნება დაავიწყდა ხელისუფლებას, რომ ტერიტორიებია დასაბრუნებელი, იქნება აღარ ახსოვთ, რომ 400.000 დევნილი ჰყავს საპატრონო. ერს საპატრონო და უკან დასაბრუნებელი ჰყავს 1.5 მილიონი თანამოქალაქე. აღარაფერს ვამბობ დემოგრაფიულ პრობლემაზე.
გაეროს მონაცემების მიხედვით, თუ ქართველების შობადობა ასეთ ტემპებში გაგრძელდა. 50-60 წელიწადში ქართველები საქართველოში უმცირესობაში ვიქნებით.
ასეთი პრობლემების წინაშე ვდგავართ და ესენი კანაფზე, ბორდელებზე და ერთნაირსქესიანთა ქორწინებებზე ოცნებობდეს. ამაზე უარესი რაღა უნდა დაგვემართოს.
ძალიან ბევრს ვლაპარაკობთ ოკუპაციაზე, მაგრამ ხელისუფლება თავის ხალხს ოკუპაციაზე მეტს არ უშვრება? ოკუპაციას მხოლოდ იმიტომ ახსენებენ, რომ ხალხის ყურადღება გადაიტანონ.
ისევ კანაფს დავუბრუნდები და გაგახსენებთ რა ხდებოდა ჩინეთში მეცხრამეტე საუკუნის მიწურულს. მილიარდიანი ჩინეთის იმპერატორმა ევროპელ ვაჭრებს ინდოეთიდან ოპიუმის შეტანა აუკრძალა.
თავიდან ვაჭრებმა ჩინეთის იმპერატორი დაარწმუნეს, რომ ოპიუმის წარმოებას თუ დაიწყებდა, ქვეყნის ბიუჯეტი შეივსებოდა და ჩინეთი თანამედროვე შეიარაღების შეძენას მოახერხებდა. დაითანხმეს იმპერატორი და ჩინეთში ოპიუმის უზარმაზარი პლანტაციები მოაშენეს.
მოხდა რა? მთელმა გლეხობამ ბრინჯის წარმოებაზე უარი თქვა და მიწები იჯარით მისცეს ოპიუმის მწარმოებლებს. მთელი ჩინეთი ჩაის სმის ნაცვლად პლანის მოწევაზე გადავიდა.
დაიქცა ლამის ქვეყანა. ჩინეთის იმპერატორი იძულებული გახდა ბრძანება გამოეცა და ჯარი გამოეყვანა. ჯარის გამოყენებით გაანადგურა პლანტაციები და ნარკოტიკების მარაგები. ამის საპასუხოდ მთელი დასავლეთი გაერთიანდა და ჩინეთს ომი გამოუცხადა.
ოფიციალურად ხომ ვერ იტყოდნენ, რომ ნარკოტიკების გამო იყო ეს ომი. ამიტომ თქვეს, თითქოს ჩინეთი დასავლეთს თავისუფალ ვაჭრობაში უშლიდა ხელს და ადამიანის უფლებებს არღვევდა. მოხდა ორი ომი ზედიზედ და ორივე ომში ჩინეთი დამარცხდა.
ამხელა ჩინეთი კინაღამ გაანადგურა ნარკოტიკების წარმოებამ და ჩვენ რა მოგვივა, ხომ წარმოგიდგენიათ, მაგრამ ეს ხელისუფლებას არ ადარდებს. მათთვის მთავარია მილიარდები. ამ ბიზნესს კი უზარმაზარი მოგება მოაქვს. ხელისუფლება ფულის გულისთვის ყველაფერზეა წამსვლელი.
დემოკრატიაზე და სიტყვის თავისუფლებაზე ბევრს საუბრობდნენ, მაგრამ დავინახეთ თუ რა ხდება ტელეკომპანია "იბერიასთან" მიმართებაში. ყველა ჩვენგანმა მოისმინა ლევან ყიფიანის და ზაზა ოქუაშვილის საუბრის ჩანაწერი. ამ საუბრიდან ნათელი ხდება, რომ კორუფციულ გარიგებაზეა საუბარი. ტელეკომპანიის მფლობელს სთავაზობენ რაღაცის სანაცვლოდ, რაღაც თანხების გადახდას.
ამ საუბარს აწარმოებს სპორტის ყოფილი მინისტრი ლევან ყიფიანი. ხელისუფლება როცა ასეთი ტონით ესაუბრება ბიზნესმენს, ცხადია, რომ საქმე კარგად არ არის.
მოვუწოდებ თბილისის მერიას, დედაქალაქის ცენტრში რვა სული ქურდის ძეგლი დაიდგას. ხელისუფლების წარმომადგენლები მაინც ქურდებივით ლაპარაკობენ. "იბერიის" სკანდალზე საუბრისას პარლამენტის ვიცე-სპიკერმა თამარ ჩუგოშვილმა ბიძინა ივანიშვილი პირდაპირ დაადანაშაულა კორუფციაში.
იმის ნაცვლად, რომ ეს საქმე გამოიძიონ, კანაფის რეალიზაციაზე გველაპარაკებიან. ყველაზე პარადოქსული კი ის არის, რომ ამის შესახებ კანონპროექტს შსს ამზადებს, რომელიც რეალიზაციას უნდა ებრძოდეს.



„მერკელმა „ოცნებას“ პირდაპირ უთხრა, ოპოზიციაში წადითო“
13:22 / 28.08.2018
„მერკელმა „ოცნებას“ პირდაპირ უთხრა, ოპოზიციაში წადითო“

გიგლა ბარამიძე: „გერმანიის კანცლერმა საქართველოს ხელისუფლებას სილა გააწნა“

რა გზავნილები ჩამოიტანა მერკელმა საქართველოში, რა შეცდომები დაუშვა ქვეყნის ხელისუფლებამ, რა ემუქრება მმართველ პარტიას ოპოზიციაში გადასვლის შემთხვევაში, რატომ არ შეხვდა გერმანიის კანცლერი ბიძინა ივანიშვილს? _ ამ თემებზე „ახალ თაობას“ ყოფილი პოლიტდევნილი, სომხეთში საქართველოს ყოფილი ელჩი გიგლა ბარამიძე ესაუბრება.

გიგლა ბარამიძე:

- დღეს ჩვენ ცრუ, ვირტუალურ სახელმწიფოში ვხოვრობთ და ეს სამარცხვინო რეალობა გააზრებულიც კი არა გვაქვს. რას უნდა ველოდოთ ჩვენ ანგელა მერკელის ვიზიტისგან, როდესაც ის არ შეხვდა ადამიანს, რომელიც საქართველოში წყვეტს ყველაფერს.

-  ბიძინა ივანიშვილს გულისხმობთ?

- რა თქმა უნდა ბიძინა ივანიშვილს ვგულისხმობ. დღეს საქართველოში ის წყვეტს ყველაფერს. გერმანიის კანცლერი მას იმიტომ არ შეხვდა, რომ ივანიშვილს დღეს არანაირი სტატუსი არა აქვს.  ის ოფიციალური სტატუსის მქონე პარლამენტის თავმჯდომარეს, პრემიერს და პრეზიდენტს შეხვდა. რომლებიც ამ ქვეყანაში არაფერს წარმოადგენენ და მათი გავლენა თუ ავტორიტეტი პლინტუსის ქვევით არის.

.ამის მერე ჩვენ კიდევ რაღაც პოლიტიკურ ანალიზზე ვსაუბრობთ. ეს არის ანეგდოტური სიტუაცია და ამიტომ ვამბობ, რომ საქართველო ებრძვის ქარის წისქვილებს და თავის მოტყუებაზეა გადასული. ეს არის ცრუ ვირტუალური სამყარო.

ანგელა მერკელის ვიზიტისგან ბევრი არაფერია მოსალოდნელი. ამ ადამიანმა ძალიან კარგად იცოდა ვის შეხვდა საქართველოში. მან დეტალურად იცის თუ რას წარმოადგენენ ქვეყნის პრემიერი, პრეზიდენტი, პარლამენტის თავმჯდომარე თუ სხვა ოფიციალური პირები.

როდესაც ამა თუ იმ ქვეყანაში უმაღლესი რანგის თანამდებობის პირის ვიზიტი მზადდება, ამ ქვეყნის საელჩო დეტალურ ინფორმაციას აგროვებს. წლების მანძილზე ვმუშაობდი სომხეთში საქართველოს ელჩად და კარგად ვიცი როგორ მზადეება უმაღლესი ვიზიტები.

მერკელს საქართველოში გერმანიის საელჩოსგან დეტალური ინფორმაცია ექნებოდა იმაზე თუ როგორ იქცევიან ჩვენი ხელისუფლების წარმომადგენლები. ისიც კი ეცოდენებოდა რომ მარტო ფულის შოვნაზე არიან გადასული.

საქართველოს ხელისუფლებამ მერკელის ვიზიტის დროს სერიოზული შეცდომები დაუშვა. მოგწონს თუ არა, ეს ქალი, ის ევროკავშირის წამყვანი ქვეყნის პირველი პირია. ასეთი მაღალი რანგის სტუმრები საქართველოს იშვიათად სტუმრობენ და იმდენი მოახერხეს, რომ მას აეროპორტში პრემიერიც კი არ დახვდა.

- რა აზრი ჰქონდა მის დახვედრას, თავად არ ამბობთ არაფერს არ წარმოაგენსო?

- პრემიერი, ეს ზორბა ბიჭი, მართლაც არაფერს არ წარმოადგენს, იმიტომ რომ ქვეყანას ივანიშვილი მართავს. რომელიც პრემიერებს საცვლებივით იცვლის. ამის მიუხედავად ბახტაძეს აქვს ოფიციალური სტატუსი, კეთილი ენება და დახვედროდა მერკელს აეროპორტში.

სომხეთში და აზერბაიჯანში გერმანიის კანცლერს უმაღლესი თანამდებობის პირები დახვდნენ. სომხეთში ის ხალხსაც შეახვედრეს და ქუჩაში გაატარეს. ჩვენთან არ შეიძლებოდა ამის გაკეთება? როგორ არ შიძლებოდა, მაგრამ აქ არის საკრეტინეთი და ესენი მხოლოდ ფულის შოვნაზე და საკუთარი მუცლის ამოყორვაზე არიან გადასულები.

ჯერ კიდევ შევარდნაძის დროს იყო გადაწყვეტილი რომ გერმანია საქართველოს გაზსაცავის მშენებლობაში დაეხარებოდა. ამ კარგი საქმისთვის ახლა გამოგვიყო გერმანიამ თანხა, ხელი მოეწერა შეთანხმებას და ამ დროს საქართველოში არ იყო ეკონომიკის მინისტრი.

კაცი რომელიც სულ ახლახანს დანინეს მინისტრად, უკვე შვებულებაში წავიდა. საქართველოში გერმანიის კანცლერი ჩამოდის, ეკონომიკურ თანამშრომლობაზე საუბრობს და ამ დროს ეკონომიკის მინისტრი მოსკოვიდან ვერ ჩამოყავთ. საკრეტინეთია აბა რა არის.

საქართველოში არც თავდაცვის მინისტრი არ იყო. ის გვერდიდან არ უნდა მოსცილებოდა მერკელს და ეთხოვა, იქნება ჯარის აღმშენებლობაი რამოთ დაგვეხმაროთო. ამის ნაცვლად ის კიევში, პოროშენკოს მიტინგზე გამოდიოდა სიტყვით.

ამიტომაც ნუღარ გვიკვირს რომ მერკლმა ჩვენთვის სასიცოცხლოდ მნიშვნელოვან ადგილზე, საქართველოს პირველი პირები არ გაიყოლა. მან იმ ტერიტორიას სადემარკაციო ხაზი უწოდა და, იქაურობას ჭოგრიტით გახედა და კომენტარიც კი არ გააკეთა.

საოკუპაციო ხაზთან მეკელის მისვლა ყურადღების გარეშე არ დაუტოვებია, ცხინვალის მეთაურს ანატოლი ბბილოვს. მან გერმანიის კანცლერი ცხინვაკი მიიწვია და ასეთი რამე დაუბარა, მან ხომ ჭოგრიტით მაინ დაინახა რომ სამხრეთ ოსეთშიი აღმშენებლოის პროცესი მიდისო..

- მერკელმა მართალია საოკუპაციო ხაზთან კომენტარი არ გააკეთა, სამაგიეროდ სტუდენტებთან შეხვედრისას ხომ ათქმევინეს ოკუაცია. რითაც ერი ძალიან ბედნიერია. ერი იმითაც კმაყოფილია რომ მამუკა ბახტაძემ მას დრეზდენის გალერიიდან დაკარგული ტილო აჩუქა.

- ვათქმევინეთ ოკუპაცია და რა?  შეიცვალა ამით რამე? მოგვიანებით გაირკვა, რომ ახალგაზრდა, რომელმაც გერმანიის კანცერს ოკუპაცია ათქმევინა „ევროპული საქართველოს“ წევრი იყო.

გერმანიის კანცლერი საქართველოში ვიზიტამდე რუსეთის პრეზიდენტს შეხვდა. მან პუტინთან ყველაფერზე ისაუბრა, მაგრამ საქართველო არ უხსენებია. მან მშვენივრად იცის  რუსეთს საქართველოს ტერიტორიები რომ აქვს ოკუპირებული, მაგრამ ამაზე სიტყვა არ დასცდენია.

სტუდენტებს გერმანიის კანცლერთან სწავლაზე და გაცვლით პროგრამებზე უნდა ელაპარაკათ, ოკუპირებული რეგიონების საკითხი კი მამუკა ბახტაძეს უნდა დაესვა. ზორბა ბიჭმა ისიც კი ვერ გაუბედა მერკელს, რომ ეთქვა იქნება თქვენ გვიშუამდგომლოთ რუსებთან რომ დაკარგულ ტერიტორიებზე დიალოგი დავიწყოთო. მითუმეტეს რომ რამდენიმე წლის წინ მერკელს თავად აქვს ნათქვამი, შუამავლის როლს მე ვიკისრებ თბილისსა და მოსკოვს შორისო.

ამის ნაცვლად ზორბა ბიჭმა გერმანელს სტუმარს რაღაც ნახატი აჩუქა. გინდა დრეზდენის მუზეუმიდან გამქრალი ტილო აჩუქე და გინდა ნადირშაჰის უძვირფასესი ხალიჩა, ასე არაფერი არ გამოა.

- თქვენი აზრით, რატომ არ სთხოვა ბახტაძემ მერკელს შუამავლობა? ვერ გაუბედა?

- ვერც გაუბედა და მაგის გარდა, რუსეთთან დიალოგის ეშინიათ. ვინ უნდა აწარმოოს მოსკოვთან მოლაპარაკებები ზორბა ბიჭმა თუ მძმეწონიანმა პრეზიდენტმა? ხელისუფლებაში კაცი არ არის, რომელიც დაკარგულ ტერიტორიებზე დაელაპარაკება რუსეთს.

რუსეთის გარეშე აფხაზეთის და ცხინვალის რეგიონის პრობლემა არ მოგვარდება. ამ პრობლემის მოგვარების გარეშე კი საქართველოს ნატოში არ მიიღებენ.

ანგელა მერკელმა პირდაპირ თქვა, რომ საქართველოს ნატოში დაჩქარებული წესით არავინ მიიღებს. პირდაპირ გვითხრა ისიც რომ სანამ აფხაზეთის და ცხინვალის რეგიონის პრობლემა არ მოგვარდება ამ ორგანიზაციაში ვერ შევალთ.

საინტერესო განცხადება გააკეთა ევროკავშირთან დაკავშირებითაც. გასაგებად აგვიხსნა, რომ იქ ახლო მომავალში ვერ გავწევრიანდებით.

ნატოს კარებს რომ ასე ადვილად არ გაგვიღებენ და ევროკავშირში ჯერ არ მიგვიღებენ, ამაზე ჩვენს პარტიას არაერთხელ უსაუბრია. ახლა ამის შესახებ გერმანიის კანცლერმა თქვა და იქნებ მას მაინც დაუჯეროთ.

- ნატოზე ასეთ განცხადებებს რომ აკეთებდით, მაგიტომაც მოინათლა თქვენი პარტია პრორუსულად.

-  მერკელიც პრორუსულია? ის რუსეთთან მართალია კარგ დაოკიდებულებაშია, მაგრამ ამას ისე აკეთებს რომ თავისი ქვეყნის ნინტერესები დაიცვას. ჩვენც შეგვიძლია ჩვენი ქვეყნის ინტერესების დაცვა, მაგრამ არ ვაკეთებთ. იმის ნაცვლად რომ ტერიტორიების დაბრუნების გზები ეძებონ, მოსახლეობას ატყუებენ ნატოსა და ევროკავშირში შევდართო. მერკელის განცხადების შემდეგ, ეს ტყუილი აღარ გაჭრის.

ერევანში ჩასულმა ანგელა მერკელმა ძალიან საინტერესო განცხადება გააკეთა. მან თქვა, რომ სომხეთი არის რუსეთთან და ევროკავშირთან თანამშრომლობის საუკეთესო მაგალითი. არ შეიძლებოდა ჩვენი ქვეყანაც ასეთი გზით წასულიყო? შეიძლებოდა, მაგრამ ვინ უნდა გააკეთოს, ზორბა ბიჭმა, რომელიც ლანდივით დატანტალებდა კანცლერის გარშემო თუ პრეზიდენტმა, ან პარლამენტის თავმჯდომარემ?.

უკვე გითხარით რომ მერკელმა შესანიშნავად იცოდა ვისთანაც ჩამოდიოდა საქართველოში. და ამიტომაც არ გაიყოლა საქართველოს ხელისუფლების წარმომადგენლები საოკუპაციო ხაზთან. ეს ჩვენი ხელისუფლებისთვის ფაქტიურად სილის გაწვნა იყო.

ქართველი ერის ყველაზე დიდი შეცდომა არის ის რომ ჩვენ არ ვუყურებთ ჩვენ თავს თვითკრიტიკულად და არ ვაღიარებთ იმ კატასტროფულ შეცდომებს, რომელსაც ჩვენ ვუშვებთ. აქ არაფერ შუაში არაა არც კრემლი, არც დასავლეთი და არც ჩინეთის კედელი. ხალხმაც უნდა აღიოს პასუხისმგებლობა ამ ყველაფერზე. ეს ხელსუფლება მათ აირჩიეს. რეალობას ვერ ვხედავთ და ამიტომა ვართ გაბითურებული. იმედია ახლა მაინც აღარ მისცემენ „ოცნება=ბოცნებას“ ხმას.

- 2011 წელს საქართველოში ვიზიტად მყოფმა სარკოზმა განაცხადა, მმართველ პარტიას მუდმივად უნდა ახსოვდეს, რომ ერთ მშვენიერ დღეს ის გადავა ოპოზიციაში. ერთ წელიწადში საქართველოში ხელისუფლება შეიცვალა. იგივე გაიმეორა მერკელმა. თქვენი აზრით, ეს შემთხვევითი დამთხვევაა თუ ჰზავნილი?

-  კულტურულად უთხრა წადითო, აბა პირდაპირ ხომ არ ეტყოდა წიხლებით ხართ გასაყრელიო. ასეთ დონის პოლიტიკური ფიგურა აქ საჭორაოდ არ ჩამოვიდოდა. აქ არ გაიყოლა, იქ არ გაიყოლა ხელისუფლების პირველი პირები და პირდაპირ უთხრა. მოემზადეთ ოპოზიციაში გადასვლისთვის.

- თქვენი აზრით, გადავა „ოცნება“ ოპოზიციაში?

- ესენი ოპოზიციაში ვერ წავლენ, როგორც კი ხელისუფლებას ჩამოშორდებიან, ეგრევე გაქრებიან. უკვე სამარცხვინო და ენით აუწერლია ის მდაბიორულ-პლებეური ცნობიერებითი პროვინციალიზმი და სიბრიყვე ჩვენი ქვეყნის ხელისუფლებას და მათთან დახლოებულ პოლიტიკოსებს რომ სჭირთ. არ მინდა ქიმერებს გამოდევნებული ერი გავხდეთ, რომელიც მერკელის ნათქვამ სიტყვას _ ოკუპაცია _ ჩაეჭიდება.

ამ ერთი სიტყვის გამოკიდებას სჯობია ის გავაანალიზოთ რატომ არ იყო საქართველოში ეკონომიკის მინისტრი, რატომ არ დახვდა პრემიერი კანცერს აეროპორტში.

- თქვენი აზრით, რატომ არ დახვდა?

- უთხრეს, პროტოკოლის მიხედვით შენ კი არა, საგარეო საქმეთა  მინისტრი უნდა დახვდესო. ამ ზორბასაც მეტი ტვინი კი არა აქვს. იმდენიც ვერ მიხვდა რომ გერმანიის კანცლერი საქართველოში კვარტალში ერთხელ არ ჩამოდის.  ტრამპი მართალია სულ დასცინის მერკელს, მაგრამ არაა საქართველო აშშ და არც ზორბა ბიჭია ტრამპი.

სომხეთში დააკლდათ რამე აეროპორტში პრეზიდენტიც რომ დახვდა და პრემიერიც. გერმანიის კანცერი ქუჩაშიც გაატარეს, სადაც მას ხალხი ტაშს უკრავდა. მას საქართველოშიც დაუკრავდნენ ტაშს.

- ნამდვილად დაუკრავდნენ. დამოუკიდებლობის მოპოვების შემდეგ, გერმანიამ საქართველოს დიდი დახმარება გაუწია.

- გერმანიას საქართველოსთან ყოველთვის კარგი ურთიერთობა ჰქონდა. ნოე ჟორდანიას და მის უდღეურ, მენშევიკების მთავრობას სახელმწიფო-სტრუქტურული ინსტიტუტები გერმანელებმა შეუქმნეს.

თბილისში იდგა გერმანული პოლკი. ინგლისის ყველაფერს აკეთებდა, რომ პირველ მსოფლიო ომში დამარცხებული გერმანია საქართველოდან გაეძევებინა.

ამ მიზნით ააბუნტეს ინგლისელებმა სომეხი დაშნაკები. ჯერ თბილისში მოძებნეს ექსტრემისტულად განწყობილი ეთნიკური სომხები. მათ იარაღიც დაურიგეს. ეს აჯანყება არ გამოვიდა. ამბავი გასკდა. ჟორდანიას  მთავრობამ ჯარის შეკრება ვერ მოახერხა და კახეთში მოაგროვეს 500 კაცი, ინგლისელების მიერ შეიარაღებული დაშნაკები კახელებმა განაიარაღეს.

ინგლისელებ მაინც არ გაჩერდნენ და ახლა სომხეთში გააქეზეს ექსტრემისტული დაჯგუფების წევრები. 1918 წლის დეკემბერში სწორედ ისინი შემოვარდნენ საქართველოში წითელი ხიდის მხრიდან. გენერალმა მაზნიაშვილმა დაშნაკები საქართველოს ტერიტორიიდან გაყარა და ერევნამდე აპირებდა მათ დევნას, მაგრამ ინგლისელებმა გააჩერეს.

საზღვრების გაყოფის დროს ინგლისელებმა აჩუქეს სომხებს ქართული მიწები. ასე იმიტომ გააკეთეს, რომ დაშნაკები ჩუმად ყოფილიყვნენ და ინგლისელებზე სიმართლე არ ეთქვათ.

გერმანულ ყაიდაზე მოაწყო თურქეთის რესპუბლიკამ თავისი არმია. საქართველოც იგივეს გაკეთებას  აპირებდა. კადეტები გერმანულ სამხედრო სასწავლებლებში უნდა გაეგზავნათ, მაგრამ მათი უმეტესობა მეთერთმეტე არმიასთან ბრძოლაში დაიღუპა. საქართველომ კი დამოუკიდებლობა დაკარგა.

ქართული ინტელიგენცია განათლებას ძირითადად გერმანიაში ღებულობდა. ამ ქვეყანასთან ყოველთვის კარგი დამოკიდებულება გვქონდა. ამიტომაც არ შეიძლებოდა მერკელთან მსგავსი უპატივცემულობის გამოჩენა. ვალში არც მერკელი არ დარჩენილა _ მან საქართველოს ხელისუფლება არ გაიყოლა საოკუოაციო ხაზთან, რაც როგრც გითხარით, სილის გაწვნის ტოლფასია.

 

რა მოსთხოვა სალომე ზურაბიშვილმა ივანიშვილს პრეზიდენტის კანდიდატურის დაყენების სანაცვლოდ
21:05 / 10.08.2018
რა მოსთხოვა სალომე ზურაბიშვილმა ივანიშვილს პრეზიდენტის კანდიდატურის დაყენების სანაცვლოდ
გიგლა ბარამიძე: ზურაბიშვილი საარჩევნო კამპანიას ორი უდიდესი ტყუილით იწყებს

რა მოსთხოვა ივანიშვილს სალომე ზურაბიშვილმა, როგორ გადააგდო ის ნაციონალურმა მოძრაობამ, როგორ გავიდა საქართველოდან რუსული სამხედრო ბაზები, რატომ ჩამოჰყავთ მთავრობის გადასახალისებლად ხალხი რუსეთიდან? - ამ თემებზე ''ახალ თაობას'' ყოფილი პოლიტდევნილი, ''დემოკრატიული მოძრაობის'' ერთ-ერთი ლიდერი გიგლა ბარამიძე ესაუბრა.
რა კავშირი აქვს ივანიშვილს მარიხუანას ლეგალიზაციასთან
20:38 / 01.08.2018
რა კავშირი აქვს ივანიშვილს მარიხუანას ლეგალიზაციასთან

გიგლა ბარამიძე: "ამერიკაში უკვე მოძებნეს რამდენიმე ფირმა, რომლებიც საქართველოში ნარკოტიკებს შემოიტანენ"

რა წამოსცდა ინტერვიუს დროს ბიძინა ივანიშვილს?
15:53 / 30.07.2018
რა წამოსცდა ინტერვიუს დროს ბიძინა ივანიშვილს?

რა წამოსცდა ინტერვიუს დროს ბიძინა ივანიშვილს?

''ივანიშვილს არ უნდა, რომ ეს ჩინოვნიკები დაიჭირონ, მას სულ სხვა გეგმა აქვს''

"ოცნება" ივანიშვილის ჩამოგდებას აპირებს"
22:29 / 25.07.2018
"ოცნება" ივანიშვილის ჩამოგდებას აპირებს"
გიგლა ბარამიძე: "ყოფილმა პრემიერმა შეიძლება მთელი ქონება დაკარგოს"

რატომ აღარ ენდობა ივანიშვილი ''ოცნებას'', უმალავდნენ თუ არა მას ინფორმაციებს, გაიზიარებს თუ არა შევარდნაძის ბედს, მიდის თუ არა ხელისუფლების გადაბარება? - ამ თემებზე `ახალ თაობას~ ყოფილი პოლიტდევნილი გიგლა ბარამიძე ესაუბრება.
"კვირიკაშვილთან ერთად ბახტაძეც უნდა გაეშვათ"
13:06 / 14.07.2018
"კვირიკაშვილთან ერთად ბახტაძეც უნდა გაეშვათ"
"კვირიკაშვილთან ერთად ბახტაძეც უნდა გაეშვათ"

გიგლა ბარამიძე: "ბოკერია ივანიშვილს დათმობაზე წასვლას მოსთხოვს"
კალენდარი
«« სექტემბერი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30