ინტერვიუები
გიგლა ბარამიძის ინტერვიუ
16:27 / 21.04.2016
გიგლა ბარამიძის ინტერვიუ

 

- ივანიშვილმა ისეთი ხალხი შემოიკრიბა, მოიშორებენ და მთელ ქონებასაც დააკარგვინებენ~

გიგლა ბარამიძე: `ქართულ ოცნებასთან~ თანამშრომლობა არ გვაწყობს~

რატომ არ მიდის ინფორმაციები ივანიშვილამდე, რა საფრთხეს უქმნის მას საკუთარი გარემოცვა, რატომ არ უნდა გაერთოს პრემიერობით კვირიკაშვილი, რა ემართებათ მეოცნებეებს ევროპაში წასვლის წინ? _ ამ თემაზე `ახალ თაობას~ დემოკრატიული მოძრაობა _ ერთიანი საქართველოს პოლიტიკური მდივანი გიგლა ბარამიძე ესაუბრება.

_ რამდენიმე დღის წინ გიორგი კვირიკაშვილმა საჯაროდ განაცხადა, არც ახლა და არც მომავალში დემოკრატიულ მოძრაობასთან და პატრიოტთა ალიანსთან არ ვითანამშრომლებთო. ამ დროს მისი რამდენიმე თანაპარტიელი ამბობს, რომ მომავალ პარლამენტში თქვენთან სიამოვნებით შექმნიან კოალიციას.

_ პრემიერზეა ნათქვამი, ამირან გულში მღეროდაო. გამოვიდა და განაცხადა, მოლოდინი უნდა გავაქარწყლო და დემოკრატიულ მოძრაობასთან თანამშრომლობას არ ვაპირებთო. ჩვენ არ გვეკითხება, გვინდა ან მასთან, ან სახელისუფლებო გუნდთან თანამშრომლობა? რა თქმა უნდა, მათთან არ წავალთ თანამშრომლობაზე და ისიც კარგად ვიცით, თუ რატომ ამბობს კვირიკაშვილი ჩვენზე ასეთ ცივ უარს.

`ქართულ ოცნებას~, ისევე, როგორც ნაციონალურ მოძრაობას, მხოლოდ იმ პარტიებთან სურთ თანამშრომლობა, რომლებიც მათი სატელიტები იქნებიან. ჩვენნაირი სოლიდური პარტიების ეშინიათ. რაც მთავარია, `ქართულ ოცნებასთან~ თანამშრომლობა ჩვენ არ გვაწყობს.

_ ხართ ასეთ ცივ უარზე?

_ პირველ რიგში, არ გვინდა იმ შეუსრულებელი დაპირებების აკიდება, რომლებიც ხელისუფლებამ უხვად გასცა. `ქართულ ოცნებას~ ცუდად აქვს საქმე და მიკვირს, რატომ არის კვირიკაშვილი ასეთი თავდაჯერებული. მოლოდინის გაქარწყლებაზე მან ჩამოაგდო სიტყვა და მეც გავუქარწყლებ მოლოდინს, ვეუბნები, რომ მომავალ პარლამენტში ჩვენ თანამოაზრეებთან უმრავლესობას მოვიპოვებთ. შესაბამისად, უარს ვიტყვით ისეთ სუსტ პრემიერზე, როგორიც კვირიკაშვილია. ასე რომ, ნუ ცერცეტობენ და ნუ ჩქარობენ, ჯერ მოიგონ არჩევნები და მერე ილაპარაკონ.

კვირიკაშვილს მართალია პოლიტიკაში ყოფნის გამოცდილება აქვს, მაგრამ პრემიერი ნამდვილად არ არის. ეს გასულ კვირას ჟურნალისტებთან გამართულ შეხვედრაზეც დაამტკიცა. იქ არც მწვადი დაწვა და არც შამფური. როდესაც ნაცმოძრაობასთან წილნაყარი ჟურნალისტები რაიმე მწვავე კითხვას დაუსვამდნენ, ეტყოდა _ იმ 9 წლის მანძილზე ბევრი კარგი რამ გაკეთდაო. ნაციონალებზე თუ დასვამდნენ კითხვას, ამბობდა, წარსულზე არ უნდა ვილაპარაკოთ. ის წარმოჩნდა როგორც კარგი მენეჯერი, მაგრამ არამც და არამც ლიდერი და პრემიერი.

_ პრემიერი ამბობს, წარსულზე საუბარს თავი უნდა დავანებოთ, ხალხი დაიღალაო. ამ დროს `ქართული ოცნების~ ერთ-ერთი ლიდერი ირაკლი კობახიძე აცხადებს, ნაციონალებს 9 წელი ყოველდღე უნდა გავახსენოთო. რა ხდება?

_ ხალხი ამათი ტყუილებით დაიღალა. რას ნიშნავს, წარსულზე ლაპარაკი უნდა დაასრულონ? აბა, იმ ხალხს ჰკითხოს ერთი, ვისაც ქონება წაართვეს და ცხოვრება დაუნგრიეს. წარსულს რომ თავი დაანებეს, ამიტომაც არის, რომ ლამის ყოველდღე დებენ ინტერნეტში ამა თუ იმ პირებზე საზიზღრობებს. წარსულს რომ თავი დაანებეს, ამიტომ ვერ მოუძებნეს სააკაშვილს 7 კოსტუმის და 1 პალტოს მეტი ვერაფერი და ისიც ოდესიდან ხელებს გვიქნევს და გვემუქრება.

საარჩევნო სიებიც კი ვერ დაადგინეს და ესენი ამბობენ ჩვენზე, მათთან არ ვითანამშრომლებთო? ამ სიებზე ივანიშვილის განცხადება გამახსენდა. მან თქვა, რომ თავად გამოყოფდა ფინანსებს ამომრჩევლების ზუსტი სიის დასადგენად. არაფერი არ გააკეთეს და გვიმტკიცებენ, რომ საქართველოში 3 .200.000-ზე მეტი ამომრჩეველია. ამაზე მეტი დაცინვა რაღა გინდათ. თუ ქვეყანაში ამდენი ამომრჩეველია, მაშინ ჩვენი მოსახლეობა სულ მცირე 5.500.000 უნდა იყოს. ეს ყველაფერი მიუთითებს იმაზე, რომ ხელისუფლება არჩევნების გაყალბებას აპირებს. ამაზე სხვა ფაქტებიც მეტყველებს.

_ რა ფაქტებია კიდევ?

_ წინა კვირაში ნაციონალების ერთ-ერთმა დანამატმა ენდიაიმ პარტიების რეიტინგები გამოაქვეყნა. გამოვიდნენ `ოცნების~ ლიდერები და სერიოზული სახით დაიწყეს ამ სისულელეზე კომენტარების გაკეთება. გვიმტკიცებენ, პარლამენტში უმრავლესობით მოვალთ და ყველა მაჟორიტარულ ოლქში ჩვენ მოვიგებთ არჩევნებსო. რანაირად უნდა მოიგოთ არჩევნები, როცა თქვენი რეიტინგი პლინტუსის ქვევითაა.

მათი ასეთი განცხადებები იმაზე მიუთითებს, რომ მმართველი ძალა არჩევნებში უხეშად აპირებს ჩარევას. ამას არეულობა და ხალხის ქუჩაში გამოსვლა მოჰყვება. ვაფრთხილებ, მოეშვან ცანცარობას და პოლიტიკურ კოხტაპრუწობას, თორემ აუტკივარ თავს აიტკივებენ.

_ ზემოთ ივანიშვილი ახსენეთ და რითი ხსნით მის გაუჩინარებას? ჯერ კიდევ გასულ წელს ამბობდა, რომ პოლიტიკაში თებერვლიდან გამოჩნდებოდა, მაგრამ დღემდე დუმს.

_ ვინ თქვა, რომ არ ჩანს. რაც დღეს ქართულ პოლიტიკაში ხდება, ეს ყველაფერი სწორედ მისი სტილია. ივანიშვილი ნაბიჯ-ნაბიჯ ახორციელებს თავის გეგმას. ყველა მნიშვნელოვანი საკითხი მხოლოდ მის მიერ წყდება. როგორც ივანიშვილი იტყვის, ყველაფერი ისე იქნება.

_ მის გუნდში რომ თითქმის ყველა საკითხზე აზრთა სხვადასხვაობაა, ეს რისი მანიშნებელია, ვიღაცებს სურთ, რომ მისი კონტროლიდან გავიდნენ?

_ ეს არაფერს არ ნიშნავს. ივანიშვილი ამ დონეზე არ ეშვება, ესენი მიშვებული არიან და რასაც უნდა, იმას ტლიკინებენ. გადაწყვეტილებას კი ივანიშვილი ღებულობს. ამ გუნდში არის რამდენიმე ღირსეული ადამიანი, რომლებიც ცდილობენ ამინდის შექმნას, მაგრამ არ გამოსდით.

_ ღირსეულ ადამიანებად ვის თვლით?

_ ოპოზიციაში ვარ და მათ გვარებს არ დავასახელებ. არ მინდა, მერე მათ ჩემთან ან ოპოზიციასთან რაიმე ტიპის თანამშრომლობა დააბრალონ. ივანიშვილის ჩართულობაზე გავაგრძელოთ ისევ საუბარი.

მართალია, საბოლოო გადაწყვეტილებებს ის ღებულობს, მაგრამ ბევრი რამის საქმის კურსში არ არის.

მის გარშემო უამრავი ადამიანია, რომლებმაც ქვეყანაში არსებულ ვითარებაზე ინფორმაცია უნდა მიაწოდონ. ამ ხალხს ინფორმაცია კი მიაქვს, მაგრამ ისე, რომ მის კარზე საკუთარი პოზიციები გაიმყარონ. არავინ ეუბნება, ქვეყანაში რეალურად რა მდგომარეობაა. საქართველოს, როგორც დამოუკიდებელ სახელმწიფოს, პულსი აღარ ესინჯება. სამარცხვინოზე სამარცხვინოა, როცა ერთი ყმაწვილი კანდელაკი მთელ სახელმწიფო აპარატს ჯობნის საერთაშორისო არენაზე.

ნატოსთან ხომ საცოდაობა ტრიალებს. იმას აღარ ვამბობ, ზოგიერთ მინისტრს საკუთარი თავი ნატო რომ ჰგონია. ცოტა ხნის წინ გვითხრეს, რომ მისი უდიდებულესობა მაპი არ გვჭირდება. წინა სამიტის დროს გვითხრეს, თურმე საჭირო ყოფილაო მაპი. ახლა გვეუბნებიან, მაპის გარეშეც შეგვიძლია ნატოში შესვლა. ქვეყანა 25 წელია ქარის წისქვილებს ებრძვის და ნატოში შესვლას ლამობს და ერთი სამოქმედო სტრატეგია არ აქვთ. რომელიმე უცხოელმა საქართველოზე თუ რამე წამოაყრანტალა, ჩაეჭიდებიან ამ აზრს და მთელი ქართული დელეგაცია თუთიყუშებივით იმ ვიღაცის ნათქვამს იმეორებს.

ყველაზე ცუდი ის არის, რომ ნატოს ყოველი სამიტის წინ რაღაც არნახულ მოლოდინებს ქმნიან. არადა წინასწარ იციან, რომ ბუს კვერცხებს მიიღებენ. ნატოს ხელმძღვანელობამ არაერთხელ გვითხრა, რომ ალიანსის გაფართოება არ იგეგმება.

_ მოდით, ისევ შიდა პოლიტიკურ პროცესებს დავუბრუნდეთ. წინა ინტერვიუში გამოთქვით ვარაუდი, რომ კვირიკაშვილსა და პრეზიდენტს შორის რაღაც გარიგება შედგა. ცოტა ხნის წინ ისინი ერთმანეთს არჩევნების თარიღის გამო დაუპირისპირდნენ და რა ხდება, რამეზე ვერ შეთანხმდნენ?

_ არა, არა, არა. ამათ არც გარიგება შეუძლიათ და არც გამორიგება. ამათი მთავარი ახლა ისაა, რომ როგორმე არჩევნებამდე თანამდებობები შეინარჩუნონ. ამისთვის რაღაც სცენარებს წერენ, რომ მოსახლეობის ყურადღება გადაიტანონ.

ესენი რომ ასეთი ჩაჩნები არ ყოფილიყვნენ, ენდიაი იმას ვერ გაგვიბედავდა, რაც ბოლო კვლევისას გაბედეს. კითხვები ჩახლართეს, რათა ქართველ კაცს ზუსტად არ ეთქვა, რას თვლის ნომერ პირველ პრობლემად. ნაციონალებთან წილნაყარმა ენდიამ კითხვა ისე დასვა, რომ ქართველ კაცს ათქმევინა, ნომერ პირველი პრობლემა საჭმელიაო.

_ რაში აწყობდა ენდიაის ასეთი სურათის დახატვა?

_ იმ ჯგუფებს, რომლებიც ამ ორგანიზაციის უკან დგანან, ასეთი სურათი უნდათ. სურთ, დასავლეთს დაუმტკიცონ, რომ საქართველოში ტერიტორიული მთლიანობის აღდგენა აღარ უნდათ.

_ იქნებ მართლა ასეა?

_ გამორიცხულია. რაც არ უნდა უჭირდეს ქართველ კაცს, დედასამშობლოს პურს არ ანაცვალებს. ენდიაის და მათ დამქირავებლებს ამ განწყობის ჩაწიხვლა სურთ.

_ ზემოთ თქვით, რომ ივანიშვილთან რეალური ინფორმაცია არ მიაქვთ. თქვენი აზრით, მას ინფორმაციულ ვაკუუმში ამყოფებენ თუ მათთვის სასურველ ამბებს აწვდიან?

_ ყველა ცდილობს მის კარზე საკუთარი პოზიციის გამყარებას. ამიტომაც აწვდიან ისეთ ინფორმაციებს, რომლებიც მათ ინტერესებში შედის. ამის გარდა, მას ინფორმაციულ ვაკუუმშიც ამყოფებენ. ერთადერთი, ვინც მას რეალურ ინფორმაციას აწვდის, არის სუსის უფროსი ვახტანგ გომელაური. დანარჩენებს მასთან ტყუილი ინფორმაციები მიაქვთ. ივანიშვილი ქვეყანაში არსებულ ვითარებას კარგად რომ იცნობდეს, სხვა გადაწყვეტილებებს მიიღებდა.

_ დარწმუნებული ხართ, რომ სხვანაირ გადაწყვეტილებებს მიიღებდა?

_ დარწმუნებული ვარ. ამ კაცს ანალიზის შესანიშნავი უნარი აქვს, კარგი მოთამაშეა და სხვანაირად იმოქმედებდა.

სამწუხაროდ, ეტყობა, არც ივანიშვილს სურს თავის გარშემო სიმართლის მთქმელი ხალხი. მას ისეთები სჭირდება, ვინც კარგად მოემსახურება. დაჩემებული აქვს ივანიშვილს ნიცშე. ჰოდა, მაგის ნიცშეს აქვს კარგი ნათქვამი მაგის გარშემო მყოფი ადამიანებისნაირებზე _ პეშვიდან წყალი როგორც დაიცლება, ასე შემოეფანტება ეს ხალხი და მარტო დარჩება.

_ არის იმის ალბათობა, რომ გარემოცვამ მარტო დატოვოს?

_ ისეთი ხალხი შემოიკრიბა, მოიშორებს და მთელ ქონებასაც დააკარგვინებს მაგის გარემოცვა. ეს ხალხი ყველა ხელისუფლებას ასე მოექცა და არც ახლა დაიხევს უკან. მართალია, ივანიშვილი ხელისუფლებაში აღარ არის, მაგრამ რაც არ უნდა იფილოსოფოსოს კვირიკაშვილმა, გადაწყვეტილებებს მაინც ის ღებულობს. და რაკი ივანიშვილია ქვეყნის არაფორმალური მმართველი, უმჯობესი იქნება, რეალური სურათი იცოდეს.

 

 

 

 

 

ნინო ბურჯანაძე: ხელისუფლებაში როცა ვიქნები, რუსულ სამხედრო ბაზებს საქართველოდან გავიყვან
11:32 / 11.04.2016
ნინო ბურჯანაძე: ხელისუფლებაში როცა ვიქნები, რუსულ სამხედრო ბაზებს საქართველოდან გავიყვან

„მე პირდაპირ ვიტყვი, რომ საქართველოში არც „ნატოს“ ბაზა უნდა იდგეს არც რუსეთის. მე როცა ვიქნები ხელისუფლებაში, მივაღწევ იმას, რომ დავიწყოთ მოლაპარაკებები და გავიყვანოთ რუსული სამხედრო ბაზები საქართველოდან”, - აცხადებს „აიპრესთან“ საუბრისას "დემოკრატიული მოძრაობის" ლიდერი ნინო ბურჯანაძე.

 

ნინო ბურჯანაძე: ქართული მხარის ყველა ტუტუცურ განცხადებაზე კარასინთან საუბარს ვერ დავიწყებ
05:58 / 05.04.2016
ნინო ბურჯანაძე: ქართული მხარის ყველა ტუტუცურ განცხადებაზე კარასინთან საუბარს ვერ დავიწყებ

"მიკვირს, რატომ გაუკვირდა ვინმეს კარასინის რეაქცია. რას ელოდებით, ბატონებო?! როდესაც რუსეთს ქვეყნის თავდაცვის მინისტრი ასეთი ტონით ელაპარაკება, რა ტონითაც ჩვენი თავდაცვის მინისტრი ლაპარაკობს… ამას ვინ გაპატიებს?! კიდევ ძალიან თავშეკავებული რეაქცია აქვს რუსეთს", - განაცხადა ნინო ბურჯანაძემ თავდაცვის მინისტრის თინათინ ხიდაშელის განცხადებაზე.

ქალბატონო ნინო, საკმაოდ მკაცრი განცხადება გააკეთეთ იმის საპასუხოდ, რაც კარასინის განცხადებებს მოჰყვა. საგარეო პოლიტიკას უწუნებთ თავდაცვის მინისტრს თუ ფიქრობთ, რომ რუსეთთან დიალოგის გარეშე საქართველო სერიოზული პრობლემების წინაშე აღმოჩნდება?

ნინო ბურჯანაძე: 7 წელი მოვანდომე იმისთვის ბრძოლას, რომ ქვეყანას პერსპექტივა გასჩენოდა
18:14 / 04.04.2016
ნინო ბურჯანაძე: 7 წელი მოვანდომე იმისთვის ბრძოლას, რომ ქვეყანას პერსპექტივა გასჩენოდა

კოალიცია "ქართული ოცნება" დაიშალა. გაცხადებული ფორმალური ერთობის მიუხედავად, ამ რამდენიმე დღის განმავლობაში ერთმანეთის მისამართით არაერთი ბრალდება, საყვედური და წარსულში ჩადენილი პარტიული შეცდომების წამოძახება გაისმა. ძალიან ხშირად ჟღერდა სიტყვა - "პრორუსული".

 

გიგლა ბარამიძის ინტერვიუ
14:58 / 04.04.2016
გიგლა ბარამიძის ინტერვიუ

ო (პოზიცია)

 

რომელ მინისტრს, დეპუტატსა და ბიზნესმენს სთხოვენ ფარული კადრები არგამოქვეყნებაში 200 ათასს.

გიგლა ბარამიძე: ,მაქვს ურთიერთობები, მყავს წყაროები...''

ნინო კომახიძე

პარტიული ყრილობა, სავარაუდოდ, ივნისში ექნებათ, ,,მარგი ქმედების კოეფიციენტის'' არმქონე პარტიების ,,აკიდებას'' არ აპირებენ და ჯერ არც ფართომასშტაბიანი საარჩევნო კამპანიის დაწყებას გეგმავენ - ასეთია ნინო ბურჯანაძის დემოკრატიული მოძრაობის უახლოესი გეგმები, რომელთა შესახებაც ,,ვერსიას'' პარტიის პოლიტიკური მდივანი გიგლა ბარამიძე ესაუბრა. მარამიძე, რომელიც პროკურატურამ ერთხელ უკვე გამოკითხა ფარული ჩანაწერების თემას აგრძელებს და ბიძინა ივანიშვილის პოლიტიკურ ჩანაფიქზეც გვიამბობს. ,,ვერსიამ'' გიგლა ბარამიძესთან საუბარი კოალიციის დაშლით დაიწყო. ისე, სულაც არ ველოდი, რომ ინტერვიუ სკანდალური გამოვიდოდა.

ნინო ბურჯანაძე: ევროკავშირის ელჩმაც იგივე თქვა ვიზალიბერალიზაციაზე, რაზეც მე გამაკრიტიკეს
22:37 / 02.04.2016
ნინო ბურჯანაძე: ევროკავშირის ელჩმაც იგივე თქვა ვიზალიბერალიზაციაზე, რაზეც მე გამაკრიტიკეს

"დემოკრატიული მოძრაობის" ლიდერი, ნინო ბურჯანაძე "აიპრესთან" საუბრისას აცხადებს, რომ საქართველოს მოქალაქეები ვიზალიბერალიზაციას ზაფხულში, როგორც ამას ხელისუფლება აანონსებს, ვერ მიიღებს. მისი თქმით, ეს საკმაოდ ხანგრძლივი პროცედურაა, რომელიც ზაფხულამდე ვერ მოესწრება.

 

გიგლა ბარამიძის ინტერვიუ
21:00 / 22.03.2016
გიგლა ბარამიძის ინტერვიუ

"ხელისუფლება ვანო მერაბიშვილის მოადგილეს გაურიგდა"

რა მასალებს აწვდის ამირან მესხელი "ქართულ ოცნებას" ოპონენტებზე

გიგლა ბარამიძე: `რუსეთმა დაკარგული ტერიტორიები რომ დააბრუნოს, რამდენიმე პარტია შიმშილით მოკვდება~

ვის წისქვილზე დაასხა წყალი გრიგორი კარასინის განცხადებამ, რატომ არ გამოიძია ხელისუფლებამ გახმაურებული საქმეები და აგვისტოს ომი, რა გარიგება დაიდო ნაციონალებთან? _ ამის შესახებ `ახალ თაობას~ დემოკრატიული მოძრაობის ერთ-ერთი ლიდერი გიგლა ბარამიძე ესაუბრება.

 

ნინო ბურჯანაძე: ივანიშვილი ''რესპუბლიკელების" მიმართ განსაკუთრებული გრძნობებით არის განსმჭვალული
16:55 / 10.03.2016
ნინო ბურჯანაძე:  ივანიშვილი ''რესპუბლიკელების" მიმართ განსაკუთრებული გრძნობებით არის განსმჭვალული

"ბიძინა ივანიშვილი ის ადამიანია, ვინც `რესპუბლიკელების” მიმართ განსაკუთრებული გრძნობებით არის განმსჭვალული და ფაქტია, რომ მათსავით აზროვნებს. Yველაფერი გააკეთა იმისთვის, რომ ქვეყანაში "რესპუბლიკური პარტია" წარმატებული და დომინანტური ძალა ყოფილიყო." – აცხადებს `დემოკრატიული მოძრაობის" თავმჯდომარე ნინო ბურჯანაძე, რომელსაც `რეზონანსი" მიმდინარე პოლიტიკურ საკითხებზე გაესაუბრა.

ამბობს, რომ ოპოზიციასთან `საუბრები მიმდინარეობს", თუმცა საპარლამენტო არჩევნებზე გამოსვლას დამოუკიდებლად აპირებს.

 

გიგლა ბარამიძე: ''რესპუბლიკელებს'' ერთი სული აქვთ, ივანიშვილი მოახრჩონ
16:48 / 10.03.2016
გიგლა ბარამიძე: ''რესპუბლიკელებს'' ერთი სული აქვთ, ივანიშვილი მოახრჩონ
`რუსული ფულით ევროატლანტიკური ფაფხური მიუღებელია~
`ხელისუფლებას ზურაბ ადეიშვილიღა დარჩა დასასაქმებელი~
რა შანსებს აძლევს არასაპარლამენტო ოპოზიციას ნაციონალებსა და `ქართულ
ოცნებაში~ დაწყებული დაპირისპირება, მოხდება თუ არა დიდი ოპოზიციური
გაერთიანება, ვინ უპირებს ბიძინა ივანიშვილს მოხრჩობას, ვის არა აქვს უფლება,
ილაპარაკოს პროდასავლურობაზე? _ ამის შესახებ `ახალ თაობას~ დემოკრატიული
მოძრაობის ერთ-ერთი ლიდერი გიგლა ბარამიძე ესაუბრება.
გიგლა ბარამიძე:
_ დღეს მთელი ქვეყანა თინა ხიდაშელისა და გოგი თოფაძის დაპირისპირების
განხილვით არის დაკავებული. არადა, ქვეყანაში იმაზე გაცილებით სერიოზული
პრობლემებია, ვიდრე ამათი ბუტიაობა. ესენი ერთმანეთს ვერასდროს იტანდნენ, მაგრამ,
არც ისაა გამორიცხული, ხელისუფლება მათ შორის დაპირისპირებას სხვა პრობლემების
გადასაფარად იყენებდეს.
მთავრობა ვერცერთ გამოწვევას ვერ უმკლავდება. კატასტროფულად იმატა
კრიმინალმა, სამუშაო ადგილები არ იქმნება და ხალხი შიმშილით სულს ღაფავს. ამ
დროს ვიღაც ჩინოვნიკმა, რომელმაც ბათუმში რესტორანში მისთვის სასურველი მაგიდა
ვერ შეუკვეთა, რესტორანს წყალი გადაუკეტა.
ცოცხალი თავით არ ცვლიან საარჩევნო კოდექსს, ამბობენ, რა ცვლილებებსაც
გვთავაზობთ, კარგია, მაგრამ 2020 წლამდე არაფერი შეიცვლებაო. ამით რა გამოდის, რომ
მომავალი 4 წელი კიდევ ამ მუქთახორებსა და 0%-იან წურბელებს ვუყუროთ?
ძალიან ცნობილი რომაული ფორმულა _ პური და სანახაობა `ქართულმა ოცნებამ~
შეცვალა და მხოლოდ სანახაობა დატოვა. პური, ამ შემთხვევაში ეკონომიკა, ჩამოშალა და
დააქცია. მსოფლიოს ვერცერთ ქვეყანაში ვერ ნახავთ იმდენ ლომბარდს, რამდენიც
საქართველოშია. ეს ძალიან ცუდი რამის მანიშნებელია. ხალხს სახლიდან რაღაც ნივთები
გამოაქვს და ალომბარდებს, რომ პურის ფული იშოვოს. ამ ვითარებაში კარგი სანახავია,
როგორ ჭამენ ერთმანეთს ხელისუფლების წევრები.
_ თუმცა ეს დაპირისპირება მხოლოდ ყურადღების მისაქცევად არ უნდა იყოს
დაწყებული.
_ რა თქმა უნდა. ჩვენ ჯერ კიდევ 2012 წელს ვამბობდით, რომ ისინი საერთო ენას
ვერ გამონახავდნენ. გარდა იმისა, რომ განსხვავებულად უყურებენ ყველაფერს,
ერთმანეთი სძულთ. ისიც საკვირველია, ამდენი ხანი როგორ იკავებდნენ თავს და
აქამდე რატომ არ დაერივნენ ერთმანეთს.
რესპუბლიკელები გამოდიან და ამბობენ, ჩვენ კოალიციაში მყოფებისგან
განსხვავებული მსოფლმხედველობა გვქონდა, მაგრამ მიზანი დიდი იყო _ მიშა უნდა
დაგვემარცხებინაო. მივმართავ რესპუბლიკელებს: თქვე გაჭირვებულებო, რისი ან ვისი
დამმარცხებლები ხართ? მიშა ქართველმა ხალხმა და ბიძინა ივანიშვილის ავტორიტეტმა
დაამარცხა. გამარჯვების ნაყოფი თქვენ მიიღეთ და არა _ საზოგადოებამ.
რადგან ასეთი განსხვავებული ფსიქოტიპები ხართ და ლამის საქართველოს
გეოპოლიტიკური არჩევანის გარანტორად მოგაქვთ თავი, მიშა ხომ დამარცხებულია და
რაღა გაკავებთ? თავიანთ ფლიდურ ნაბიჯებს პოლიტიკურ საფარველში ფუთავენ და
ცდილობენ, კარგად წარმოაჩინონ საკუთარი თავი. სინამდვილეში ყველას მიმართ
უპატივცემულობას იჩენენ, კოალიციაში ყველას ზემოდან უყურებენ.
_ ზემოდან ყურება რით გამოიხატება?
_ ამის მაგალითად გამოდგება პრემიერთან შეხვედრიდან გამოსული დავით
უსუფაშვილის განცხადება. რომელმაც განაცხადა, პარტია `ქართულ ოცნებასთან~
სტრატეგიულ რეჟიმში უნდა ვითანამშრომლოთო. მე არ ვიცი, რა სტრატეგიული რეჟიმი
იყო აქამდე, მაგრამ ეს განცხადება კოალიციაში შემავალი სხვა პარტიების
უპატივცემულობაა. ამათ ერთი მიზანი აქვთ მხოლოდ _ ბიძინა ივანიშვილის მზის ქვეშ
დაიკავონ ადგილი. ახლა საკმარისია ბიძინას ერთი ჭიტლაყი და ესენი მალაყით
დაასრულებენ ყელყელაობას ქართულ სპექტრში.
_ თქვენი პარტიის ლიდერმა ნინო ბურჯანაძემ განაცხადა, ივანიშვილი ფარული
რესპუბლიკელიაო და, აქედან გამომდინარე, გაიმეტებს მათთვის ჭიტლაყს?
_ მეც ვიზიარებ ნინო ბურჯანაძის ამ მოსაზრებას. აბა, სხვა რა ახსნა უნდა
მოუძებნო იმას, რომ ხელი ჩაჰკიდა და საბავშვო ბაღის ბავშვებივით ატანტალა აქეთ-
იქით, ყველა წამყვან თანამდებობაზე ეგენი დანიშნა. არ გამოვრიცხავ, ბატონ ბიძინას
მარცხენა გულის ჯიბეში რესპუბლიკელების პარტიის ბილეთიც ედოს. არადა, ყველას
გვსმენია საუბრები იმაზე, რომ ის თითქოს ვერ იტანს ამ პარტიას. საქმე საპირისპიროზე
მეტყველებს.
ესენიც ბოროტად სარგებლობენ მისი კეთილგანწყობით და ხშირად გვამუნათებენ,
ჩვენ გვსურს ევროატლანტიკურ სივრცეში საქართველოს გაწევრიანებაო. ეს გასაკვირი
არაა, რადგან ევროპული ცნობიერება საქართველოში ბევრად ადრე იყო, ვიდრე ეს
ადამიანები დაიბადებოდნენ. მათ კოლხურ-ელინურ ურთიერთობას შევახსენებ. სხვა
თუ არაფერი, რომში ფარსმან ქველის ძეგლი იყო დადგმული და რას გვამადლით
ევროპისკენ სწრაფვას. ამ განცხადებებს დასავლეთში ვიღაცების გასაგონად აკეთებენ.
ჩვენ თუ არა, საქართველო ევროპისკენ არ წავაო. აქ თქვენი გაზეთის საშუალებით მინდა
ვკითხო, ევროატლანტიკურ სივრცეში გაწევრიანება რუსული ფულით მისაღებია?
საინტერესო იქნება ამ კითხვაზე მათი პასუხი.
კოალიცია `ქართულ ოცნებაში~ გაწევრიანებულ პარტიებს მივმართავ,
დაგავიწყდათ, თითო-თითო მილიონი რომ გადმოგირიცხათ ბატონმა ბიძინამ? თქვენ
თუ დაგავიწყდათ, ჩვენ გვახსოვს. თქვენი აზრით, ეს ფული სტრასბურგიდან იყო
მოტანილი თუ ვაშინგტონიდან? ბიძინა ივანიშვილი ბიზნესმენად ჩამოყალიბდა
რუსეთში, იქ დააგროვა კაპიტალი. ასე რომ, ძვირფასო რესპუბლიკელებო, დასავლურ
ცივილიზაციაზე რუსული ფულით ფაფხურობთ.
_ რუსული ფულით დაფინანსება დანაშაულია?
_ დანაშაული არაა, მაგრამ უზნეობაა, სხვებს რომ უწოდებენ პრორუსულებს.
ივანიშვილის დიდი შეცდომაა ის, რომ ამ ხალხს ამდენს ალაპარაკებს. ხვალ შესაძლოა
მასვე შეუქმნან პრობლემები. ერთი სული აქვთ, როგორმე ისე მომძლავრდნენ, რომ
პირველი ივანიშვილი მოახრჩონ. ამის შესახებ ერთმანეთში უკვე ხმამაღლა საუბრობენ.
_ რესპუბლიკელები უპირებენ ივანიშვილს მოხრჩობას?
_ აბა, სხვა ვინ? ამაზე მთელი ქალაქი ლაპარაკობს. ეტყობა, მათი ყელყელაობა
ყველას ყელში ამოუვიდა და რამდენიმე დღის წინ მათი მისამართით პრემიერმა კარგი
განცხადება გააკეთა. უმჯობესი იქნებოდა, ამ ყმაწვილკაცს ასეთი რამე ცოტა ადრე
ეთქვა. მეეჭვება, სიტყვა საქმედ აქციოს, მაგრამ, რაღაც რომ თქვა, ესეც მისასალმებელია.
_ ნაციონალებში არსებულ დაპირისპირებაზე რაღას იტყვით, იქ რა ხდება?
_ იქაც საარჩევნო სიის გამო მიდის დაპირისპირება. `ქართულმა ოცნებამ~
ყველაფერი გააკეთა იმისთვის, რომ ამ დამნაშავეებს მთავარი ოპოზიციური ძალის
სტატუსი მიეღოთ. ცოტა ხნის წინ ისეთი ოდიოზური ფიგურები დააწინაურეს
იუსტიციის უმაღლეს საბჭოში, რომ საჭიროა ზურაბ ადეიშვილის დაბრუნებაც. მისი
შექმნილია ეს სისტემა, მოსამართლეები მისი ხალხია და დაუნიშნონ ბარემ მეთაურად.
დააბრუნონ ციხის დირექტორებად ისინიც, რომელთა დროსაც ხალხს აწამებდნენ.
მოკლედ რომ ვთქვათ, ყველაფერი გაუთეთრეს.
მათ წინააღმდეგ ხმასაც იმიტომ იღებენ, რომ თითის გასაშვერი სხვისკენ არ აქვთ.
ურთმელიძესა და მურუსიძეზე აწყობენ სასამართლო სისტემას. ასეთ ვითარებაში
სამართლიანობის აღდგენის იმედი არ უნდა გვქონდეს.
_ ნაციონალებში არსებული დაპირისპირება მათ ამომრჩეველზე როგორ აისახება?
_ ამას არჩევნებზე ვნახავთ. მათ საქართველოდან დიდი ფული წაიღეს,
უკრაინაშიც კარგად შოულობენ. დიდი ფინანსებით შეეცდებიან ხმების მოპოვებას,
თორემ არანაირი მნიშვნელობა არა აქვს, ვინ იქნება მათი საარჩევნო სიის პირველი
ნომერი, სანდრა, დებორა თუ საფო.
ივანიშვილი რამდენჯერმე გავაკრიტიკე, ამის მიუხედავად, ვერ დავუკარგავ იმ
ღვაწლს, რომელიც მან სააკაშვილის რეჟიმის შეცვლაში შეიტანა. ეს იყო ომის მოგება,
მაგრამ, არც ის უნდა დაავიწყდეს ვინმეს, რომ მანამდე ჩვენ საკმაოდ მნიშვნელოვანი
ბრძოლები გვქონდა რეჟიმთან გამართული. კოალიცია `ქართულ ოცნებაში~
მოკალათებულ პარტიებს შევახსენებ, რომ პარლამენტში მოხვედრას ჩვენც უნდა
გვიმადლოდნენ.
_ რას გულისხმობთ?
_ ბიძინა ივანიშვილმა პოლიტიკაში მოსვლა 2011 წლის 26 მაისის დარბევის
შემდეგ გადაწყვიტა. ეს აქცია დემოკრატიული მოძრაობისა და სახალხო კრების მიერ იყო
ორგანიზებული. სამწუხაროდ, მე მაშინ საქართველოში არ ვიყავი, ნაციონალებს ძებნა
ჰქონდათ გამოცხადებული ჩემზე. ჩვენებს სისხლი რომ არ დაეღვარათ, 2012 წელი არ
მოვიდოდა, ესენი ასე ვერ იყელყელავებდნენ და თანამდებობებს ვერ გაიყოფდნენ.
_ მმართველ გუნდსა და ნაციონალებში არსებული დაპირისპირება
არასაპარლამენტო ოპოზიციის წისქვილზე თუ ასხამს წყალს?
_ არასაპარლამენტო ოპოზიციისთვის ხელსაყრელი მომენტი ნამდვილად არის.
ყველა გამოკითხვა ცხადყოფს, რომ მოსახლეობის დიდ ნაწილს გადაწყვეტილი არ აქვს,
არჩევნებზე ვის მისცეს ხმა. ამომრჩევლის ამ მდგომარეობამდე მიყვანა მმართველი
ძალის დამსახურებაცაა. იმდენი იკუნტრუშეს მასში შემავალმა პარტიებმა, რომ ხალხმა
კარგად დაინახა, ვის რისი კადრება შეუძლია.
_ შეძლებს ამ შანსის გამოყენებას არასაპარლამენტო ოპოზიცია?
_ არჩევნებამდე ცოტა დრო დარჩა. იმედი გვაქვს, რომ საზოგადოება მალე
გაერკვევა და იმ ძალას დაუჭერს მხარს, რომელიც არანაირი პრო არ იქნება. ნორმალური
პარტია მზად უნდა იყოს, ნებისმიერ ქვეყანასთან ითანამშრომლოს, საქართველოს
ინტერესებიდან გამომდინარე. მთავარი ამოსავალი ეროვნული ინტერესები უნდა იყოს.
_ არის საქართველოში ასეთი პარტია?
_ ასეთი ძალა არის დემოკრატიული მოძრაობა. ამიტომაც ვერ გვიტანენ და რაღაც
იარლიყებს გვაკერებენ.
_ რაღაც იარლიყებში პრორუსულ ძალად რომ მოგიხსენიებენ, ამას გულისხმობთ?
_ ეგ, იცით, რას ჰგავს? პროფესიონალი მეძავი, საკუთარი ცუდი ზნის დასაფარად,
წესიერ ქალს რომ გაეკიდება და მეძავო, მეძავოო, დაუძახებს.
_ ამის ძახილით თავის პრორუსულობას მალავენ?
_ არა მარტო პრორუსულობას. ან რომ გვაწებებენ ამ იარლიყს, რით გამოიხატება ეს
პრორუსულობა? რუსეთთან დიალოგი რომ საჭიროა, ამაზე თავად ევროპა და ამერიკა
მიგვითითებენ. მთავარია, საგარეო კურსი არ შეიცვალოს, თორემ დიალოგი ყველასთან
შეიძლება.
საოცარია ერთი რამეც, ჩვენი ლიდერი ევროპაშიც ხშირად ჩადის და მნიშვნელოვან
კონფერენციებში მონაწილეობს. ამაზე გატრუნულები არიან. საკმარისია, რაიმე
საერთაშორისო შეკრებაზე ჩავიდეს ბურჯანაძე პეტერბურგში ან მოსკოვში, რომ ერთ
ამბავს ტეხენ, თანაც ჩვენ არასდროს ვმალავთ, სად რა შეხვედრებს ვმართავთ.
_ არასაპარლამენტო ოპოზიციასთან თუ აპირებთ რაიმე ფორმით
თანამშრომლობას?
_ ამ ეტაპზე არანაირ გაერთიანებაზე არ არის საუბარი. ჩვენ საკუთარი ძალებით,
დამოუკიდებლად ვაპირებთ არჩევნებში მონაწილეობას. პოლიტიკაში გამორიცხული
არაფერია და მომავალში შესაძლოა რაღაც შეიცვალოს. როგორც უკვე გითხარით, 2012
წლის შედეგი რომ დადგა, ჩვენი დამსახურებაა, მაგრამ სხვა დარჩა მოგებული. ამაზე
ჩივილს არ ვაპირებთ, ან ვის უნდა შევჩივლოთ _ რუსთაველი მკვდარია.
რუსული ფულით ევროატლანტიკური ფაფხური მიუღებელია.
ხელისუფლებას ზურაბ ადეიშვილიღა დარჩა დასასაქმებელი.
რა შანსებს აძლევს არასაპარლამენტო ოპოზიციას ნაციონალებსა და "ქართულ
ოცნებაში" დაწყებული დაპირისპირება, მოხდება თუ არა დიდი ოპოზიციური
გაერთიანება, ვინ უპირებს ბიძინა ივანიშვილს მოხრჩობას, ვის არა აქვს უფლება,
ილაპარაკოს პროდასავლურობაზე? ამის შესახებ "ახალ თაობას" დემოკრატიული
მოძრაობის ერთ-ერთი ლიდერი გიგლა ბარამიძე ესაუბრება.

დიმიტრი ლორთქიფანიძე: “ქვეყანაში მშიერი ბუნტი იწყება”
13:35 / 07.03.2016
დიმიტრი ლორთქიფანიძე: “ქვეყანაში მშიერი ბუნტი იწყება”
თაკო მათეშვილი
“თანამედროვე მონობის მოდელი” - ასე უწოდებს „გაერთიანებული
დემოკრატიული მოძრაობის“ წარმომადგენელი დიმიტრი ლორთქიფანიძე
ტყიბულელი მეშახტეების მდგომარეობას და აცხადებს,რომ ამაში დამნაშავე
სახწლმწიფოცაა და პროფკავშირებიც.
პირველი იმიტომ, რომ კანონმდებლობით დამსაქმებელს დასაქმაბულების ასეთ
მდგომარეობაში ჩაგდების საშუალებას აძლევს; მეორე კი იმის გამო, რომ არ
ასრულებს თავის უპირველეს მოვალეობას და მუშათა კლასს გვერდში არ უდგას.
მოგეხსენებათ, ტყიბულელ მეშახტეთა პროტესტი გრძელდება. მაღაროელები და
მათი მხრადამჭერები გუშინ დილიდან ისევ საქნახშირის ადმინისტრაციულ
შენობასთან შეიკრიბნენ. მოთხოვნები უცვლელია. ხელფასების 40 პროცენტამდე
გაზრდა და სამუშაო პირობების გაუმჯობესება.
კომპანიაში კი აცხადებენ, რომ შექმნილ ვითარებაში უსაფრთხოების მიზნით
მენეჯმენტი იძულებულია გარკვეული უბნების კონსერვაცია განიხილოს.
“რეზონანსი”: შეიძლება თუ არა ტყიბულის მოვლენები მასობრივ სოციალურ
კრიზისში გადაიზარდოს?
დიმიტრი ლორთქიფანიძე:  ნამდვილად ასე შეიძლება განვითარდეს ის
პროცესები, რომლებიც ტყიბულში დაიწყო. მეშახტეების პრობლემები ჩემთვის
კარგადაა ცნობილი. 2012 წელს მთელი წინასაარჩევნო კამპანია ელისო
ჩაფიძესთან ერთად ჩავატარე და კარგად ვიცი იმ ოჯახების სოციალური ყოფა,
რომელთა წევრებიც მეშახტეებად მუშაობენ.
2012 წელს პარლამენტში გამოსვლის დროს მეშახტეთა მდგომარეობას მე
თანამედროვე მონობის მოდელი ვუწოდე. ჯერ კიდევ 2010-2011 წლებში, როცა იქ
თურქი ინვესტორი იყო შესული და ამ ბიზნესს სხვა მეპატრონე ჰყავდა,
მეშახტეების საშუალო ხელფასი 400 ლარის ფარგლებში მერყეობდა. იყვნენ
ისეთებიც, ვინც 200 ან 300 ლარს იღებდა. რაც ყველაზე მთავარია,  იმ შახტებში,
სადაც ყველაზე მეტი საშიშროება იყო, უსაფრთხოება დაცული არ ჰქონდათ.
ხშირი იყო მეშახტეების ტრამვირება და სიკვდილიანობის შემთხვევები.
მიუხედავად იმისა, რომ მათ მუშაობა ძალიან ცუდ პირობებში უწევდათ, ისევე
როგორც ჭიათურელებს მაღაროებში, იმ ეკონომიკური ფონის გათვალისწინებით,
რაც მაშინ საქართველოში იყო, ჯერ-ჯერობით ეს ყველაფერი კიდევ შეეძლოთ
აეტანათ. ახლა კი, გლობალური ეკონომიკური გაჭირვებისა და ფინანსური
კრიზისის ფონზე,  მათი მდგომარეობა დამძიმდა.
ეს უკანასკნელი წვეთი იყო იმ ფიალაში, რომელიც უკვე გაივსო და თქვენ
ხედავთ რომ პროცესები ნელ-ნელა უკვე უმართავი ხდება. შეიძლება მთელ
ქვეყანაში მშიერი ბუნტის დაწყებას ჩაეყაროს საფუძველი. სოციალური კრიზისი,
ეკონომიკურ კრიზისთან ერთად მშრომელი ადამიანებისთვის გამოუვალ
სიტუაციას ქმნის. მათ ოჯახში ლუკმა-პურის შეტანის საშუალებაც კი ესპობათ იმ
რეგულაციებით, რომელიც ბოლოდ დროს საქართველოს პარლამენტმა მიიღო.
მინდა ვისარგებლო შემთხვევით და ელისო ჩაფიძეს მადლობა გადავუხადო იმ
განცხადებებისათვის, რომლებსაც ბოლო დღეებში აკეთებს. იმ სამოქალაქო და
პოლიტიკური პოზიციისთვის, რომელიც ხშირად საკუთარი გუნდის
საპირისპიროც კია.
“რეზონანსი”: რაც შეეხება ხელისუფლების პოზიციას, რამდენად ადეკვატურია
იგი თქვნი აზრით შემქნილ ვითარებაში?
დ.ლ: მე ვფიქრობ, რომ ხელისუფლება ცაიტნოტშია. მას გამოსავალი არ აქვს
მოძებნილი. სიტუაცია კი ყოველდღიურად უფრო და უფრო ჩიხში შედის.
მხოლოდ ერთი დეპუტატის განგაშის ზარები გამოსავალი არაა.
ვფიქრობ საჭიროა ხელისუფლებამ ინვესტორთან მეშახტეების პრობლემების
გადასაჭრელად, მათი ხელფასების მოსამატებლად და შრომითი პირობების
უზრუნველსაყოფად,  დიალოგი დაიწყოს.
“რ”: ცნობილი გახდა, რომ კომპანია ზოგიერთი შახტის კონსერვაციას გეგმავს. ეს
რას გამოიწვევს?
დ,ლ: ეს იმას გამოიწვევს, რომ ისედაც ერთ გუნდად ქცეული ტყიბულის მუშათა
კლასი საკუთარი უფლებების დასაცავად საბოლოოდ გაერთიანდება.
ხელისუფლებისათვის ეს ძალიან არასახარბიელო მდგომარეობა იქნება, რადგან
პროცესი შესაძლოა მყისიერად გადამდები გახდეს ჭიათურის
მაღაროელებისათვის, რომლებიც უარეს თუ არა, უკეთეს მდგომარეობაში
ნამდვილად არ არიან. ეს ყველაფერი კი, დიდი ალბათობით, მიმდებარე
რეგიონებში  სოლიდარობას ჰპოვებს. საბოლოოდ  ყველაფერი მასობრივ
მღელვარებამდე შეიძლება მივიდეს.
“რ”: ანუ, მიგაჩნიათ, რომ პროტესტი სხვა ინდუსტრიულ ქალაქებსაც შეიძლება
მოედოს?
დ.ლ: რა თქმა უნდა. ზესტაფონიც მთლიანად ჭიათურის მანგანუმზეა
დამოკიდებული. შესაბამისად, თუკი პროტესტი  ჭიათურაში გადავა, ეს
პროცესში ზესტაფონის მოსახლეობასაც აუცილებლად ჩაითრევს. თუ ამ პროცესს
მკაცრი კონტროლი დღესვე არ გაუწია ხელისუფლებამ და ინვესტორებთან
მოლაპარაკებები არ დაიწყო, შეიძლება მთელი ქვეყანა  პროტესტმა მოიცვას.
“რ”: ყველასთვის კარგადაა ცნობილი, რომ საქართველოში დასაქმებულთა
უფლებები დაცული არც ერთ სფეროში არაა. რატომ ვერ უზრუნველყობს
პროფკავშირები მათ ელემენტარულ დონეზე დაცულობას მაინც?
დ.ლ:  საქართველოს პროფკავშირებს , რომელსაც მე პირადად არ ვენდობი,
სერიოზული ბერკეტი გააჩნია იმისათვის, რომ მუშათა კლასს გვერდში დაუდგეს.
ეს პირველ რიგში მისი მოვალეობაა. სამწუხაროდ, არსებულ პროცესებზე
პროფკავშირების დადებით ზეგავლენას ვერანაირად ვერ ვხედავთ.
შესაბამისად, თუ ეს პროცესები ისე წავა, რომ მისი ყველაზე ნეგატიური
შედეგები ხელსუფლებამ თავიდან ვერ აიცილა, მიმაჩნია, რომ ამაში გარკვეული
წვლილი პროფკავშირებსაც ექნება შეტანილი.  აქ მხოლოდ საპროტესტო აქიებში
თანამომნაწილეობა ხომ არაა საქმე. პირველ რიგში, შრომის კანონმდებლობაზეა
საუბარი, რომელიც დღემდე ვერ დაიხვეწა და ვერ გახდა ისეთი, რომ ადამიანი
საკუთარ ქვეყანაში შრომითი ექსპლუატაციისაგან დაცული იყოს.
ამ პრობლემების დაძლევას კი მუშათა კლასი საკუთარი ძალებით ვერ შეძლებს.
მათ პროფკავშირების დახმარება სჭირდებათ, ჩვენ თუ მშრომელებს
სამართლებრივად და ინტელექტუალურად არ ვეხმარებით, მაშინ მათ საკუთარი
ინტერესების ძალის გამოყენებით დაცვა მოუწევთ. ეს ყველგან ასე ხდება.  როცა
დამსაქმებელი ყველაფერს მხლოდ საკუთარ მოგებაზე თვლის და დასაქმებულის
უფლებების არ დაგიდევთ მხოლოდ იმიტომ, რომ შრომითი კანონმდებლობა ამის
საშუალებას იძლევა, მთელი პასუხისმგებლობა მმართველ ხელისუფლებას
ეკისრება.
თაკო მათეშვილი
“თანამედროვე მონობის მოდელი” - ასე უწოდებს „გაერთიანებული
დემოკრატიული მოძრაობის“ წარმომადგენელი დიმიტრი ლორთქიფანიძე
ტყიბულელი მეშახტეების მდგომარეობას და აცხადებს,რომ ამაში დამნაშავე
სახწლმწიფოცაა და პროფკავშირებიც.
პირველი იმიტომ, რომ კანონმდებლობით დამსაქმებელს დასაქმაბულების ასეთ
მდგომარეობაში ჩაგდების საშუალებას აძლევს; მეორე კი იმის გამო, რომ არ
ასრულებს თავის უპირველეს მოვალეობას და მუშათა კლასს გვერდში არ უდგას.
მოგეხსენებათ, ტყიბულელ მეშახტეთა პროტესტი გრძელდება. მაღაროელები და
მათი მხრადამჭერები გუშინ დილიდან ისევ საქნახშირის ადმინისტრაციულ
შენობასთან შეიკრიბნენ. მოთხოვნები უცვლელია. ხელფასების 40 პროცენტამდე
გაზრდა და სამუშაო პირობების გაუმჯობესება.